العلاج بالخارج @@@@@@

[ام عفاف الكويت]

المانيا اخن
لا وينا ووين التسوق
انزين سؤال اقدر اخذ ماجله او ممنوع ؟

 

[جوجوا]

انا عمري مارحت المانيا ومادري على المستحقات بس امي قبل سنه كانت ابالمانيا علاج نطري عليي لي باجر انشالله اسألها وارد عليج

 

[ام عفاف الكويت]

ياريت ياقلبي
اانا بكون بالمانيا اخن بالتحديد
وان شاء الله ماراح اجهز بس بفصل عبايه
وان شاء الله ربي يسر وبارك الله فيج
وماقصرررررررررررررررررتي

 

[جوجوا]

اي تقدرين تاخذين الماجله انا اخذت معاي كل شي بس لا تاخذين معاج الحليب ومشتقاته يعني الاجبان لانهم ماراح يسمحون لج فيها بس المشكله ابولدج لصغير الله يشافيلج ايها يارب وتشوفينه معرس يارب اذا كان متعود على حليب معين بس خليني اسألج احسن وارد عليج

 

[جوجوا]

ياريت ياقلبي
اانا بكون بالمانيا اخن بالتحديد
وان شاء الله ماراح اجهز بس بفصل عبايه
وان شاء الله ربي يسر وبارك الله فيج
وماقصرررررررررررررررررتي

حياتي والله ابي دعوتج الحلوه انشالله من اقعد اذا الله عطانه عمر اسألها واعطيج الرد ، بس حبيبتي اتوقع العباية ماراح تنفع لان الجو الحين بارد لازم تاخذين احتياطج

 

[ام عفاف الكويت]

لا لا ولدي عادي
اعطيه حليب السائل
واي حدددددددددي خايفه
شلون بعيششش واشيل واحط
واجابل عيالي والمستشفى
بس امي دايم تقول سهالات لاتحاتين
المشكله بالوزن
باخذ 3 جناط بس فهد الزبوط حقه تذكره او سرير ؟

ان سرير مشكله شكبره وين يقعدون لانه هالعمر ماينام يقعد ويتحرك ماشاء الله
وعفاف اللى عرفته كرسي
بس فهد اتذكر هالعمر ان بروح سياحه يعطوني سرير
او اربطه بحضني وانا ماقدر على الربط بالحضن لانه مسويه عمليه
تهقين مايهم العمر ؟ او نفس القوانين ياخذ سرير ؟
هو سنه و 6 اشهر

 

[ام عفاف الكويت]

لا العبايه للكويت اخاف مايوصل شي
بس هناك لقنز وقمصان طوال

 

[ام عفاف الكويت]

شوفي الحين صمت
يارب يامجيب الدعوات يخلي لج عيالج وحبايبج
ولا يفرقكم ويبعد عنكم الامراض ويهنيج انتي وكل من دعت لولدي وساعدتني
لاول مره احس اني مو على عمى امشي

 

[جوجوا]

شوفي الحين صمت
يارب يامجيب الدعوات يخلي لج عيالج وحبايبج
ولا يفرقكم ويبعد عنكم الامراض ويهنيج انتي وكل من دعت لولدي وساعدتني
لاول مره احس اني مو على عمى امشي

حبيبتي والله على الدعوه توني دقيت على ولد اختي لانه كان مع امي بالسفر وهو كان اللي يستلم المستحقات شوفي اول ما توصلون بالسلامة دقوا على السفارة الكويتية وخبروهم انكم وصلتوا واهم راح يسألونكم عن المستشفى اللي فيها العلاج عشان يراسلونها وبعدها ابيوم او يومين يدقون عليكم عشان تستلمون المخصصات ويقول ان المخصصات كل اسبوعين تستلمونها والشخص اب 150 يورو وهم احمتمال ينزلزن لكم حق مرافقين على حسب الدوله وانشالله يارب تتسهل اموركم وتصير حق مرافقين وهذي المخصصات الله يسلمج يقول تكفي وزيادة لانهم كانوا يسافرون منها يعني يتنقلون حق الدول القربية من المانيا

 

[ام عفاف الكويت]

:e3::balo:


150 يورو باليوم
حلووو الحمدلله
ويارب اثنين

والله يشافي اميمتج :aha:

 

[جوجوا]

:e3::balo:


150 يورو باليوم
حلووو الحمدلله
ويارب اثنين

والله يشافي اميمتج :aha:

اي 150 يورو حق الشخص وانشالله يصرفون لكم حق مرافقين وتتسهل كل اموركم ، ومشكورة وايد على الدوات الحلوه وانشالله الله يستجيبها واي شي تبين انا حاضرة

 

[الصابرة المحتسبة]

رد : العلاج بالخارج @@@@@@

أم عفاف يقلبي

لاتاخذين معاج ماجلة لأن البقالات العربية موجودة وفيها كل شي .

الجناط لاتكثرين مايسوى عليج يمكن تشترين مناك.

الدرجة السياحية وعلى الكويتية لازم.

سؤالي: انوا متواعدين مع مستشفى ولا جذي رايحين؟؟

لازم موعد الدكتور محدد من الديرة.

لاتعتمدين على فلوس العلاج لأنها راح تشمل كل شي (الفيزا ) لابد معاج.

التكاسي غالية وحطي بالج.
وجهزي حق الدوام احتياط وخليهم.

لاتنسين تاخذين كتاب حق دوامج وترى راح يخصمون عليج لأنج مرافق بس باللأقساط.

ولازم الأوراق (السفر ) كاملة.

 

[ام عفاف الكويت]

رد: رد : العلاج بالخارج @@@@@@

أم عفاف يقلبي

لاتاخذين معاج ماجلة لأن البقالات العربية موجودة وفيها كل شي .

الجناط لاتكثرين مايسوى عليج يمكن تشترين مناك.

الدرجة السياحية وعلى الكويتية لازم.

سؤالي: انوا متواعدين مع مستشفى ولا جذي رايحين؟؟

لازم موعد الدكتور محدد من الديرة.

لاتعتمدين على فلوس العلاج لأنها راح تشمل كل شي (الفيزا ) لابد معاج.

التكاسي غالية وحطي بالج.
وجهزي حق الدوام احتياط وخليهم.

لاتنسين تاخذين كتاب حق دوامج وترى راح يخصمون عليج لأنج مرافق بس باللأقساط.

ولازم الأوراق (السفر ) كاملة.

محد مدح البقالات العربيه يقولون غاليه وايد اانا اخذت الاساسيات من اندومي وشوربه الشعريه ومعلبات وريلي يحن يبي العيش بس مو وايد بجيس الجمعيه بحط شويه وبهارات وخرابيط :bbbiu:

احنا لاندري اي مستشفى ولا ندري اي دكتور الدفاع هي تتفق مع كل شي شعرفنا
ليشششششش السياحيه ابي الاولى :lololoe:
لا والله مو معتمدين على الفلوس مجمعين انا وريلي من شهر 5 جم فلس
نقزر فيهم لانه بنتي رايحه على حسابنا بعد
شريت من مذركير العربانه الخفيفه اللى تتسفط حق ولدي وحده وبنتي وحده
انا قلت لريلي خل نقزرها قطارات وباصات يقول انصحوه ربعه يأجر سياره
ومادري محتاره
اليوم بروح السوق افصل عبايه وملفعها
الكتب بس تنزل ان مداومين بوديه للناظره
وان معطلين بروح بروحي المنطقه التعليميه اراكض فيها
اوراق السفر لما يسلمونا بشوف شنو يبون
واسوي ملف :016:

 

[الصابرة المحتسبة]

رد : العلاج بالخارج @@@@@@

ام عفاف حطي بالج لازم تعرفين المستشفى وتاخذين موعد علشان لا تبهذلون هناك وترى مو كلهم يحبون تكلمون انغليزي


والقطار أرخص .

 

[ام عفاف الكويت]

انا اتوقع احنا بالكويت وتبهدلنا
يوم الخميس يمر علينا اسبوعين
ولا حس ولا خبر
تعبت من النطره قمت احلم كوابيس

 

[كويتيه مزيونه....]

بنا هالمستشفى عجيييب بمعنى الكلمه انا تعالجة عندهم

تحسينهم بفهمون والله وتحطين ايدج بماي بارد وتسلمين نفسج وانتي مرتااحه

لانه صج يفهمون ومستحيل يسون لج شي الا واهما عارفين شنو اهوا وشنو يسوي

والحلو فيهم والله انهم صريحين يعني يعطيج دواء ويقولج يسوي جذي وجذي وجذي

وتعاااملهم يهببببببببببببل والله ولو واحد من الاطباء سوا غلط بسيط ينزلونه من الدكتور

ومرات يسحبون شهدته وتخيلي انتو شلون بيكونون والله والله بهالمستشفى

في وحده اجنبيه اسمها كاد اهي نفسيه للاطفال والله مره بدخلوني العناية وااهي ماسكه ايدي وتبجي

ومره والله قالولي بتردين الكويت طبعا عقب عناء كبير وعقب ما شفت الويل بس الحمدالله على

نعمته وله الفضل والشكر والله تخيلو انا طبعا من الفرحة بجييت بالعياده بأعلى صوت من الونااسه

والله ولا مسوين لي مفاجأه ودخلو علي ويغنون ويصوروني
وعطوني شهدة تقدير والكل موقعلي عليها وكاتبلي فيها كل الدكاتره اللي مرو علي والسسترات

والله ااه لو بوصف ما اوفي حقهم للمستشفى ونظاافه لا تسالين عنه

واللي تبي اي شي عن هالمستشفى ع الخاص او تبي سكن بهيوستن
او تأجير سيارت انا موجوده

#1 University of Texas M. D. Anderson Cancer Center, Houston 100.0 67.9%
#2 Memorial Sloan-Kettering Cancer Center, New York 96.3 65.9%
#3 Johns Hopkins Hospital, Baltimore 73.2 37.8%
#4 Mayo Clinic, Rochester, Minn. 61.5 26.0%
#5 Dana-Farber Cancer Institute, Boston 54.4 33.1%

 

[كويتيه مزيونه....]

رد: رد : العلاج بالخارج @@@@@@

يقلبي يابطة عسى ربي ياجرج ويلغج ببنيتج

انا رفضوا لجنة وليدي للعلاج في الخارج يقولون متوفر بالديرة اذا اهو معاق وعنده مشاكل والصاحي ما سلم منهم شلون المريض؟؟؟

حسبي الله ونعم الوكيل

يااااااي لا تذكريني طبعا كله متوفر بالكويت ما ادري وينه اللي يقولون عنه متوفر

ودي اشوفه بعيني اللي متوفر بالكويت


كله متوفر بالكويت اماانه مع احترامي للدكاتره الصراحه عطيني واحد منهم يفهم

بالدكتوره بس سكاتين وشايفين عمرهم

ومو الكل قلت مو الكل

بس الاغلب جذي خلينا انكون واقعيين

كله موجود بالكويت انزين يبو دكاتره سنعين

بدال الهندي اللي تيبونها بالمستشفيات واروح له

اقوله هاذا التحليل شلون زين يحرق براسه

ويقولي اقوي

وهو لا اوقي ولا هم يحزنون الحمدالله اني اعرف بهالسوالف

خبره

شفت الورقه ولا الكلى ناقصها سوائل واايد ومتأثره والدم ما ادري شفي

والكوريات نازله

اماانه هاذا دكتور يايبينه <<< بليييز خلها تكمل وطلع الحره اللي بقلبها


لا ولا مستشفى الصباح ااه يهالمستشفى
مستشفى الصباح لامراض الدم


امااانه دكتوره كويتيه وما راح اقول اسمها


تدرون شنو تقول انا ردلي المرض اوكي

واذا رد زراعة نخاع وماكو بالكويت

تدرون والله والله ما اجذب

اتقول للاهلي خلوها بالكويت لما اتموت

ولا تسفرونها يقولون لها شنو لما اتمووت انتي تعرفين شنو تتحجين

ولا تقول اي خلوها تموت خلاص ما لهاعلاج

جنه استغفر الله ربنا تقرر على كيف ابوهاا

ولما سأل خالي بأمريكا جزاه الله الف خير

ولا في زراعة نخاع

تخيلو والله تدرون شنو اتقول

اماااانه احلفكم بالله هاذي دكتوره فاهمه وعاقله

اتقول انا امي ماتت جدامي وعلاجهها ما في منه بالكويت

وماتت واهي اتلومني بعيونها ليش ما سفرتها وعالجتها بالخارج

احلفكم بالله هاذي دكتوره اماانه عليكم تكلمو بصراحه

شنو تتحجين انتي شنو خلوها لما اتموت

وما تسفر امها وتتباها اتقول لنا

امي ماتت واهي تلومني بعيونها ليش ما سفرتها لانه علاجها مو موجود بالكويت


ااااااااخ والله خليتوني اطلع اللي بقلبي جزاكم الله خير

والله اهم خلهم يحطون لنا دكاتره زينين

وسسترات سنعين

مو انا تعبانه وميته من الالم وابجي

تصرخ علي على بالها اشتغل عند ابوها

وتقولي لا يصرخ بتعطيني ابره وانا جسم كله الم وعوار

وتعصب وتتركني وتروحح


ويقولن العلاج موجود بالكويييت ااااه اااه اااه


بس​

 

[الصابرة المحتسبة]

رد : العلاج بالخارج @@@@@@

يا ياكويتية الله يلوم اللي يلومج

ومايحس بالمشكلة الا اللي مار فيها وعايشها يارب تشفي مرضانا ومرضى المسلمين

 

[كويتيه مزيونه....]

اي والله انج صااجه

اممممين يااااارب

 

[كويتيه مزيونه....]

بنات 150 يورو

جم كويتي؟؟