تم اقرار إطالة اليوم الدراسي .. مبروك :(

[mi corazon]

السلام عليكم

بنات ... لفت انتباهي شي غريب صراحه

بأمريكا لمن الجمعيات الاستهلاكيه رفعت سعر منتج عندهم "سنت" تخيلوا يعني نفس امية فلس

قاموا الناس سوو اضراب .. وهالسلعة مهمه للشعب الامريكي " الحليب" صار اضرراب محد قام يشري من هالحليب ليمن حست الشركة بالضغط والخسارة قامت ردت السعر نفس قبل

يعني تخيلي انتي كمدرسه .. لمن تهددين طالبة عندج " لو ما حليتي الواجب راح اعاقبج .. لو مايبتي الدفتر راح اسقطج "
وبالأخير ماتسوين شي والبنت تكتشف انج مو جاده ... هل غير شي؟ بالعكس راح تمشيج على كيفها


بنات احنا شنو اعتراضنا بالنسبه للوزارة؟ ولا شي

عبالكم بيخافون منا يعني مثلاً؟

تدرون لو زادوا اليوم الدراسي وكل المدرسات سوو اضراب .. راح تهتز الوزارة وراح يكون عجز وخلل بالتقويم الوخطه السنويه

يعني صدقوني راح ينصاعون ويردون اليوم نفس ماكان .. خصوصا ان هدفهم من اطالة اليوم الدراسي هدف تافه وسطحي جدا .. شنو علشان يتغدون الطلبة؟ عبالكم ميتين على اكلكم؟ ولا بيهدون مجابيس امهاتهم وياكلون اكلكم الملوث؟ صج غباء


بنات .. اللي احب اوصله .. ان التحلطم اهني ماراح يوصل نتيجه ابدا عبالكم وزيرة التربية قاعده عالنت تدور وين مشاكلكم بكويتيات؟ ولا خالد العبد الجليل بيصرخ ويقول حرام عليكم رحموا المدرسات؟ ما سمعنا فيها

اللي بوصله لكم

لو تقرر اطالة اليوم المدرسي اما تتفق المدرسات كلها تسوي اضراب او تسكتون لأنا صرنا مثل اليهال نبجي وما يعطونا الشي


قرار + إضراب = شطب القرار
قرار+ شكوى وتحلطم = تثبيت القرار غصبن عنا


فكروا بكلامي

 

[pure feminine]

صااجه

ياليت نكون على قلب واحد واما اذا وحده بتضرب ووحجه بداوم ما استفدنا شي


وان شاء الله ماااكو إطاله للدوام

 

[suger_spice99]

اضم صوتي لصوتكم

 

[mi corazon]

احب ازيد شغله

النظار ماراح يضربون لو حبيتوا تسوونها وتضربون
تدرون ليش؟

لان اي قرار ينزل ينزل معاه زيادة للناظر علشان يشجعونه يطبق هالقرار

نفس سالفة التصحيح بالامتحانات .. مو قالوا لنا بنعطيكم بدل تصحيح؟ ها شفتوا فلس حمر ؟؟؟

الناظره ترى يعطونها مادري 20 ولا 60 سألوا .. بس امهم يعطونها مبلغ محترم .. ومنو اللي يتعب وياكلها ؟ المدرس

فا يعني ممكن يخرعونكم الناظرات ويقولون بنعطيكم لفت نظر

مادري يمه خفنا . خليعطون بيعطون كل المدرسة؟ ما اظن ابدا

انزين الحين شنو نسوي؟ شلون نطبق الدوا قبل الفلعه ؟؟ شلون نقنع الثانيين بالإضراب؟

 

[هيبة ملك]

ماظنتي الحريم يتفقون

 

[غير كل الناس]

انا اقول حكي وبس

ما في تطبيق

 

[!الجادل الصعب!]

والخوآرج بيدامون مآراح يتفقون معانا ..!

شوفو انا مو مدرسه بس والله لو يسوونها يمكن آقدم استقالتي .. لاني قآعده اكمل درآسه بعد الدوام اذا طولوا الدوام شبسوي اظل طول اليوم برا البيت هاده بيتي و زوجي و ولدي؟؟!

 

[دلــــع البنــــات]

رد : تم اقرار إطالة اليوم الدراسي .. مبروك

وانا بعد وياكم

ابي ارد البيت ويكون فيني حيل لليوم اللي وراه

مو حيلي وروحي لساعة ثلاث

هم احنا بشر نبي نرتاااااااااااااااااااااااح

مو ماكينة والا سيارة

بشر لنا طاقة محدده مو سوبر مان ومن ربعه

وانا بعد وياكم

 

[أحلى^حياه]

من صجج!!

انتي شايفه منو تكلمين ؟؟

اكثر فئة خوافه بالديره!!

اذا المدرسات مو خوافات منو عيل!!

يدورون الامتياز و التقدير العالي مادري وين بيوصلهم !!

