شسالفة بوقتادو وبونبيل هالسنة؟!!

[$مخملية أنثى$]

رد : شسالفة بوقتادو وبونبيل هالسنة؟!!

امبيييييه
البكيني زايد عن حدااااااا
ولا الرقاااااااااااااصة بذمتكم احنا مجتمعنا جذي
للأسف بوقتادة وبوالنبيل هالسنة اووووووووووووفر حيييييييييييييييييييييييييييييييييييييل
مخليني الكويتيين بس همهم الرقص والشاليهات والبنات
ماعجبني كلش اول حلو يناقش القضايا السياسية
وصاير فصاخة على قولة اخوي الصغير لما طلع جان يقول غيروو مايستحون فصاخة (طلع الياهل احسن وابرك منهم )

 

[Purple Occasion]

رد : شسالفة بوقتادو وبونبيل هالسنة؟!!

حلقه اليوم عن شاليهات بنيدر
مصخره
وطبوا الليبراليه بالمطاوعه
وشوهوا سمعه بنات بطنها
معروف ان سياسي بحت
بس ما توصل الجرأه بالعرض لهدرجه
وبالتوفيق

 

[~Princess~]

ترى هذا كوميدي يعني لازم يبالغون علشان الناس تضحك ..

وترى هالأشياء موجوده ليش نقص على نفسنا ؟

واللي تقول اهم بس يطبون بالمطاوعه واللي تقول اهم بس يطبون بالبدو .. لا يا قلبي اهم يطبون بالكل مو بس فيكم ,, ومو قاعدين يطلعون احد احسن من الثاني

واحنا شعلينا من الدول الثانيه شنو بتفكر لما تشوف هالأشياء ؟؟ كل ديره فيها الزين والشين

 

[soso.cute]

اي والله ..لا مو مبالغه ولا شي ..اهو خااايره هالسنه ..رقاصات وبكينيات ..حتى فشله اطلاعها مع اخوي ولا ابوي
صج انه رسوم متحركه بس مو جذي عاد ..وهذا محمد ثلاب ريبرالي وطايح بالمطاوعه مايصير جذي

 

[Un-6be3iya]

بنات شدعوة شفيكم وبعدين سالفة البكينيات ان شالله عبالكم هالشي مو بالديرة !؟
شوووف عيني بنآت كويتيات وبنآت عوآآآيل يلبسون البكينيات ويتسدحون ويتمشون ع البحر
روحو شوفوهم بشآليهات كمبنسكي و غير كمبنسكي شوف عيني محد قآلي !!
و حتى بالشاليهات الخاصة الي بالمناطق البعيدة يتفصخون ويقعدون @@
و باجي الاشياء لازم يبالغون فيها عشان يمشي سوقه بس بالاول والاخير الناس عارفة إن هالشي موجود لكنهم مبالغين فيه وبعدين الحلو فيهم ان مايعمون لا بس يتكلمون عن فئات معينة مثلا ً من البدو أو من الحضر أو من المطآوعة جذي يعني ماقالو كل المطاوعة ولا كل البدو ولا كل الحضر .. !

 

[البيداء_77]

عقب البنت اللي لابسة بكيني وتترقص على البحر قررنا نقاطع الحلقة لانها فعلا اسفاااااااااااف

 

[*مارلين_مونرو*]

شدعوااااااااااااااااااااااا

اول شي مسلسل كوميدي ويتكلم عن كل فئات الكويت !

و مافيه شي يعني كل اللي حطووه حقيقة ووااقع ..

ولااااتنسووون انه بباااااااااااااااااااااااااااي ..

وكل فئة فيها الزين و الشين وكل الناس عاارفين هالشي ..

اللي موعاجبه المسلسل لااايشووفه و بس !!

 

[..Balsam..]

عادي ما حسيت بشي .. انتو اللي ماخذينها جد !! .. الدعوه ومافيها ضحك ووناسه .. لاااا تكبرون المواضيع ..

 

[..Balsam..]

اللي موعاجبه المسلسل لااايشووفه و بس !!

مارلين مونرو .. انا معاج بهالنقطه

 

[بنت الدلال]

رد : شسالفة بوقتادو وبونبيل هالسنة؟!!

شدعوى المسلسل كوميدي
والي يقولون بنات بيكينيات ويهال يشوفون الي يسمعكم مايقول انه كرتون جنه بنات صج

يعني ملوت mbc3 و دزني احسن منهم !

 

[ذوق بوتيك]

صاجين حلقة اليوم ماعجبتني مايدورن ان يهال يتابعونه !!

 

[Cander]

وحلقة امس بنات لابسين بكينيات

كل المسلسلات صايرة اي شي بس اتابع زوارة خميس انا

 

[در الـبحـور]

السلام عليكم

و الله صاجة يا قلبي انصدمت يوم شفت اللي ترقص استغفر الله

و البكيني أمبيه لأ مصورينه عدل مدل و احنا برمضان الله المستعان

بصراحة فعلا إن كنت لا تستحي فاصنع ما شئت

يعني خواتي يرضيكم اللي يصير بالنسبة للي يقولون عادي ، عادي يطلع هالمسلسل و يمثل صورة أهل الديرة بهالشكل

صحيح فينا الزين و الشين من كل الفئات بس الواحد ما يصورها بشكل غير لائق خصوصا إحنا بهالشهر الفضيل

و للأسف مسلسل علني كل من هب و دب يسف و يتف فينا و سبة هالمسلسلات ....

