بلييييييييييز ابي شوركم شسوي مع ريلي؟؟؟

[الكونتيسا]

السلااام عليكم ...

سلونكم بنات شخباركم؟؟
انا عندي مشكله كبيره مع ريلي ومو عارفه شسوي حاولت بكل شي بس ماكو فايده قلت اخذ رايكم يمكن وحده تقدر تساعدني

انا ريلي قبل لاخذني كان خاطب بنت عمته ثمن سنين ونفكت خطبتهم والكل درى انه خلاص مايبيها وبعدها باقل من سنه خطبني ووافقت وبعد ابع اشهر من عرسنا اكتشت انها يايه للكويت اهي بحرينيه وطالع معاها ومحتفلين بعيد الحب بعد وبعد اكتشفت ان يحاجيها وانهم للحين مع بعض وبعدها بفتره قريت محادثاته معاها بالمسن وجفت الصور اللي مطرشتهم له وطبعا تهاوشت معاه وقالي انه اهي اللي تدق وتطرش واهي اللي لازقه فيه وقالي ان خلااص ماراح يرد عليها وحلفلي انه مايبيها ووانا وعد عمتي اني ما افتش وراه بس مره كنا رادين وقالي انه كاتب لي شعر وطبعا اتشققت من الوناسه وللااسف ماتمت وناستي بعدها بشوي اكتشفت انه مطرشه لهاا وربي مت وقتها بس ماعرفت شسوي وماقلت له اي شي عشان مايقولون انبش ورااه

بليييز يابنات اللي عندها شور ولا راي تسعفني فيه انا مو عارفه شسوي انا ماكملت سنه معاه واحس موقادره اتحمل اكثر ابي رايكم بلييييييز...:eh_s(7):​

 

[Shine~Flower]

:\ الله يعينج انشالله .. والله ماكو حل الا انج تصبريين و صبر مفتاح الفرج .. ولا تفكرين بالطلاق ميخالف صبري .. وربي يسهل انشالله ويهنيكم ويبعد عنكم عين الحسووود :*

 

[غمزة خجل]

رد : بلييييييييييز ابي شوركم شسوي مع ريلي؟؟؟

يالله

الله يصبرج حبيبتي


بس لازم تحطين حد لهالعلاقه مدام يبيها ليه يتربط فيج انتي انسانه ولج قلب مثلها

ويحدد موقفه يامعاها يامعاج

الله يوفقج ياقلبي

 

[&شوارفسكيه&]

انا من رايي تدقين على البنت وتحاجينها وتقولين ترى يضحك عليج وما يحبج ومن الحجي
قولي لو يحبج ما خذاني انا قبل الزواج على علاقه معاه وخذاني وخلاج يعني اهوه كان خاطبج وانا ادري
المهم لفقي عليها سوالف خليها تعوفه \
والله يعينج

 

[cute00]

وين اهلها عنهاا؟؟؟
انا قريت بمنتدى ثاني نفس سالفتج بالضبط بالضبط اذا بتعرفين راسليني بالخاااص وانا اعلمج المنتدى شسمه

 

[NoNa99]

رد : بلييييييييييز ابي شوركم شسوي مع ريلي؟؟؟

الله يعينج اكره الخياااانه............. تبين نصيحتي خليج طبيعيه ولاتحرين عمرج تصرفي معااه عاادي خلي علاقتج معاه صطحيه وبالطقااق مو هامج سوالفه وخرابيطه اهوو راح يفكر بقووول اشفيهااا هاذي موهاما....اهم اذا شافو الوحده تصد عنهم يركضوون وراها.... واذا حسيتي ماكو فايده حاااولي تتفاهمين معاها وتوقفينها عند حدهااا.......

 

[اميرة-الاحجار]

8 سنين مو شويه يمكن يحبها صج وصارت خلافات بين الاهل وماخلو الزواج يتم تحققي من الموضوع شنو سبب الانفصال عقب 8 سنين ..!!
وبعدين لكل حادث حديث .. راح يبين اذا يحبها ولا لا

 

[المحاماة فن رفيع]

رد: رد : بلييييييييييز ابي شوركم شسوي مع ريلي؟؟؟

الله يعينج اكره الخياااانه............. تبين نصيحتي خليج طبيعيه ولاتحرين عمرج تصرفي معااه عاادي خلي علاقتج معاه صطحيه وبالطقااق مو هامج سوالفه وخرابيطه اهوو راح يفكر بقووول اشفيهااا هاذي موهاما....اهم اذا شافو الوحده تصد عنهم يركضوون وراها.... واذا حسيتي ماكو فايده حاااولي تتفاهمين معاها وتوقفينها عند حدهااا.......