يسوون كل شي في سبيل الامتياز حتى لو يقولون لهم غسلوا الحمامات وانتو بكرامه !!

ضحكتيني والله

 

[78MariMar78]

الله المستعاااااااااااااااااااااان

 

[بنت شرق]

انا معاج اختى وكلامج عين العقل بس وين اتيبين المدرسات الجريئات اللى يقولون للوزاره لاااااااااااا ما نبى اطاله الدوام انا وحده معاج قلبا وقالبا وصدقينى راح احاول انى اجمع اكبر عدد من المدرسات ونروح الوزاره او اى جهه ثانيه نقدر نوصل لهم اعتراضنا على الاطاله

 

[@ نجمة العطااا @]

بنات مو لازم الاضراب الفعلي دام اننا ما راح نتفق <<<< كالعادة
شرايج بالاحتجاجات بالجرايد والله انشيش اولياء الامور يتكلمون والمدرسين واحنا بعد ونرفض هالقرار التعسفي
يعني لو كل وحدة فينا ارسلت ايميل لكل جريدة بالكويت واعترضت على هالقرار قولوا مو ايميل واحد خمسة عشرة اللي نقدر عليه وكل مرة باسم مختلف وايميل مختلف أقلها بنات نسوي ضجة اعلامية بان المعلمات راح يضربون واكيد المعلمين معانا على الخط واولياء الامور اول الداعمين لانهم ما يبون اطالة الدوام
بنات المثل يقول العيار اللي ما يصيب يدوش
وهالوزارة تبيلها فرعون يتفرعن لو من خلف الشاشات صدقوني والله جذيه تسنع هالوزارة التعيسة
وياليت نطالب بعدم توزير المرأة جد وربي أثبتت فشلها !!!
ياليت يرجع للتربية وزير احسن من المراة الف مرة !!!

 

[سلطانة القحطاني]

رد : تم اقرار إطالة اليوم الدراسي .. مبروك

بنات طلبوا الجرايد كلها والقنوات الفضائية في مكان واحد وكلموهم بمطالبنا
وبعدين اتصلوا ع النواب
وجمعية المعلمين ما قصرت
بس ما لقت احد يساعدها
الاضراب خلوه اخر علاج
ولازم يكون معانا محامين
حركة جادة وحقيقية راح نحقق مطالبنا
اللي تبي ندخل ع الوزيرة ونكلمها ونبلغها باننا راح ناخذ خطوات جداة
تدز لي ع الخاص ويكون معاها مجموعة ثقة

 

[هدوله المزيونه]

احسن انشاء اللة الدوام يصير 6 المغرب وقولوا اميييييييين

 

[معلمه اجتماعيات]

رد : تم اقرار إطالة اليوم الدراسي .. مبروك

وانا بعد وياااااااكم

 

[شوق الصبا]

صج هذا القرار؟؟؟؟؟

 

[mi corazon]

شوق الصبا

مرت اخوي تشتغل بابتدائي بعبدالله المبارك شي جذي المناطق اليديده

تقول هالسنه بيطبقونه

نشوف

 

[شوق الصبا]

الله يستر... مانبي

 

[@ نجمة العطااا @]

احسن انشاء اللة الدوام يصير 6 المغرب وقولوا اميييييييين

لا حول ولا قوة الا بالله

ما اقول الا الله يهديج بس!!

انت ليش معصبة ؟؟ عشان موضوعج لعبة للمدرسات ؟؟ ترى المدرسات مو قصدهم ما يردون عليج انت بالذات لكن مايبون احد يعرفهم يبون ياخذون راحتهم حبوبه المنتدى هو المتنفس الوحيد لنا اذا اعرفونا المشرفات او رئيسات الاقسام او الناظرات ما راح نسلم حتى اهنيه وللاسف مجتمع المدرسات سبب هالاشكال صار كانه معتقل والله المستعان


عموما الله يسامحج ويارب ياكربم بهالشهر الفضيل تعطينا على قد نياتنا وترزقنا من واسع فضلك وما تحدنا على احد يارب ياكريم

 

[البيداء_77]

انا معاكم واذا تبوني اكون الزعيمة ما عندي مانع


لا لاطاله الدوام المدرسي لا لاطاله الدوام المدرسلا لاطاله الدوام المدرسي ي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي
لا لاطاله الدوام المدرسي لا لاطاله الدوام المدرسلا لاطاله الدوام المدرسي ي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي
لا لاطاله الدوام المدرسي لا لاطاله الدوام المدرسلا لاطاله الدوام المدرسي يلا لاطاله الدوام المدرسي لا لاطاله الدوام المدرسلا لاطاله الدوام المدرسي ي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوالا لاطاله الدوام المدرسي لا لاطاله الدوام المدرسلا لاطاله الدوام المدرسي ي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي
م المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي لا لاطاله الدوام المدرسي