اللي متأثر من قضية شينة بالبلد يروح يسوي ندوات يروح يشتكي للمخافر

لمجلس الأمة يروح لأصحاب القرار مو يلجأ بمسلسل كرتوني يتابعه الكبير و للأسف الأطفال و يعرض الإسفاف بقلة حياء و تهكم و تهجم

خواتي نصيحة فعلا المسلسل دمار للأطفال فعلا شفت مقاطع من الحلقتين و انصدمت ؟؟!! ما جنا بديرة إسلام

لو حتى كرتون ما أقول غير الحمد لله الذي عافانا مما ابتلاهم و فضلا على كثير من خلقه تفضيلا

ما يدري اللي مسوي المسلسل إن الآثام تنصب في ميزانه لا حول و لا قوة إلا بالله عسى الله يهديه و يصلحه

عسى الله يهدي المسلمين و المسلمات اللهم آمين

 

[أم طخطيخ]

رد : شسالفة بوقتادو وبونبيل هالسنة؟!!

انا تابعت الجزئين الاول والثاني لان ولدي يحبببه و اضطريت اشتري السيديات واتابع وياه والله حلوووو ونكتتته

خاصه بومشعل و زوجته ههههههه لا قالها يا خبله يا خبله وهي يا ويلتي ويلتاه

ولا نبوووولي واااي يبا انا توني ياهل لا تقولي ريال اسم الله علي .... ترى اسمعلكم الحلقات من كثر ما شفتها صامتهم صم


بس المواسم الثانيه ما شفتها لان ولدي تطور وقام يشوف shaun the sheep مادري عن اللي تتحجون عنه


بس انا ما اشوفه مركز على قئة معينه والله اهو بعد حاط الليبراليين اللي هو بو نبيل يبوقون من خير البلد وسكارى وحريمهم عوب ومصلحجيات

و ام مشعل العيميه وبومشعل البدوي و قتاده وعايلته السلف ...يعني اهو حط جميييع الفئات


عااادي ليش نزعل انا بدويه وما زعلت لما يحط عالبدو لان ترى صج هالشغلات موجوده ليش انتوا مو عايشين بالديره


ومثل ما قال لو نختلف ما نختلف في هواها

 

[LuLiTa]

انتو وااايد ماخذين الموضووع جد ,,, انتووو ما تكلم عن فئة محددة ,,, تكلم عن البدو و الحضري و الوافد و المطوع و الليبرالي و وووووو ,,,هذا تلفزيوون ياخذون شغلة و يضخمونها ,,,, و الظاهر اللي يناقشوونها موجودة صج ليش انقص على نفسنا ؟؟!!! بااجر اذا حطووو حلقة عن البويااات بتنطوون اتقولووون لا ديرتنا ما فيها بويات !!,,,

اللي مو عاجبه لا يتابعه ,, و اللي شايفه انه يسيء للديرة ترا في مسلسلات تعرض اشياء اخس و اردى ,,,

 

[وبعديين]

رد : شسالفة بوقتادو وبونبيل هالسنة؟!!

يا ختي طووووفي

ياما حتشوفي

يعني وقفت على بونبيل وبوقتاده ؟؟!!

شوفي سكوب والسور والدار وغيرها

سمعتي المثل اللى يقول الروس نامت والعصاعص قامت؟؟

خليني ساكته بس

لو كل كلبآ عوى القمتهُ حجراً ~~ لأصبح الصخرُ مثقالاً بدينارآ

 

[ام الوردة]

مسلسل فااااااااااااااااااشل بالدرجة الاولى ..


واللي يشتغلون فيه مايستحون ..

واذا على المطاوعه ... عادي يأتي زمان الناااس المتردية والنطيحه يضحكون من الناس اللي تدعي الى الله والى الهداية

فالله المستعااااااااااااااااااااااااااااااااااااااااااااااااااااان اذا كا هالزمن زمنا

 

[عز النفس يغنيني]

إهم تكلموا عن كل الفئات يعني مو متحيزين لفئه غير الثانيه .. وهذا شيء حلـووووووو ..

وانا الشيء الوحيد إللي اتابعه هو لانه يضحكني ويجيبونها على الجرح ..و أكيد في مبالغه بعض الشيء عشان يصير كوميدي أكثر ..

 

[قطوة@@]

رد : شسالفة بوقتادو وبونبيل هالسنة؟!!

امس اختي تقولي لابسين بكيني

 

[MoonDiamond]

والله بو قتادة وبو نبيل ماشفته هالـ سنة كلش مللللش
لأن وقته حيل مو مناسب حزة صلاة وانا احب اتابع الشي من بدايته ماحب من الوسسسط
بس شفت لقطات من حلقة اليوم اهي حلوة بس واااااايد جريئة حتى استحيت أكملها وجيش عرعر يممي
بس بالنهاية اهي تتحجى عن واقع المجتمع الكويتي

موتيني من الضحك على جيش عرر اسم الله عليهم