شسالفة بوقتادو وبونبيل هالسنة؟!!

[حلا الروح]

ايييي من جد لا حبيبتني انتي مو اوفر


مسخييينها مرآآآ



عادت كأنك تدرين ليوم مسولفه مع وحدا عنه قلت لها مسخييينه حييييل


الله يهديهم بس هم كلا كذا يبدون بشي ممتع وعادي وبعدين يخربونها

مثل طاش

الله يصلحهم بسس

 

[DooLy88]

السالفة مالها دخل باوبن مايند

يعني البنات يتفصخون لازم اصير عادي ؟؟ علشان اصير اوبن مايند ؟

لازم سالفة الوصاخة تدش عشان اصير اوبن !!

اي والله

اصلا المسلسل من امه سخيف !! وبياخة !! خصوصا يوم البكيني !!

والله اني انحرجت جدام ابوي واخوي !! استغفر الله

 

[اجمل نساء 2011]

ما ادري
ماشفته هالسنة

اهما احيانا يمثلون الواقع

احيانا يبالغوووووووون

الله يهديهم بــــــــــــــــــــــس​

 

[orchid.27]

مبارك عليكم الشهر جميعا

احنا ندري ام هالسوالف موجوده بالكويت ما قلنا شي بس عيب يحطون هالرسومات الي مالها داعي برمضان بهذا الشهر الفضيل
والشي الثاني ان البرنامج ينعرض بعد اذان المغرب يعني وقت الكل موجود وقاعد يطالع ووايد يهال يطالعونه
والي يقولون غيروا القناه انتوا ترضون ينعرض هالشي برمضان ؟ باقي 25 والله يستر شنو راح يبدعون واغلب الناس عادي عندها يقولون حريه شخصيه شوفوا هالحريه بشنو راح تأثر
حسبي الله ونعم الوكيل
ان لم تستحي فافعل ما شئت

 

[حبيبة أهلها]

رد : شسالفة بوقتادو وبونبيل هالسنة؟!!

لاحول وقوة الابالله ..

الصراحة شئ يضيق الصــــدر وين الغيرة على الدين ومالقو الا الملتزمين ينتقدونهم وين الخوف من الله !!!


حكم الاستهزاء بشعائر الدين
ظهر في كثير من المجتمعات الإسلامية الاستهزاء بشعائر الدين الظاهرة كإعفاء اللحى وتقصير الثياب ونحوهما - فهل مثل هذا الاستهزاء بالدين الذي يخرج من الملة؟ وبماذا تنصحون من وقع في مثل هذا الأمر وفقكم الله؟



لا ريب أن الاستهزاء بالله ورسوله وبآياته وبشرعه وأحكامه من جملة أنواع الكفر لقول الله عز وجل: قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِئُونَ * لا تَعْتَذِرُوا قَدْ كَفَرْتُمْ بَعْدَ إِيمَانِكُمْ[1] الآية من سورة التوبة.
ويدخل في ذلك الاستهزاء بالتوحيد أو بالصلاة أو بالزكاة أو الصيام أو الحج أو غير ذلك من أحكام الدين المتفق عليها.
أما الاستهزاء بمن يعفي لحيته، أو يقصر ثيابه ويحذر الإسبال، أو نحو ذلك من الأمور التي قد تخفى أحكامها، فهذا فيه تفصيل، والواجب الحذر من ذلك، ونصيحة من يعرف منه شيء من ذلك حتى يتوب إلى الله سبحانه ويلتزم بشرعه، ويحذر الاستهزاء بمن تمسك بالشرع في ذلك، طاعة لله عز وجل ورسوله صلى الله عليه وسلم، وحذرا من غضب الله وعقابه، والردة عن دينه وهو لا يشعر، نسأل الله لنا وللمسلمين جميعا العافية من كل سوء إنه خير مسؤول.
والله ولي التوفيق.
--------------------------------------------------------------------------------

[1] سورة التوبة الآيتان 65 – 66.
مجموع فتاوى ومقالات متنوعة الجزء السابع

 

[قطيووه^_^]

اي حدهم حاطين عالمطاوعه الظاهر انجنو لان السنه اللي اللي طافت واللي قبلها كان المسلسل شزينه بس هالسنة ماله داعي

 

[نواره البطه]

هههههه
الحلقه وااايد مبالغ فيها الصراحه

 

[wesh jaah]

رد : شسالفة بوقتادو وبونبيل هالسنة؟!!

