شسالفة بوقتادو وبونبيل هالسنة؟!!

[MoonDiamond]

انا العام متابعته حلقه حلقه لانهم ونييسين وتعجبني حطاتهم
بس هالسنه ماعندي وقت كلش
بس صدمتوني بكلامكم
ويبيله متابعه
لازم اشوفه

 

[ترانيم انثى]

مسلسل حـــدهـ سقيــــم,,

وجهـــة نظر..

 

[حكستار]

ما اتابع اي شي كلش
تفاهات وتفصخ في كل المسلسلات
رمضان المفروض نجمع فيه حسنات ...مو نلم السيئات

 

[ms-daal3]

رد : شسالفة بوقتادو وبونبيل هالسنة؟!!

تدرين عاد سبقتيني كنت بنزل هالموضوع
ع العموم مشكوووووره يالغاليه
فعلا السنه هاذي طايحين بالمطاوعه حيل
حسبي الله عليهم
يعني مثلا مثلا
لو ابو قتاده لابس عمه سوده وحاطين انه مجرم وكلامه مادري شلون صاير<<<مدري شنو بيوصلون له
جان رضو جماعتهم وسكتو<<<اكييييييييد لا
وانا ادري اللحين بيجيني هجوووم بس ماعلي من احد
طاااااااااااااااااااااااااااااااااف

 

[ســتارز]

اكثر المسلسلات حتى الافلام العربية شرهم على الدينيين والمطاوعة ما يدانونهم وهمهم تشويه سمعتهم الله يهديهم

 

[سارونه87]

ما اتابعه
بس عادي مافيها شي لما ينتقدون
واكيد كل فئه في منها الزين والشين

 

[هجووورة]

مسلسل سخيف وهابط هاوشت عيالي بسبته
كلش ولا حلقه امس حسبنا الله ونعم الوكيل

 

[عواار قلب]

اهلي كلهم لاحظو هالشغله انهم حاطين على المطاووعه وانصدمت لما شفت الموضووع والكل ملاحظ هالشغله .. برناامج فااشل ..

 

[* ليــــدي *]

بس سسسخافه ان حطوا البكيني

 

[بسمتي]

شدعوه عاد اللي صار بحلقة اليوم مايصير صج !! والله العن من جذي شوفي الشاليهات اللحين شلون صايره مسخره

وبعدين حبيبتي لازم يبالغون شوي عشان النغزات توصل

بنات شدعوة شفيكم وبعدين سالفة البكينيات ان شالله عبالكم هالشي مو بالديرة !؟
شوووف عيني بنآت كويتيات وبنآت عوآآآيل يلبسون البكينيات ويتسدحون ويتمشون ع البحر
روحو شوفوهم بشآليهات كمبنسكي و غير كمبنسكي شوف عيني محد قآلي !!
و حتى بالشاليهات الخاصة الي بالمناطق البعيدة يتفصخون ويقعدون @@
و باجي الاشياء لازم يبالغون فيها عشان يمشي سوقه بس بالاول والاخير الناس عارفة إن هالشي موجود لكنهم مبالغين فيه وبعدين الحلو فيهم ان مايعمون لا بس يتكلمون عن فئات معينة مثلا ً من البدو أو من الحضر أو من المطآوعة جذي يعني ماقالو كل المطاوعة ولا كل البدو ولا كل الحضر .. !

اي والله خواتي صاير التفصخ بالشاليهات مو طبيعي
احنا عندنا شاليه والشاليهات اللي عندنا أجار 00أقسم بالله ان البنات يلبسون مايوهات أنا المتزوجه وعندي عيال استحي من شوفتهم اهما على الشاطئ أو على الجت سكي

 

[Magnificent]

رد : رد: شسالفة بوقتادو وبونبيل هالسنة؟!!

تر عادي المسلسل فكاهي شوفي شمسوين بالحضر مطلعيهم ترفين والبدو خبول والطاوعه ارهابين بس بشكل مبالغ

عادي تر كله ظحك xp

اتفق معاها بالرأي .. الكاركتيرات عموما لازم تكون مبالغ فيها شوي بطريقة فكاهيه
و اذا على المطاوعه شفت كذا مسلسل طبوا فيهم بعد خخخخخخ

 

[ღa7La TeaCHeRღ]

واللي يشتغلون فيه مايستحون ..

