بنات التربيه الاساسيه >>فزعه

[سوسو العربجيه]

سلام عليكم ورحمه الله وبركاته
ومبارك عليكم الشهر وعساكم تصومونه



بدخل بالموضع دايركت انا سجلت بتربيه الاساسيه تخصص مكتبات ونسبتي قبول فوري وانا الحين متحسفه ابي رياض اطفال
شلون احول ؟؟
ادرس كورس هذا وحول بعدين؟؟؟
بس انا مراح اقدر اجمع معدل بشي ما احبه

ودي اسحب اوراقي بعدين اقدم الكورس الجاي

الي عندها فكره عن الموضوع تفيدني بليز
ولي ما تعرف ترفع موضوعي
ثنكس

الله يتقبل منكم حبايبي

 

[( المـلاك )]

عادي حبيبتي
سجلي مواد للكورس الاول
كلها مواد عامه
تكون مشتركه بين تخصص المكتبات و تخصص رياض الاطفال
و شدي حيلج فيهم عادي

و عقبها حولي لتخصص رياض الاطفال
و بهالحاله
ماضاع من عمرج ولا شي

والمواد اللي خذيتيها بتتسجل لج و ماراح يضيع عليج شي

و بالتوفيق =)

 

[عواار قلب]

نفس راي الاخت الملاك صح كلامها

 

[الورده الناعمه]

نصيحه اذا انتي مو حابه هالتخصص سحبي اوراقج وسجلي الكورس الاول
لا تحطين ابالج سالفه التحويل اذا معدلج يسمح لج
لان راح يسوون فيكم نفس ما سوو فينا عطونا اول كورس 12 وحده بس ، والتحويل لازم تكونين مجتازه 14
يعني مضطره انج تنطرين سنه كامله وما تضمنيين المعدل
خلج على معدلج الثنويه دام عالي
لان والله نصيحه اصعب شي ادشين تخصص مو حابته
وخوفج يحطون من ظمن الجداول مواد تخصص تتدبسين فيهم
ما تسوى عليج

 

[أم منيـرة]

قـدمـي كوووووورس ثـــــــاااني ،

أضمن لج والله

 

[الورده الناعمه]

على فكره تره نظام التطبيقي واسطات بواسطاات
دوريلج اي واسطه من الهيئه
واحلا واسطه تغير رغباتج وتحطج رياض اطفال قبل الدوام

 

[غرور وايل]

البنات ماقصروا والله يووفقج ياااااااااارب

 

[مرمووور]

رد : بنات التربيه الاساسيه >>فزعه

عندج خيااريين شووفي اللي ينااسبج ...
الاول : ان اوول سسنه كله تااخذيين موااد عاامه ماايضييع عليـج شي ...
الثااني : تقدميـن الكوورس الثااني ..
والله يووفقج !!!

 

[الورده الناعمه]

لا تنسون انه مو بكيفها تختار المواد العامه
الجداول ثابته
ممكن تكون فيها مواد عامه بس وممكن وياها تخصص
وانا عن نفسي اول كورس حقي كل الجداول فيها مادتين تخصص وماده مساند
بكل الجدااول
وفكري عدل والله يوفقج

 

[y'3aRo0N]

,’


آنآإ مِن رآيي تقدمين كورسسً ثآني آحسسن ،
لآنه مآ تضمنين تقدرين تحَولين آو تندبسين بـ آلتخصص ،
موَفقه ;$

 

[( المـلاك )]

لا تنسون انه مو بكيفها تختار المواد العامه
الجداول ثابته
ممكن تكون فيها مواد عامه بس وممكن وياها تخصص
وانا عن نفسي اول كورس حقي كل الجداول فيها مادتين تخصص وماده مساند
بكل الجدااول
وفكري عدل والله يوفقج

لا حبيبتي
اول كورس صج في جدول ثابت
بس يعطونج النك نيم و الباسوورد
وانتي بوقت السحب و الاضافه غيري و ضيفي و عدلي على كيفج =)

 

[سوسو العربجيه]

رد : بنات التربيه الاساسيه >>فزعه

مشكووووووووورين والله يعطيكم العافيه

وقررت ان شاء الله قرار مابعده رجعه بأذن الله
اني اسحب اوراقي و اريح في بيت ابوي الكورس هذا وبعدين اقدم
اوراقي الكورس الجاي
بس متى اقدر اسحب اوراقي؟؟‏>‏‏>ياكثر اسئله هالبنت خخخخخخخ
تسلمون لي انشاء الله
والله يتقبل منكم اصيامكم ‏

 

[الزين 2010]

حبوبه اخاف اذا سحبتي اوراقج ما يصير تسجيلين مره ثانيه

سالي قبل لا تسحبين

روحي العديليه واساليهم لانه ما يصير تسحبين اوراقج من الكليه وترجعين تقدمين مره ثانيه

 

[الورده الناعمه]

لا حبيبتي
اول كورس صج في جدول ثابت
بس يعطونج النك نيم و الباسوورد
وانتي بوقت السحب و الاضافه غيري و ضيفي و عدلي على كيفج =)

العام انا كنت مستجده ورحت ابي اسحب ماده وقت السحب والاضافه
قالولي ممنوع المستجداات يسحبون ويضيفوون اي مااده !!

والنك نيك والباسورد عطونا اياه نهايه شهر 11 او بدايه 12
قبل التسجيل حق الكورس اليي وراه بشوي
يعني المستجده ما تقدر ادش السستم من اول شي

هذي الحركه الي سوها فيني العام + سالفه 12 وحده

 

[سوسو العربجيه]

رد : بنات التربيه الاساسيه >>فزعه

‏ مشكوووورات على نصايحكم ‏
بس انا قررت ما ارجع للتربيه الاساسيه بقدم الكورس
الجاي على الجامعه قسم علم نفس وان شاءالله بعد
التخرج اشتغل اخصائيه بمدرسه اريح بوجهه نظري