كلامها تمام:33_1185028183:

 

[ماعلى الدنياعتب]

مالج الا الصبر

تبين نصيحتي لا تنبشين وراه ولاتحرين عمرج

لو كل وحدة تبي تنبش ورا زوجها على كل شي جان علووووووم

 

[توفـــا]

حبيبتي ادعي بهل شهر الفضيل ترا الدعاء الحين مستجاب انشاءلله يوخر عنهااا اشتبي هذي خلاص الريال تزوج قطيعه مايرتاحون الا لما يخربون لبيوت استغفر الله اللهم ابعدناا عن هل اشكال

 

[N0oNa]

الله يصبرج حبيبتي
بس الوحده منه ما تقدر اطنش و خاصه بالخيانه يعني لو شنو يقولولج طنشي ماراح تقدرين و خاصه انتوا توكم صالكم سنه يعني وايد صعبه الله يعينج

بصراحه لو انا منج بنفس الوقت الي اكون معاه وشكيت ان عنده مسج و لا مكالمه اخذ التلفون اشكره منه و ادق عليها و اطيح فيها جدامه و
اروح اشتريله خط 2 و اعطي ياه بنفس الوقت و قطي خطه صيري قويه و سوي كل هذا و اذا عقب كل هذا شفتي رقمها بخطه اليديد
هدي البيت و طلعي و قوليله انت ما تبي انعيش مع بعض و ان مو شاريج

 

[najdeya]

حالتج خيانه من نوع اخر صراحه شي يحررر!!

الحل المواجهه لانها ما هي بنت غريبه تقدرين توخرينها عنه

هي تصيرله و راح تتم بحياته طول العمر

بكل بساطه تصارحينه تقولين لها ترى انا ماني غبيه و اشوف

اذا انت مو مستعد تلتزم معاي قولي من الحين

و تفاهمي معه بكل هدوء بس كوني صارمه

و عسى الله يكتب لج اللي فيه الخير

و يبرد على قلبيج حبيتي ما تستاهلين

 

[آجمل نسآء آلدنيآ]

رد : بلييييييييييز ابي شوركم شسوي مع ريلي؟؟؟

آهيـآ تتلـزق شلـون يعنـي طـآقتــه ع آيـده ..؟
وآللـه آلـوحده تطنش بكـل شـي .. بـس مـآ تطنـش لمـآ يحسسـونهـآ
آنهـآ غبيـه ..!
كلميــه تحريـن نفسـج ع شنـو .. قوليلـه آنتـآ مو مغصـوب علـي ..
تبيهـآ وتحبهـآ شكـو خطبتنـي و تـزوجتنـي .. يــآآ آنـك تبطـل هـآلسـوآلـف
ولآ آنـآ عنـدي آهـل و آهمـآ يتفـآهمـون معـآك ..
مــآآلت عليهـم آلريـآييــل .. مـآ تملـي عينهـم آلآ آللـي طـآيح حظهـآ

​

 

[كرز حالي.]

رد : بلييييييييييز ابي شوركم شسوي مع ريلي؟؟؟

كلميه قوليله انا موياهل
شنو تلزق فيني؟؟
اهي بعد قالتله اطلع معاي ولا بذبحك؟؟؟؟؟؟؟
لا يبا ريلج مبين بعد اهو مستانس على هالشي
قوليله يا اما انك تعدني زوجة وام عيال وتحترمني ولا يبا تزوجها وخلني بحالي لا تبينين انج ضعيفه
ودقي عليها وقوليلها عيب عليج انا اقدر اقول حق الناس عن سوالفج مع ريلي واكلم اخوانج

 

[!الجادل الصعب!]

يعني كانت متوفره له .. يمكن مو هو الي فك الخطبه ؟

يعني اجبروه يخليها ؟ وللحين متعلق فيها ؟

الله يعينج صرآحة ..

 

[الصعيريه]

رد : بلييييييييييز ابي شوركم شسوي مع ريلي؟؟؟

لاتحريين نفسج وغيرج ولاهمه
اللي بقلبج طلعييه وهالشي صراااحه ماينسكت عنه
والسالفه مايبيلهاا صبر لانه هو وعدج ورد للخيانه مره ثانيه

والله يعيينج ويهديه ويسخره لج

 

[روحي ابوي]

الله يعينج!!

 

[مينونه باباتي]

رد : بلييييييييييز ابي شوركم شسوي مع ريلي؟؟؟

الله يهديه انشالله

 

[كويتيه بنت قناص]

أنا أقول كلمي أهلها خل يأدبونها وقولي لزوجج شوف تبيها روح لها الله يسمح دربك أما

تستغفلني لااااا ..سوي نفسج قويه..وهو عاد خل يختاااار..

والله يكتب لج اللي فيه الخير

 

[عقــد منثور]

الله يكون بعونج .. خطبة 8سنين مو شوية ..

لما قريتى المحادثات بينهم شنو احساسج ؟؟ اهوو اللى رد لها ولا اهى تتلزق فية .. يحبها ولا متوهق فيها !!

حمدى ربج انها مو بالكوويت .. قعدى وياهـ قعدة صراحة .. وخل يحدد موقفة .. مو شرط تقولين نبشت ولقيت ولقيت .. قوليلة قلبى ناغزنى

حاسة انك للحين متواصل معها .. شووفى شنو ردة فعلة ..

الله يعينج حبيبتى