شلت التقويم بس النتيجه موعاجبتني في احد مثلي والا لأ

[ابيك وماابيهم]

مساء الخير


بنات قبل يومين شلت التقويم بس النتيحه مومثل ماتوقعتها
اول شي احس اسناني اللي تحت داخلين لي داخل وفكي اللي فوق وايد صغر عالاجناب مادري اذا فهمتو قصدي ولالا
وتحسفت لاني حطيت تقويم ودي يرجعون مثل قبل
وانا باجر بحط الرتينر اذا ماحطيته يردون مثل قبل ؟؟

وثاني شي الخطين للي من الخشم لي الحلج برزوا اكثر قبل ماكانو يبينون

 

[ii DareeN ii]

رد : شلت التقويم بس النتيجه موعاجبتني في احد مثلي والا لأ

وايد ماعجبتهم نتيجه التقويم نطري استخدمي الرتينر وشوفي شيصير وياج وكلمي طبيبج انا اختي حطت التقويم مرتين وليلحين مو عاجبتها النتيجه

 

[MiṦs ♥ fĩẍ]

اذا ما حطيتي الريتينر راح يردون نفس قبل بس انتي قولي حق الدكتور ان مو عاجبتج النتيجة يمكن يقدر يساعدج
انا عن نفسي لما شلت التقويم اللثة اختربت حييل كل يوم تلتهب و اللحين بعد يبون يقصونها وايد تعبتني
ضروسي زين تعدلوا بس صاروا بسرعة يسوسون و لونهم تغير

 

[Turquoiseya]

ابيك وماابيهم

وين حاطة تقويمج حبوبة؟
والله قمت اوسوس، لاني توني حاطة تقويم بعد

 

[$الـــحـــلاوه$]

رد : شلت التقويم بس النتيجه موعاجبتني في احد مثلي والا لأ

اسالي دكتورج
بس ماقلتيلنا وين مركبه تقويمج؟

 

[الفراولة الوردي]

وين مركبة تقويمج؟؟؟؟؟؟

 

[ابيك وماابيهم]

بنات اي بعد تذكرت اللثه عالجوانب نازله ترجع والا لأ ؟
وانا مركبه تقويمي بمستشفى السلام عند دكتوره هنديه
واذا قتلها النتيجه مو عاجبتني تقدر تحطه لي مره ثانيه يعني وبلاش ؟

 

[Turquoiseya]

ابيك وماابيهم

والله مادري والمشكلة ان هني بالكويت مافي شيء اسمه ابلاش
انتي روحي وانفشيها شوي، يمكن اتخاف وتحل المشكلة

تدرين الحمدالله اني ماركبت عندهم، كنت ابي الانفيزيلاين اسويه عندها
بس الرسيبشن عيوا يعطوني السعر، قعدت اقول لهم ابي اعرف كم تكلفته بس علموني اقصى شيء بالتكلفة ؟
كان يرفضون يعلموني وقالوا لي دشي استشارة وبعدين اهي اتحدد لج القيمة
اهني ما ارتحت لهم كلش، في احد يعرض تقويم بدون تسعيره!

 

[مذهــلــه]

الله يستر والله

يمكن شادته زيادة عن اللزوم

مادري والله قوليلها يمكن تفيدج

بالنسبة للون واللثة شي طبيعي يتأثرون

أنا اسناني حسيتهم صاروا صفر ولثتي تعورني بس اعطاني الطبيب جل مهدئ ومعجون خاص للثة

 

[MiṦs ♥ fĩẍ]

بنات اي بعد تذكرت اللثه عالجوانب نازله ترجع والا لأ ؟
وانا مركبه تقويمي بمستشفى السلام عند دكتوره هنديه
واذا قتلها النتيجه مو عاجبتني تقدر تحطه لي مره ثانيه يعني وبلاش ؟

مابي اخرعج بس انا لثتي نفس الشي اللحين شلت التقويم خفوا شوي بس وايد تلتهب و تعورني قالولي لازم اتقصينها و انها ماثررة على اسنانج الثانيه و حجي وايد بس انا ليما الحين ما سويتها حدي خاايفة بس مو شرط يصيرلج جذي انشاءالله يردون طبيعين .

انا مركبه عند نفس الدكتورة بس ما اعتقد اتحطه ببلاش انت سأليها .

 

[ابيك وماابيهم]

مشكورين بنات

انا عطتني الجل حق اللثه واليوم بتعطيني الريتينر
وماسمعتو عن جهاز توسيع الفك ؟؟

ابتسامه للجميع
متى شلتيه وشكثر ظليتي فيه
ومارديتو علي بخصوص الخطوط جنه عمري 30 واااااااضحين تكفون شلون يروحون

 

[MiṦs ♥ fĩẍ]

انا حطيته سنه و 9 شهور و شلته صارلي 6 شهور و الجل ضروري تستخدمينه عشان يخف انتفاخ اللثة

جهاز توسيع الفك ما سمعت عنه و الخطوط سألي الدكتورة عنها ما عندي فكرة عنها

 

[Dreams Of a girL]

رد : شلت التقويم بس النتيجه موعاجبتني في احد مثلي والا لأ

والله حتى انا سويت تقويم وماعجبتني النتيجه ولعلمج
انا حطيت المثبت حق الاسناان ومانفعني بشي
هذي اهم ردو مثل قبل
وابي ارد احط مره ثانيه تقويم

 

[@@@ام حمووودي@@@]

وانا بعد شلت التقويم ...................والنتيجه موووووووووعاجبتني

شكلي بعيد التقويم مره ثانيه

 

[~احلامي~]

مشكورين بنات

انا عطتني الجل حق اللثه واليوم بتعطيني الريتينر
وماسمعتو عن جهاز توسيع الفك ؟؟

اول مره اسمع فيه .. بس عسى بس مايكون عمليه ؟!

 

[@@روح الورد@@]

امبييييييييييييييييييييييييية بروحي خايفة وانتم تخرعون صج امبية شسوي شكلي ماراح احط خلاص

 

[ستروبريه]

انا نفس حالتج حطيته وكللللللش ماعجبتني النتيجه ولازم مره ثانيه اراجع

 

[MiṦs ♥ fĩẍ]

امبييييييييييييييييييييييييية بروحي خايفة وانتم تخرعون صج امبية شسوي شكلي ماراح احط خلاص

لأ حطي مو شرط ما تعجبج النتيجة بالعكس لا تخافين ما يخرع بس حطيه بمكان زين لأن بعض العيادات ما يعرفون يحطون و الحكومه تعطي المواعيد كل 4 او 5 شهور و اهو لازم كل شهر و لا تحاتين .

 

[صدى الوحدانية]

أمبية توني حاطته تقويم واسناني عادية مو محتاجة تقويم حييل خرعتنوني


بس شفت ناس واااجد تهبل النتيجة مغيرتهم من شاان هيك تشجعت ؟!

 

[توفـــا]

انا ودي وما ودي احط الله يستر شكلي ترددت اكثر من قبل :\