تـجـمـع لمحبي الرضاعة الطبيعية :)

[Dua'a]

السلام عليكم بنات :hjy5jewf:
فكرت أسوي تجمع للأمهات الجدد واللي يرضعون طبيعي :eh_s(15): نتكلم عن تجربتكم مع الرضاعة و اذا في مشاكل واجهتوها و لقيتوا لها حل . آنا عن نفسي الحمدلله كل شي أوكي :rerrerek: و حبيت أفيدكم بشي شريته أمس من صيدلية Boots و هو مكمل غذائي لدعم المكونات الغذائية لحليب الأم و هذي صورته



http://[url=http://www.0zz0.com] [/URL]



ناطره مشاركاتكم

 

[الرها]

يعطيج العافيه اختي
بس الصوره مب طالعه

وانا كنت اتمنى ارضع بنتي بس طبيعي لاكن للأسف اضطريت اعطيها صنااعي
والحين احس اني صدري بدا ينشف وضايق صدري

 

[shaikhat al-zain]

انا اموت على الرضاعه الطبيعيه

وبالنسبه حق المكمل الغذائي ترى وااايد زين انا استخدمت علبه ولما خلصت شريت علبه ثانيه
وايد مفيد

 

[الرها]

كم سعره؟؟
وكم حبه باليوم؟؟

انا فحطت ع الصيدليات كلها يقولون مافيه شئ يزيد الحليب؟؟؟

 

[الليدي فراوله]

اذا تبين ترضعين طبيعى مالج الا الحلبة والله انها تدر الحليب احسن من الادوية وبسرعة وبتشوفون
((((((((((لاتنسوني بالدعاة))))))))))))

 

[الرها]

فراوله
لما كنت بالنفاس اشرب حلبه
لاكن الحين مستحيييييييييييييييييييييييييييييييييييييييييييييييييييييييييييييييييييييييييييييييييييييييييل

 

[unapproachable]

خوش موضوع الله يعطيج العافيه .. الشي الوحيد اللي ندمت عليه بحياتي اني مارضعت طبيعي

اتمنى كل اللي يقدر يرضع

 

[روان_الكويت]

احلا شي الرضاعه الطبيعيه صج شعور وايد حلو
بس اذا عطيتيه صناعي خربتي على نفسج
مص اكثر = اشارات اكثر = حليب اكثر

 

[ماي الورد]

انا بضم صوتي لصوتج انا ارضع بنتي طبيعي واذا بطلع مكان اشفط لها حليب واحطه بالممية مالتها عشان تتعود على الممية وافكر عقب ست شهور من الرضاعه البيطعية بعطيها حليب صناعي

الحليب ما ينشف من الصدر لازم تاكلين اكل صحي عشان يزيد الحليب بالصدر

 

[Dua'a]

مشكورين بنات على تفاعلكم :eh_s(21):
الرها العلبة فيها 28 حبة زيت السمك Omega 3 و 56 حبة pregnacare و هي فيتامينات .. كل يوم تاخذين حبة زيت السمك و حبتين pregnacare بعد الأكل

 

[om__jana]

مشكورة عالمعلومه بس يت متأخر

انا رضعت بنتي 4 اشهر طبيعي فقط وبعدها دخلت الصناعي والحين بنتي ععمرها سنة وشهر ومازالت تشرب طبيعي وصناعي الحمدلله

 

[tawq8]

الله يعطيكم العافيه ويتمم عليكم
انا الدكتوره عطتني حبوب منع الحمل مو مالت الرضاعة
ونشف صدري وقام مايشبع ولدي
والله اني متحسفه قد شعر راسي
بس الحمدلله على كل حال
ولدي رضع مني بس شهرين
حاولت اخذ حبوب منع الحمل مالت الرضاعة
بس ولدي حب الممية

 

[آهات الليل]

انا معاكم بس مو بجريه
انا حدي ارضع بنتي بس شهر اوشهرين لاني ضعيفه وعقب ينشف الحليب لو مهما اسوي ومافي حليب وايد بس المهم ارضعهم لاولدت شعور حلو وماشالله اللي ترضع بالاربعين وايد زين لها يشد ويرد الرحم من الرضاعه
ذكرتوني باول بنوته اول مره رضعتها قلت صوروني ههههههههههههه وانا صدري بحلجها خخخخخخخخخ

 

[دانه البحر]

السلام خواتي نصيحتي والله اللي تقدر خل ترضع كثر ما تقدر انشالله لما يكمل سنة او اكثر ماشالله عندي بنت عمتي لما شفت ولدها قلت اي مبين ان مو صناعي طبيعي وبس صحة وعافيته حلوة تمنيت انا بعد جذي ولدي الحين بيكمل الشهر الثالث وودي ارجعه على صدري بس ماني عارفة اشلون اذا تعود على الممية ؟ حسافة والله :eh_s(11):

 

[ام زاكي]

خووووووش موضوع ولحقوني انا سافرت بعد شهر من ولادتي وتركت ولدي وودي يرجع بس موراضي والحليب نشف وقلت باخذ علاج الي يدر الحليب من الصيدليه مادي يرجع الحليب معاه ولا لا

 

[بـاسي قــوي]

رد : تـجـمـع لمحبي الرضاعة الطبيعية

انا معاكم بموضوع الرضاعه الطبيعيه بس فديتكم اللي اداوم شلوون ترضع طبيعي ماينشف الحليب منهاا ؟؟

 

[Dua'a]

باسي قوي يمكن احسن شي تشفطين لها :edbf4317b9:

 

[هــلا الكويت]

بنات انا رضعت ولدي شهرين و بعدها وقفت لان كتفي كان يعورني و دخلتله صناعي

و الحين ودي ارجع ارضعه طبيعي و قاعدة احاول ,, تتوقعون في مجال ..؟؟

و شنو نصايحكم ؟؟ لا تخلوني عفيه شجعوني

 

[لوكي 22]

انا ارضع ولدي من صدري بس كله اشفط ماحطه على صدري
جذي ينشف الحليب ؟؟ لانه تعود عالممه مادري شلون اعوده على صدري

 

[_Pure_]

انا رضعت بنتي البجر سنه و ثلاث شهور ماعطيتها الصناعي الا بعد السنه و شوي شوي قامت تفطم نفسها من نفسها و ماتعبت كلش الحمدلله تدريجي فطمتها
و الحمدلله صحتها وايد زينه و وزنها ممتاز

و الحين ارضع الثانيه و الله يقدرني ارضعها سنة ان شاءالله

و انا موظفه خذيت اجازه امومه ٦ شهور و بعدها كنت اطلع ارضع نص ساعه و ارجع الدوام الضحى لان دوامي يم بيتنا
بس هالمره ماراح اسويها و بحاول اعود بنتي عالصناعي او اي بديل عن الرضاعه لان ما اضمن مديرتي اليديدة ترضى اطلع بنص الدوام و الله يسهل بس اهم شي اجازه الامومه وايد مهمه يارب يعطوني اياها بدون مشاكل و واسطات يا رب