شسالفة بوقتادو وبونبيل هالسنة؟!!

[mi corazon]

السلام عليكم

شلونكم بنات؟ ومبارك عليكم الشهر


بنات آنا قررت هالسنة اني احاول ما اتابع شي برمضان .. لأني كل رمضان اتابع المسلسلات اصير بطيئة بالختمه

عالعموم .. امس واليوم قطيت عيوني على يوميات بوقتادة وبونبيل ولا لاحظت وايد وايد طابين بالمطاوعة

مادري يعني صج أحيانا اسمع سوالف تحر عن المطاوعه بس مو توصل إنه كل الخراب اللي طالع بالمسلسل بسبب المطاوعه

بعدين اليوم يطنزون أكثر " سالفة بنيدة"

يعني مادري هل آنا اوفر ولا اهو الموضوع زايد عن حده !!!

 

[ام عفاف الكويت]

اي والله
ولاحظي بو نبيل كله طافي يعني اما سكران او محشش مادري انا فهمت جذي

 

[ضايعه بهدنيا]

تر عادي المسلسل فكاهي شوفي شمسوين بالحضر مطلعيهم ترفين والبدو خبول والطاوعه ارهابين بس بشكل مبالغ

عادي تر كله ظحك xp

 

[!الجادل الصعب!]

مآتابعته .. بس مآدري آحس ان البرنامج متوآفق ..

لمآ يتكلمون عن فئه معينه .. هم قصدهم الشينين منهم مو كلهم ..سواء حضر او بدو او مطآوعه ..

لان طبعا مو كل النآس ملائكه ..

 

[UM M&M]

صح لاحظت هالشي

كلشي مبالغين فيه

الدينين ارهابيين
و العاديين كلا سكرانين ولا مع بنات
و البدو خبال و مفهين

كلنا عالفطور لاحظنا هالشي
و ماله سالفه كل شوي حاطين بنات ببكينيات !!

 

[~ غـــيـــر البِشـــر }}]

جت عل المطاوعه

شوفي البنات اللي لابسين بكيني ويترقون

الله يهديهم

 

[$نسيم الصباح$]

والله أنا من العام قاطعتهم حيل يصورون المطاوعه بشكل سيء
ليش هذول أهل السنه بعدين يعني الناس الثانيه والتيارات الثانيه إهم إلي زنين . هذول إهم بس يسخرون من أصحاب اللحا وكأنهم أشر ناس بدنيا ويحاولون يطيحونهم من عيون الناس . طيب حتي خل يكوننون موضوعين علي الأقل مو هالحرب .
حسينا الله ونعم الوكيل

 

[برطم نملة]

رد : شسالفة بوقتادو وبونبيل هالسنة؟!!

انا المسلسل اللي أحرص أتابعه كل رمضان من نزل اهو بوقتادة و بونبيل!

يعني غير إنه متعوب عليه حيل فنيا و يضحك يتكلم عن مواضيع وايد حلوة. يمكن لأنهم جريئين في ناس ما يحبونهم و بصراحة احنا مو متعودين على هالجرأة و الصراحة نحب ندفن روسنا بالرمل و ما نعترف بالبلاوي اللي عندنا.

بوقتادة و بونبيل لمن ينتقدون المطاوعة ما يقصدون كل المطاوعة. شي طبيعي انه كل فئة بمجتمعنا فيها الزين و فيها الشين, و اللي ينتقدونهم بوقتادة و بونبيل اهمه الناس اللي تستغل الدين غطاء حق بلاويهم, و لا أكيد ماكو واحد عاقل بيستنتج من المسلسل انه كل المطاوعة و الدينيين جذي!

 

[نيولوفر]

وامس اليوم حلقتهم فيها لبس فاضح والمشكله اليهال يتابعونه حيييييييييييييييييل

 

[سيده المنتدى]

رد : شسالفة بوقتادو وبونبيل هالسنة؟!!

السنه هذي أحس انه ماسخ السنه اللي طافة أحسن
ومشكوره يا الغلا

 

[روح مغليهآ]

يدسون السم بالعسل يخربون عقليات الناس خصوصا انه اكثر المتابعين له يهال اوووف مسلسل فاشل

 

[DA3LOoOLA]

بصراحه الي حرني حلقة اليوم مايدرون ان في يهال اتابعهم شنو هالمصخرة الي حاطينها بنات لابسين بكيني والله عيب ليه وين وصل مستواهم ؟؟؟ موليهدرجة وين الرقابة عنهم ؟؟؟؟؟؟

 

[قـہۈه فـرنسيـہ™]

مااادري ما تابعته ...أحس انه تافه

 

[Killer^Girl]

مليق

 

[Dr.Nouf]

تر عادي المسلسل فكاهي شوفي شمسوين بالحضر مطلعيهم ترفين والبدو خبول والطاوعه ارهابين بس بشكل مبالغ

عادي تر كله ظحك xp

اي حدددددده


خلكم OPEN-MINDED يا جماعة

 

[Tulips]

شدعوه عاد اللي صار بحلقة اليوم مايصير صج !! والله العن من جذي شوفي الشاليهات اللحين شلون صايره مسخره

وبعدين حبيبتي لازم يبالغون شوي عشان النغزات توصل

 

[لـولـو الحلوه]

الصراحه هالسنه بوقتاده ونبيل مو عاجبني ..
ولا حلقه البكيني واللي ترقص مصري شفتوا شلون راسمين جسمها !!!!
حده فشله انا كنت اتابعه مع اهلي اللي حرمت .. ماقمت اشووووفه ..
وكل طايحين بالمطاوووعه ..

 

[يمة يادلبي]

والله بو قتادة وبو نبيل ماشفته هالـ سنة كلش مللللش
لأن وقته حيل مو مناسب حزة صلاة وانا احب اتابع الشي من بدايته ماحب من الوسسسط
بس شفت لقطات من حلقة اليوم اهي حلوة بس واااااايد جريئة حتى استحيت أكملها وجيش عرعر يممي
بس بالنهاية اهي تتحجى عن واقع المجتمع الكويتي

 

[سارا ديور]

رد : شسالفة بوقتادو وبونبيل هالسنة؟!!

اي بصراحه انا ما عجبتني حلقه يوم يقولون وين صيفت

جان يحطون انه كان اهوا مع المطاوعه بالبر ولما لقى مدرعه مالت التحالف

جان يطلع بازوكه ويفجرها

شنو هذا قلة حيا بصراحه .. وما هقيتها من تلفزيون الكويت

 

[um fawaz]

لمشكله انها فضائيه الكل يتابعها يعني الدول الثانيه ما يدرون انها مبالغه عبالهم بنات الكويت كله لبسهم جذي بكينيات