ابى احسن دكتور للاذن ضرورى

[حضن امى]

هلا فيكم اخواتى
ابى دكتور متخصص للاذن لان بنتى حيل تأذت منها
ورحت وديتها الصباح لان متخصصين بالاذن يقولى الدكتور مافيها شى البنت تصيح ويطلع مثل الغى وماى منها يقول شى طبيعى صارلها الحين اكثر من سنه وهى تتعذب
ابى دكتور شاطر ومتخصص ويفهم
وموفقين ان شاء الله

 

[كويتية ونعم]

عندك الدكتور عبدالله العلي يمدحونه والله يشافي بنيتك

 

[حضن امى]

رد : ابى احسن دكتور للاذن ضرورى

اختى دكتور عبدالله مواعيده بالاشهر
انا ابى اوديها باجر

 

[♥MaSteRiyA♥]

رد : ابى احسن دكتور للاذن ضرورى

حبيبتي آنا ولد خالي عمره أقل من سنتين.. كان متلعوز مسكين بأذنه
فودوه عند دكتور اسمه البوز شي جذي.. سواله عملية ..هالحجي قبل سنة
والحمدلله الحين مرتاح ولد خالي..
وااااااااايد شاطر الكل مدحه لنا...
وحتن بنت اختي حق لوزها..
ودوها عند نفس االدكتور.. عجيييييب..
اهوا عنده عيادة... وان شالله باجر أييب لج اسمه بالضبط اذا تبين حبوبة..​

 

[حضن امى]

رد : ابى احسن دكتور للاذن ضرورى

وين عنوان الدكتور او رقمه
وجزاج الله خير

 

[♥MaSteRiyA♥]

رد : ابى احسن دكتور للاذن ضرورى

حبيبتي..
جيكي عالخاص..

وبليييييز يالغالية طمنيني على بنتج اذا رحتي
وما تشوف شر ان شالله ^_^​

 

[دلولي]

بنات كتبو على العام الرقم انا بعد محتاجته

 

[حضن امى]

رد : ابى احسن دكتور للاذن ضرورى

حبيبتي..
جيكي عالخاص..

وبليييييز يالغالية طمنيني على بنتج اذا رحتي
وما تشوف شر ان شالله ^_^​

ماقصرتى اختى
والله يسعدج ويهنيج ويحقق اللى تتمنينه
واللى تبى رقمه هو الدكتور محمد البوز عند بوشهرى كلينك اللى بالسالمية
ورقمهم 1885544 والداخلى116
وان شاء الله باجر الصبح اتصل لانه اليوم تقولى بس خلاص مليت من اذنى شنو اسوى :0bee2e8d89:
الله يعينها مسكينه
وموفقه اختى

 

[♥MaSteRiyA♥]

رد : ابى احسن دكتور للاذن ضرورى

ماقصرتى اختى
والله يسعدج ويهنيج ويحقق اللى تتمنينه
واللى تبى رقمه هو الدكتور محمد البوز عند بوشهرى كلينك اللى بالسالمية
ورقمهم 1885544 والداخلى116
وان شاء الله باجر الصبح اتصل لانه اليوم تقولى بس خلاص مليت من اذنى شنو اسوى :0bee2e8d89:
الله يعينها مسكينه
وموفقه اختى

"دلولي" كتبته أختي "حضن أمي"
والله يشهد ان الدكتور شااااااااااطر..
تخيلو.. سوا عملية حق ولد خالتي وهو عمره سنتين
وماشالله الحين ولد خالتي الله يخليه مرتااااااااح و كللش ما قام يبجي مثل أول..

مانبي الا الدعاء..
وطمنوني بليز حبيباتي

الله يسهل عليكم :sfg:​

 

[حضن امى]