لا وحلقه اليوم عن البدون طبو اب اهل البحرين وقطر حتى ابوي قال هذول من صجهم؟؟؟


ولا خلصوا من المغاربه والبكينيات والواحد توه فاطر -/ والله يستر من اللى ياي

 

[عيون ملكيه]

اعوذ بالله

صراحه هالمسلسل اللي المفروض يحذفونه شهالمشاهد الخايسه و الافكار الأخيس صراحه ماكو ابدااااع نهائي
بات مان

و بكيني
و ام نبيل بكيني
و المغرب خلوها ديرة خرابيط و مسخره ليش كما حطو تايلاند و سوريا بعد خل يكملونها
ما تسوا هالمغربي الهكر اللي سكر موقع الديوان الاميري و حاط رساله للي سوو الحلقه عن المغربيات

و شنو بو ترمسيوو يشتغل طبال بالصيف و الرقاصه حاطين دناديش على صدرها و دبتها عيييييب و الله عيييب عليك يالثلاب انت و اللي بالوطن


شنو هالمسخره ....

ليش هالمستوى المتردي ...

لاحول و لا قوة الا بالله

انا اطالب بوقف هالمسخره و ما نبي جزء خامس خلاص ترا افكاركم خااايسه و ما عندكم ابداع بدال لا يورونا شي ينفع البلد و اليهال ياخذونها عبره و جذي قامو يدخلونا بسوالف مالها داعي

قلنا ينتقدون بس كل شي له حد

 

[شادنٌ]

رد : شسالفة بوقتادو وبونبيل هالسنة؟!!

رجال الدين الي فاهمين الدين صح لولالهم .. اتوقع الدنيا تنتهي !

بزمنه هذا نحتاج رجال صالحه

وبوقتاده وبونبيل اتوقع يكشف عن الناس المدعين الدين والي فاهمين الدين غلط ومالهم شغل بشريعه الله الطهوره !

انا جذي اشوف وجذي فهمت من الانيمي

 

[آبـلـہ نـونـو]

أمبيہ جنج قآعدة معآنآ عـَ آلسفرة و سمعتينآ ،

أهو صج هـَ آلسنة مُبآآآآلغ فيہ و بـِ زيآآآآدة .!!

يعني كل شوي أقول أوف طآع شـِ قآل و أمبيہ قوؤووية و عآد مُو أشكرهہ جذي ، >> يعني تعبيرآتي أثنآء آلمُتآبعة ،

و أختي دكتورة نُوؤووف ترى إحنآ يـَ آلكويتين ندري إنہ مُو كل شي ينعرض بـِ آلمُسلسل صحيح و غيّر وآقعي

بس غيرج على طول مآ يصدقُونّ على الله و يصدقون إن هذآ وآقع آلكويت .!! ، @@

أهم على مسلسل قديــــــم مآل آلبُويہ ، قآلوآ كل آلكويتيآت بويآت و خشنآت لحد يُومج هذآ .!

مآ ينلآمُون لأنہ آلإعلآم أهو آلوجہ آلأسآسي لـِ آلدُولة ، عشآن جذي آلمفروض شوؤووي نتجنب هـَ آلسُوآلف

و آللي زآدْ آلطين بلہ إنهُم تعدوآ على دُول ثآنية .!! ، حتى حلقة آليُوؤووم ، > شكلنآ رآح ننطق طقہ سنعہ ،

بس فُوقْ هذآ أستآنس عـَ آلمُسلسل ، على قولة أختي فُكآهي

و لمآ يطنزون على أحد يقصدون آلفئة آلشينہ مُو آلكل

لأن آلفئہ آلشينہ إهي آللي دآيماً تلفت آلإنتبآهہ ، و زين يسون فيهُم ،

..

 

[شادنٌ]

رد : شسالفة بوقتادو وبونبيل هالسنة؟!!

اي صح عن ضد الحلقة الي كانت عن المغرب !