حبوبه اذا بتقولين رايج عن المسلسل لج الحريه
بس عيب تقولين عن اللي يشتغلون ما يستحون
لانهم عيال ناس و متربين
و انتي لو تدرين منو اللي يكتب الحلقات ماراح تصدقين :eh_s(6):


ورايي بالنسبه للموضوع
شنو يعني اهوا مسلسل كوميدي ياخذ الجوانب السلبيه و يناقشها على ضحك و غشمره
يعني ما قالوا الكل اهما عن مجموعه
يعني ما شفتوا فيديو المطوع اللي يترقص بسوريا بالمرقص
ولا بنات الكويت لابسين بكيني و الجتتات عالبحر
يعني لما قبل فجر السعيد بمسلسلاتها كله خراب بخراب و ترقص عااادي
يت على مسلسل كرتوني
شنو يعني كله ضحك لازم تاخذون الامور بجد
واللي تقول عن اللي يرسم اهوا مو بكيفه يرسم على حسب الحلقه
واللي يمثلون فيه مو اهما بكيفهم حاطين السيناريو
الشخص اللي كاتب اهوا عارف حال الكويت عدل
وقاعد يطلعها بصوره تضحك

وهذا رايي :eh_s(6):

 

[مزيـانه]

فعلا صايرين دون المستوى

بغض النظر عن فكرة المطاوعة .. مالنا شغل فيهم

بتكلم عن اللبس .. و الرقاصة و البكيني و غيرة .. وين قاعدين؟؟؟؟؟

انا وحده قام ويهي يقط ألوان لما يحطونه و يكونون عيالي يمي !!!!!!!!!!!!!!!!!!

عيالي قاموا كل ما يشوفون لقطة يقولون لي (ماما شوفي حاطين عيييييييييب!!!! )

باختصار مسخرة .. حتى زوجي قالي فريه لا تخلين العيال يشوفون هالأشياء

للأسف طاح من عيني المسلسل خلاص

 

[:: Diva ::]

لوووووووووووووووووووووووووول جسم الرقاصه مو صج !!

 

[مزيـانه]

بنات شدعوة شفيكم وبعدين سالفة البكينيات ان شالله عبالكم هالشي مو بالديرة !؟
شوووف عيني بنآت كويتيات وبنآت عوآآآيل يلبسون البكينيات ويتسدحون ويتمشون ع البحر
روحو شوفوهم بشآليهات كمبنسكي و غير كمبنسكي شوف عيني محد قآلي !!
و حتى بالشاليهات الخاصة الي بالمناطق البعيدة يتفصخون ويقعدون @@
و باجي الاشياء لازم يبالغون فيها عشان يمشي سوقه بس بالاول والاخير الناس عارفة إن هالشي موجود لكنهم مبالغين فيه وبعدين الحلو فيهم ان مايعمون لا بس يتكلمون عن فئات معينة مثلا ً من البدو أو من الحضر أو من المطآوعة جذي يعني ماقالو كل المطاوعة ولا كل البدو ولا كل الحضر .. !

حبوبة احنا ندري بسالفة التفصخ انها موجودة .. ما قلنا مافي

بس لو نبي نشوف كنا خالطناهم

احنا عائلات محافظة و ما نبي نشوفهم و لا نبي عيالنا يطالعون هالأشياء .. اذا اهم عندهم عادي احنا عندنا لأ

و لو نبيهم ندل مكانهم عدل .. و الحمدلله عندنا شاليهات و مو مقطوعين عن الدنيا .. لكن احنا نعف أنفسنا عن هالسوالف و هم ما خلونا .. داخلين علينا لي بيوتنا بهالمسلسل و يبون يخربون عيالنا الصغار و يبينون لهم انه عادي ؟؟ لا بالله مو عادي عندنا

 

[زهر الرمان]

كله كوم والبكيني والرقاصه كوم ثاني
مفصلينهم عدل والرقاصة اتهز هز ومركزين الحبايب
استغفر الله
واليهال قاعدين اشفيهم هالسنة فصخوا اكثر من كل سنة
انا احبة بس هالمرة خايرينة
واذا على المطاوعة ترا اغلب المسلسلات السنة مستلمينهم بس طبعا السيئين منهم

 

[فتوشآ]

الله الهاادي

 

[داريني]

انا معاكم بدعو هالسنه بالبكيني والرقاصعه الي صدرها يفشل عيب احنا بشهر الفضيل ما راعو حرمة هذا الشهر ناقشو مواضيعكم من غير ما تخدشون الحياء العام و بعدين انا استغرب الي تخلي عيالها يتابعون هالمسلسل كلش مو حق يهال حتى لو انه اهوه كرتون بس حق الكبار موجه فقط

 

[حناينq8]

بالعكس حبيبتي كل مافي المسلسل انه ينعرض باسلوب ساخر
ومبالغ فيه نوعا ما لانه يطلع سلبيه كل فئه من المجتمع

والا ان ييتي للصج

الكويت الله حافظها بعيالها المتدينين اصحاب الفكر المتوازن
والبدو والحظر عيال شهامه ومواقف

 

[n.m.3.k]

احنا وين قاعدين شوهاو سمعت بناتنا صج كلامكم ان في جذيه بس ما يصير نطلعهم لان الدول الثانيه عبالهم احنا كلنا جذيه موبس فئه قليله ومنحطه بس الله الهادي..
والي تقول ترا المسلسل فكاهي والي تقول باباي لا كل سنه اهم يحطونه ماقلنا شي بس هالسنه زااااااد عن حده موبس بوقتاده بو نبيل شفو القنوات الثانيه جنها قنوات العراق اول سب وقذف في بعضهم البعض لا حول و لا قوه الا بالله والله يهديم ويحفظ لنا ديرتنا.
وهذا راي:3lm1: