بنات شرايكم بنادي لافام الي بالخالدية

[منورة الكويتية]

السلام عليكم
قوووة حبوبات شلونكم شخباركم
بنات حدده ودي اشترك بنادي
وكان خاطري حيل بفلكس عشان فيه دروس رقص شرقي بس حييييل غالي والاهم بعيد معانه اختي ومره اخوي مشتركين فيه بس اهما اشتركو لمن كان فيه عرض 3 شهور ب 255 الحين ال 3 شهور ب 380 او320 شيئ جذي والي يحر ماعندهم اشتراك شهر ولاا شهرين لازم 3 شهور وطالع

الحين في ناس مدحولي لافام الي بالخالدية ويقولون تغيرت ادارته كلها اجانب انا بعرف في احد منكم مشترك فيه؟ شرايكم فيه ؟ وبجم الاشتراك وشلون طريقته .؟ هل هو شرح ؟

انا الي عاجبني قربه مني يعني متى ماطقت ببالي رحت

ومشكوورين ياقممرات

 

[منورة الكويتية]

الله يسامحكم رحت واشتركت ورديت وبيخلص اشتراكي لوول ومحد رد علي
خلاص يبا متشكرين اشتركنا وخلصنا

 

[حنون المزيون]

هلا منوره سوري توني أشوف موضوعج ..
مرت أخوي مشتركه هناك والله تمدحه بس تقول مزدحم شوي
إنتي شرايج فيه .. أنا كنت مشتركه باللي يم جمعية المعلمين ( نسيت اسمه بس كان رووووعه ) وسعره بحدود فلكس

تنصحيني فيه لافام وإلا لا ؟؟
أنا ماأبي سباحه لا أبي أجهزه مشي وقواري وجذيه يعني

 

[منورة الكويتية]

هلا حبيبتي مون انا اليوم رحت شفته
كنت رايحة الساعه 6 العصر يعني وقت ذروه مفروض كان فيه بنات وايد بس مطشرين بالمكان والي عجبني ان فيه رقص شرقي ولاتيني ونااسه على اخر عمري برقص لاتيني يالله ش ورانا نتعلم

وبالنسبه للآجهزه الصالة زينه وفيها اجهزه وايد ومتعدده وفي شاشات بلازما يعني وناسه

وفي غرفه ظلمه تدشينها تركبين قواري وحاطين الطوفه كلها جنج قاعده تتمشين بمنظر طبيعي خوش شيئ

انا يمكن ابدا عقب باجر لان باجر بروح اجهز المايوه والترننق والبتاع :d

 

[لوكريسيا]

بليز منورة .. جم اشتراكهم ؟؟

و اذا ما عليج امر كتبي لنا عن يومياتج بالنادي عشان نتشجع و نشترك

 

[منورة الكويتية]

هلا وغلا لوكسريا
الا بسألج شنو معنى اسمج عاجبني حييل

شوفي شهر ب 100
3 شهور ب 200
6 شهور 300 وشيئ
سنه ب 400

اشتركي خل نشووفج انا بروحي مشتركة ولمن الحين ماداومت بروح اشتريلي مايوه باجر الصبح وبداوم العصر ان شاء الله

 

[لوكريسيا]

منورة ----> قصة اسمي قصة : الله يسسلمج على أيام الثانوية هبينا كلنا بالمسلسلات المدبلجة و كان في وحدة تمثل فيهم اسمها لوكريسيا و كانت أنيييييييييييييييييقة حتى و اهيه بالبيت ( طبعا لأنها قاعدة تمثل ) و انا من صج نفس طبعها حتى بالبيت ما احب البس باجاما و اقعد ، لازم كاشخة و ميك أب و شادة حيلي . . و قمت كل ما أروح زوارة خالاتي من اول ما ادش من الباب . . يقولون :: كااااا يت لوكريسيا ( نسبة للأناقة عشتو ) ، و بس صارت علوقتي من الثانوي ليلحين

ودي اشترك معاج بس اشتراك ناديي ماخلص ، يمكن يخلص الاسبوع الياي ، و بشوف .. و لي الشرف اشترك معاج

 

[منورة الكويتية]

ههههههههههههههههههه يحليلج عاد حلو الاسم عليج بالعافية

ويالله خلصي اشتراكج بسرعه وتعالي وياي ودي اشوف وحده من بنات المنتدى وخصوصا اني بروحي مشتركة عقب ماخونت فيني بنت اختي خخخ

 

[ii DareeN ii]

يبيله اشترك بس اخاف اقط لفلوس واقعد بالبيت مبدئ قط فلوسك بالنادي وقعد بالضلال بالبيت حركاتي اعرفها شكثر مليقه

 

[حنون المزيون]

وأنا بعد ودي والله أشترك بس أعرف نفسي ماأحب الزحمه وشكلهم حده مزحزمين كل ما مريت يمهم وإلا رحت الصالون ماكو مصفط ...

 

[حنون المزيون]

وأنا بعد ودي والله أشترك بس أعرف نفسي ماأحب الزحمه وشكلهم حده مزحزمين كل ما مريت يمهم وإلا رحت الصالون ماكو مصفط ...

 

[منورة الكويتية]

دارين ليش ماتشتركين
اشتركي مع وحدة من اهلج ولارفيجاتج عشان تتشجعين وكل وحده تشيش الثانية
وبعدين اذا مالقيتي احد انا وان شاء الله في بنات هناك
بالعكس خلونا نشجع بعض
اليوم رحت والله النادي مو زحمة وشررح

 

[منورة الكويتية]

مون لاتغرج المصافط والله مو زحمة اصلا اليوم رحت من 4 لي 7 فاضي

 

[ii DareeN ii]

والله فكره ان شاء الله قريبا بس مادري يمكن عقب رمضان يمكن قبل لان رمضان مو مال اشتراك ودي اشترك كذا شهر انا

 

[مريووووومه]

اي زحمه

 

[لوكريسيا]

ان شاء الله عقب رمضان .. لأن على ما يخلص اشتراكي و ادش نادي يديد الا داش علينا رمضان ان شاء الله .. فبخليها عقب رمضان عشان أحرق اللقيمات و المحلبية و التمرية و التشريبة و المعجنات و المقالي و اللي بالي بالك

 

[شكليطه]

حبيبتي منوره ممكن جم سؤال ولاعليج امر؟؟؟
لان كنت بنزل موضوع خاص......بس شفت موضوعج قلت خوش خل نوفر لهااااااا......ههههه


س1: الاجهزة لازم تطقين كرت على ما ايي دورج والا لأ؟؟

س2: مادري سمعتي من احد او جربتي.......وقت الدوامات شلون زحمه النادي؟؟ لاني ناويه باذن الله اشترك على بدايه الدوام.....وبروح النادي حزه الظهر او العصر يعني عقب الدوام على طول.......بس ما احب الزحمه والنطره

س3: شلون المدربات؟؟؟ سوولج نظام خاص فيج؟؟
لان يوم كان النادي القديم....المدربه على حسب وضعج تحط لج مجموعه تمارين وانتي تسوينها......وكل ماتحسن مستواج حطت لج نظام يديد

فمادري للحين هالنظام شغال والا لأ؟؟

س4: مدربه السباحه شلونها؟؟؟؟؟؟ وشلون الحوض نظيف؟؟ وصخ(عزكم الله) ...زحمه.........خفيف.؟؟

لان القديم كان لووووووووووووعه ......ومن كثر الزحمه تمدين ايدج والا داخله بعيون اللي يمج




وسااااااااااااااااامحينا على الامتحان القصير هذا

 

[أورااااااد]

منورة بعد انا كنت ناوية اشترك بالنادي

وكل يوم امر يمه 00 بس اتردد 00 بس احلى مافيه القرب

ومشكلتي اني حياوية واستحي وايد 00 ويبيلي فترة لين اتعود على

الناس00 بس عموما شوفيه وحاولي تعطينا معلومات اكث عنه

ويسلموووووو



أورااااااد

 

[Suwi]

enzen ya 7bobaat feeh pool!!! etha feh n`6eef or no ana ahm shy 3nde el pool ,, etha mad7tooh lee bssjel feh inshlah :_)

 

[منورة الكويتية]

والله فكره ان شاء الله قريبا بس مادري يمكن عقب رمضان يمكن قبل لان رمضان مو مال اشتراك ودي اشترك كذا شهر انا

صح حلو عقب رمضان وانا والله ماودي اروح برمضان مادري اذا يصير اوقفه او لا بسألهم