اذا عن " بائعات الهوى "

بكل ديره في الزين والشين ومايصير يطلعونها بهالصوره القذره

وعيب يعني حتى لو شي شائع مانطلع صوره المغرب بهالصوره هذيل اخوانه بالدين والعروبه والله عيب


ولا جان سعوديه تقدر تسوي كرتون وتمثل صوره البنات مو شي مو بس سعوديه كل دول الخليج ينظرون للبنت الكويتيه اكثر تحرر ويشوفون المسلسلات الي ماتقصر بتشويه الكويتيات وبعض البنات في المولات ويتهمون اغلب بناتنا انهم مال قز

وهذا حجي وايد نسمعه بالنت والمنتديات والمدونات وبرا النت
لو سوو كرتون عنه جذي منو بيرضا بهالصوره الغلط والمفبركه من النفوس الاضعيفه ؟؟

وجذي صار ويا المغرب وانا ضد الي صار وعيب


واليوم تطاولو على قطر بمدح البحرين !!!


عيبببببببببببب حتى لو اساءت لنا قناة الجزيره من متى ديرتنا ترد الاساءه بالاساءه

مهما كان مانقول جذي قطر اهلنا منا وفينا !!!

وبين الاهل يصير حزازيات شنو يعني الله يهدي الجميع صراحه

 

[جبنة بيضة]

المصيبة انه اليهال يتابعونه

 

[Q8stylle]

الصراحه هالسنه بوقتاده ونبيل مو عاجبني

 

[> Miss M6ereiah <]

اي صح حلقة امس قلت يويلنا من اللي راح يصير سالفة المغرب للحينها ما بردت .. سيده طبوا بقطر
امبيه صج باعوها هالسنة بس مادري انا احب هالمسلسل عدا حلقة بنيدر وحلقة المغرب وحلقة امس اما الباجي لا اوكي

 

[** باربي **]

رد: رد : شسالفة بوقتادو وبونبيل هالسنة؟!!

انا المسلسل اللي أحرص أتابعه كل رمضان من نزل اهو بوقتادة و بونبيل!

يعني غير إنه متعوب عليه حيل فنيا و يضحك يتكلم عن مواضيع وايد حلوة. يمكن لأنهم جريئين في ناس ما يحبونهم و بصراحة احنا مو متعودين على هالجرأة و الصراحة نحب ندفن روسنا بالرمل و ما نعترف بالبلاوي اللي عندنا.

بوقتادة و بونبيل لمن ينتقدون المطاوعة ما يقصدون كل المطاوعة. شي طبيعي انه كل فئة بمجتمعنا فيها الزين و فيها الشين, و اللي ينتقدونهم بوقتادة و بونبيل اهمه الناس اللي تستغل الدين غطاء حق بلاويهم, و لا أكيد ماكو واحد عاقل بيستنتج من المسلسل انه كل المطاوعة و الدينيين جذي!

انا معاها
بنات خلوا صدركم اوسيع لا يصير ضيق جذي وهذا انتوا اهل الديرة
اهم عيبوا على كل الفئات ما تحيزوا لحد مع اني انا حضريه كا مبينين الحضر ترفف
والبدو مفهين مثل ما قالوا والمطاوعة منهم ارهابين والخوال وجذي
الموضوع ضحك وترفيهه وانا لو مهما تطنزوا علينا ما اراح اتحسس شدعوة يبا كله باباي لازم تشجعون الانتاج الكويتي مو تحبطونة تالي طالعون بابايات الدول الثانيه ما تحسون مثل هذا لانه يتكلم عن شي عايشينه حتى بالرسم
وثاني شي..
ومن ديرتي يعني مو من غل طالع وضغطوا كل الفئات حتى الهنادوة اضن الهنادوة يضحكون لمن يشوفون
وانتوا مسوينها بلبلة ودبوكم دووب هالباباي
صراحه اييننن وما اتخيل رمضان بداله حزة الفطور والي مو عاجبه الكرتون ليش مواصل يطالعه!!
هذا اكبر دليل على نجاحه صراحة بدعوا ومبين متعووب عليه والكويتي انفع :eh_s(6):
من هالبابايات التافهه ام سعف الماصخ الارف وغيرة ولاحظوا الامارات سوت نفس طقتنا على ابو ظبي والسعودية شوربة وخل وعلى الMBC بكبرها شفت لقطة
الصراحة محد وصل ولا يوصل مستواة لي درجه كل الدول تطالعه ترى لانه صج يشرح القلب ويضحكنا حييل
ترى الموضوع كله غشمرة
واكثر التمثليات تطنز على هالفئات الفكاهية طبعن بكثرة واولهم طاش ماطاش هاذول ديرة المطاوعه والمشايخ بعد..!!
محد زعل..
لا توقفون لنا بكل شي صراحة ماله داعي هالسوالف والتضخيم
وانا احرص ما اطوف حلقه منه وجان زين يطولون حلقاته بعد
فديته والله بونبوليي:dddds:

