تـجـمـع لمحبي الرضاعة الطبيعية :)

[Habibat Abooha]

خوشش موضوع ومفيد

انا من النوع اللي ارضع طبيعي وماعتمد على الصناعي وعيالي تعودو
والحمدلله اصح لي ولهم

الرضاعه على التقبل اذا تقبلتي ترضعين الامور بتمشي تمام

الحين ولدي وين مااروح معاي لان مايحب الصناعي
احس بعض الاحيان صعب علي
خصوصا اذا كنت بالسوق
او صار امر ضروري ماقدر اخذه معاي تعالوو شوفوو
يتم يححن ليما ارد
فتعودت وين ماروح معاي
الحين غطاء الرضاعه وين ماروح وياي صار ملازمني ههههه

الله يكون بعونا

 

[وداعيه]

مرحبااا ، تذكرون لما كتبت لكم انه لي اسبوع والده وارضع طبيعي

كان هدفي اني ارضع ع الاقل لي شهرين

والحمدلله وفضل من الله رضعت ٧ شهور وبعدها للاسف صارلي ظرف قوي . زوجي سوا حادث وكنت يوميا عنده لين نشف الحليب


الرضااااعه شي خيالي بصراحه ، فبنتي رضعت بس بالاربعين

بس الحمدلله ولدي ٧ شهور

من سلبيات الرضاعه شغله وحده

اني كنت اتقيد بالطلعه حييييل



الحين حامل الحمدلله وناويه ارضع فتره اطول . بس احاتي تنظيم الوقت بالطلعه

 

[Om_SalmaN]

ودي ارضع ولا عمري رضعت الله يقدرني يارب

 

[lolwah]

انا ارضعه طول اليوم من صدري الا حزه الليل أعطيه صناعي

عادي ؟

 

[baa6aa]

عادي عشان يشبع بليل و ينام نومة اطول

 

[lolwah]

عندي صدر اكبر من الثاني والله شكلي غلط لانه مبين الفرق
هالشي مازمني

 

[بسمة^^]

أنا بنتي رضعتها 3 شهور و أعتمدت فقط ع الرضاعة الطبيعية
لكن ربي كتب أني أحمل مع الرضاعة و فطمتها عن صدري
في البداية الامر كان صعب عليها تتقبل الرضاعة الأصطناعية
لكن يوم جاعت تقبلت
ككنت أتمنى أرضعها أطول
و الثانية رضعتها سنة الحمدلله
و في حمالي هذا ناويه سنة كاملة أن شاءالله