رد : ابى احسن دكتور للاذن ضرورى

انا اتصلت تقولى لازوم موعد اقولها بنتى حيل تعبانه تقولى تعالى بس نطرى وبصراحه رحت لهم اليوم اولا انا طلعت من البيت الساعه 8ونص والله ماتصدقون ان الزحمه من اليرموك حتى اخر السالميه وكان فيه حادث وصلت لها تقريبا 9 نص بالليل تقول السكرتيرة مااقدر استقبل احد لانه دورانزين وين الناس مااشوف الا 5 اشخاص فى العيادة وين تقولى العياده زحمه وحاولت معاها تقولى نطرى يمكن تدخلين ويمكن لا
يعنى انطر ساعتين او3ساعات واخر شى يمكن ادخل ويمكن ماادخل بصراحه حيل ماعجبنى اسلوبها
وقلت لها انا عندى حاله خاصة وعندى ضروف ابيك تساعدينى والله العظيم عندى ظروف خاصه مااقدر اروح وارجع مره ثانيه وحتى قلت لها ظروفى المفروض على الاقل تحاول
عموما بشوف باجر وبروح لها الساعة 7ونص على كلامها الظاهر راح اخذ فطورى معاى والشاى والقهوة
ومشكورة اختى وبارك الله فيك والله يكثر من امثالج

 

[♥MaSteRiyA♥]

رد : ابى احسن دكتور للاذن ضرورى

ومشكورة اختى وبارك الله فيك والله يكثر من امثالج

فديتج يا قلبي مشكورة..

بس حبيبتي ما عليه..
يمكن صج كان في ضغط..
خصوصا ان الدكتور شاطر..
تلقين وايد عنده مواعيد..

روحي أبجر يالغالية.. عشان بنتج.. والله لو آنا منج..
أروح هناك أتفطر.. ولا ألقى بنتي بهالحالة..

تدرين شنو عوار الأذن يذبح..
والله يشهد لو مو قلبي معورني على بنتج.. ما كنت اهتميت

بس ما عليه حبوبة.. أهم شي الدكتور.. مالج شغل بسكرتيرته

والله يشافيها يا بعد قلبي..
طمنيني عليها بليز..
ترا آنا رايحة رادة على هالقسم بس عشان موضوعج ^_^​

 

[حضن امى]

رد : ابى احسن دكتور للاذن ضرورى

هلا فيج اختى
امس رحت من الساعه 7ونص انا عندهم
تصدقين انا رحت مبجر قلت احسن اول وحده علشان ادخل ولا ماشاء الله فيه ناس قبلى
ضحكت من قلبى قلت يمكن موصايمين وانا متعوده لازم القهوة والشاى اشربهم علشان الصداع
المهم دخلت على الدكتور وكان قمه فى الاحترام
وشاف بنتى وقال التهاب فى الاذن الخارجيه وسوالها سونار بأذنها وقال هذا من كثر ماتنظف اذنها بنتى ذابحتها النظافه ههههههههههه
ويقول جارحه اذنها فى اظافيرها عطاها قطره ومظاد حيوى ودهان
والحمدلله على كل حال
مشكووووره يالغاليه شكر خاص لج انتى
والله يحقق اللى تتمنينه ويبعد عنج الشر
ويسخر لج عبيده اللهم امين

 

[♥MaSteRiyA♥]

رد : ابى احسن دكتور للاذن ضرورى

هلا فيج اختى
امس رحت من الساعه 7ونص انا عندهم
تصدقين انا رحت مبجر قلت احسن اول وحده علشان ادخل ولا ماشاء الله فيه ناس قبلى
ضحكت من قلبى قلت يمكن موصايمين وانا متعوده لازم القهوة والشاى اشربهم علشان الصداع
المهم دخلت على الدكتور وكان قمه فى الاحترام
وشاف بنتى وقال التهاب فى الاذن الخارجيه وسوالها سونار بأذنها وقال هذا من كثر ماتنظف اذنها بنتى ذابحتها النظافه ههههههههههه
ويقول جارحه اذنها فى اظافيرها عطاها قطره ومظاد حيوى ودهان
والحمدلله على كل حال
مشكووووره يالغاليه شكر خاص لج انتى
والله يحقق اللى تتمنينه ويبعد عنج الشر
ويسخر لج عبيده اللهم امين

وااااي حبيبتي.. ما تصدقين شكثر استانست لما قريت ردج ^_^
الحمدلله اني قدرت أساعدج... أحس بوناسة مو طبيعية :ggdw:

وما تشوف شر بنتج الأمورة ان شالله.. ويارب تشوفينها متهنية
ومرتاحة طول ما انتي عايشة ^_^
الله يخليها لج و يخليج لها يا رب

ادعيلي حبوبة
ما نطلب الا الدعاء​