 

[bint_looda]

تر عادي المسلسل فكاهي شوفي شمسوين بالحضر مطلعيهم ترفين والبدو خبول والطاوعه ارهابين بس بشكل مبالغ

عادي تر كله ظحك xp

صح انا وياهااا وبحياااديه يعني ان طبوو بحد يطبون بالنوعين الثانيين وياه مايخلوون احد فهذا يخلي المشاهد يتقبل التعليق والتطنز وماياااابو شي من عندهم كل هالاشياء فينا بس اهم لازم يبالغون فيها عشان توضح وكوونها كاريكاتير فكاهي

 

[bint_looda]

رد: رد : شسالفة بوقتادو وبونبيل هالسنة؟!!

انا معاها
بنات خلوا صدركم اوسيع لا يصير ضيق جذي وهذا انتوا اهل الديرة
اهم عيبوا على كل الفئات ما تحيزوا لحد مع اني انا حضريه كا مبينين الحضر ترفف
والبدو مفهين مثل ما قالوا والمطاوعة منهم ارهابين والخوال وجذي
الموضوع ضحك وترفيهه وانا لو مهما تطنزوا علينا ما اراح اتحسس شدعوة يبا كله باباي لازم تشجعون الانتاج الكويتي مو تحبطونة تالي طالعون بابايات الدول الثانيه ما تحسون مثل هذا لانه يتكلم عن شي عايشينه حتى بالرسم
وثاني شي..
ومن ديرتي يعني مو من غل طالع وضغطوا كل الفئات حتى الهنادوة اضن الهنادوة يضحكون لمن يشوفون
وانتوا مسوينها بلبلة ودبوكم دووب هالباباي
صراحه اييننن وما اتخيل رمضان بداله حزة الفطور والي مو عاجبه الكرتون ليش مواصل يطالعه!!
هذا اكبر دليل على نجاحه صراحة بدعوا ومبين متعووب عليه والكويتي انفع :eh_s(6):
من هالبابايات التافهه ام سعف الماصخ الارف وغيرة ولاحظوا الامارات سوت نفس طقتنا على ابو ظبي والسعودية شوربة وخل وعلى الmbc بكبرها شفت لقطة
الصراحة محد وصل ولا يوصل مستواة لي درجه كل الدول تطالعه ترى لانه صج يشرح القلب ويضحكنا حييل
ترى الموضوع كله غشمرة
واكثر التمثليات تطنز على هالفئات الفكاهية طبعن بكثرة واولهم طاش ماطاش هاذول ديرة المطاوعه والمشايخ بعد..!!
محد زعل..
لا توقفون لنا بكل شي صراحة ماله داعي هالسوالف والتضخيم
وانا احرص ما اطوف حلقه منه وجان زين يطولون حلقاته بعد
فديته والله بونبوليي:dddds:

وياج اميه بالاميه

 

[على الدنيا سلام]

صاير جري بس يضحك انا استانس عليه .....

 

[NaNoy]

رد : شسالفة بوقتادو وبونبيل هالسنة؟!!

اي خلوووكم ديرتنا على الاقل بينا وبين بعض بس لا تتطاولون على الدول الثانيه ؟؟!! يعني الصراحه الواحد يحترم نفسه
شنو هذولي من صجهم .. اللي فينا عارفينه وحاسين فيه ورقعة الثوب منه وفيه على قولتهم
بس يتطنزون على الدول اثانيه ويفتحون علينا باب ويخلون الناس ترد علينا وتتجر
ا وتتطز ويمصخرونا ليش عاد ؟