السلام عليكم حبايبي ،
من العنوان
من انقبلت اب تخصص ماتبيه سواء بجامعة الكويت - او جامعة خاصة
وميته تبي تغيره ،
انا عن نفسي انقبلت هندسة :eh_s(10):
وانا كنت ابي اطب
والوالدة حدها طايرة من الفرحة لاني بقعد بالكويت ، وبتعطيني سويج سيارتها البورش :016:
بس انا مو ذاك الزود مع المظاهر ، يعني ما تشتريني بهالسوالف
فا مفكرة اقدم بعثات خارجية ( مرة ثانية ) بس شواغر
يعني بدون ما اسحب اوراقي من جامعة الكويت ،
اقدر على طب بالدول الي مرتاحة لها ( بدون اردن او مالطا بحرين )
واذا انقبلت والله سهل ، اسافر انشالله كل الي اسمعهم راحت يقولون سهالات عالي يدرس ؟ّ!!
وماشالله اختي رفيجتي اب ايرلندا حاليا
درسة سنه ثنوية ايرلندية + 5 سنين طب بشري بجامعة رويال كولج الي اهيا الكلية الملكية للجراحين معروفة هالجامعة راقية بجميع المستويات :rerrerek:
وبتاخذ اخير سنه لها الي اهو الميداني بالكويت !! وحدها امشية ماشالله عليها وترجع بالكرسسماس + الإيستر + وعطله الصيف عندهم تقريبا 4 اشهر
يعطلون اول 6 ، ويداومون اخير 9
انا قعد ايمع ايجابيات عشان اقنع الوالدة ، الوالد راضي ، بس الوالدة تخاااااااف حيل حيل انه يصير فيني سوء تغذية او شي جذي لانه عادي عندي ما اكل
من بخاطرها مثلي و وتحس انه الظرووف ضدها ؟!
