لي متى هالتفكير الخايس !!!!!

[عادت ذكرياتي]

صح آنا معاج والناس اللي تفكيرهم جذي ناس مرضى
موشرط العيب بالمطلقة ومو شرط العيب بالطليق يمكن ما صار بينهم نوافق بالعشرة وهذا اللي تعلمناه من دكاترتنا ومن أهلنا
والبنت وتفكيرها يعكس تربية أهلها لها فاللي تفكر بأن المطلقة فيها عيب أو ... إلخ فهذي متخلفة وأهلها كذلك
والتعميم لغة الحمقى
وأعرف وحدة كانت بس تشمت بالمطلقات والله العظيم وألحين تطلقت حى إنها دايما تقول أكيد تطلقت عشان اللي سويته ببنات الناس وكنت أتحجى عن المطلقات...
سوري عالإطالة خخخخ

 

[طواري لـ((العنقا))ـيل]

هلا العوبه حياج الله

ولاتضايقين ولاشــــــــــي انا معاج بكل كلمه قلتيها وترا هالشي موجود اكثر بمجتمعنا يالبدو اكثر


سبحان الله الحين المطلقه حتى اللي معاي بالدوام يقلب وجهها الوان لما يسألونها متزوجه .؟ تقعد تـ تـأتـأ وتقول لا منفصله ؟! حتى الكلمه غيروها عندها انها لاقالت مطلقه كنها تقول داشره استغفرالله


والله يكسرون خاطري خاصه ان حاليا ماكو عايله معاد فيها مطلقه او 2 او حتى 3


بقولك موقف صارلي قبل يومين



تخيلي حماتي مطلقه وكان عندنا غدا وجاو حريم شكثر وانا مااعرفهم بحكم اني توني عروس جديده فـ كانت فيه وحده تسولف وماكله الجو حبوبه لولا لسانها وعوابتها ههههه المهم اطلعت بنت عم حماتي وزوجي كان كل موضوعها عن المطلقات والمطلقه تستاهل ماجاها
والمطلقه العوبا ودك ربي يخفس فيها و و و و و و المهم وحماتي العوبا اللي مطلعه عيني ولسانها يلوط اذانها كلت هـــوا واقعدت بالزاويه !!

عاد انا تـــــــــــــالي دريت ان هذي بنت عمها واخت اللي مطلقها يعني حماتها سابقا" !!!

يمه يمه يـــــــمه وربي الحريم يخرعون خلتها تلبخ بمكانها بس والله اكسرت خااااطري يعني سبحان الله كل قوي فوقه اقوا


وبالنسبه لسؤالج ان فيه حريم مايبون كلمة مطلقه


فأنا اقولج ايه والله فيه وفيه وفيه وياااااكثرهن بمجتمعنا خاصه اذا عندها عيال تحط عذرها عيالها وماراح الومها شتبي ترجع للاخوان وحريم الاخوان خاصه اذا عوب او والدينها متوفين فـ تتحمل الظيم على بيتها احسن من بيت اهلها


بس بقول شغله للي تعاير المطلقه ترا ربي بدقيقه قادر انه يحرق قلبج ويخليج مثلها


والله يوفق كل مطلقه ويوعوضها خيــــــــــــــــــــر



واسفه ع الاطاله

 

[سيدة الذوق]

في بنات عادي يتحلمون عشان ماينقال عنهم مطلقه

ماقول الا الله يهدي النفوس ويريح بالهم ان شالله

 

[انتظر حبه]

رد : لي متى هالتفكير الخايس !!!!!

الطلاق موعيب اوحراام
وانا اشوف المطلقاات الحيين مظلومات علي بونها مطلقه خلاص ماتعيشس حياتها
بالعكس انا مع اشتياق بان المطلقه انسانه قويه اختارت حياتها بدل ماتعيش بالهم
وبصراحه اكثر سبب الطلاق الرياييل يانه خاين يامقصر علي المراه لا وعلي اسباب تافهه
وهذا يرجع لتربيه اللي حطو كل السبب علي البنات والريال لا لوطلق 4او5 مررات عادي يزوجونه
المفروض تعلمونه المسئوليه وان بناات الناس مولعبه ياخذ ويطلق
وان شاء الله يرزق كل مطلقه بالزوج الصالح ويرزق حماااتي تستااهل بنت الحلال ادعولها

 

[حبيبة ماماتي]

بصرراااحه خووووش موضوع ووايد أثر فيني لأن هالشي وايد ينطبق علي انا متزوجه وشايفه الوييل والهوايل ويغيرت 360 درجه عشان ارضي هالريل بس مافي فايده وكل مرة اقول خلااص بتطلق مابيه اهلي يقنعوني اني اعطيه فرصه واعطيه هالفرصه بس يطلع آخر شي مو كفو ... واسكت لأن مجتمعنا حاط فترة المظلقة نقطه سووووووووووده بالمجتمع مايدورون عالاسباب اللي أدت إلى الطلاق وكل المرا اللي فيها العيب واهي اللي ماعرفت للريال ولا عرفت تشكله ولا عرفت تغيره .. اي لو ريال عقله ومخه طابوق ماقدر اكيد اني اغيره وبالذات اذا كان يرافج خمه عزكم الله يعني عليه العوض مافي فايده والمشكله الاكبر والاخطر اذا عندها ياهل الله يعيييييينها .. انا اقولها بصراحه ومااقص عليكم انا متحمله وساكته عشان اهلي عندهم صعبه موضوع المطلقه ومو عارفين ان الله حلل هالشي اذا ماكان في استقرار ولا راحه بس الناس عقلهم على قدهم يشوفون الللي يبونه واللي مايبونه يعطووونه طاااف والخوف دايم من كلاام ا لناس ... ولأن جد جد جد ابليس قادر يلعب بعقل الناااس وخصوص اللي نفس حااالتي بسبب الضغط يسوون اي شي استغفر الله بدون وعي وانا كنت منهم وحمدلله عدت على خير لأني وانا عرووس توني ماصارلي شهر كان سهران برا واول ما راد ياااله مسج انا قريته وانصدمت غير جذي جكيته يخوووني وااايد بالفون والنت وبالمسن وقريت كل شي وبعز ماكنت انا متضايقه وتعبانة نفسيا بسبب تأخر الحمل كان يقول كلام حلو وحب لغيري غير جذي يصرف عليهم ويقصر معاي تكفون بنات ادعووولي الله يفكني انشالله ويريحني ويحقق اللي فبالي يا رب ... سامحوني ادري طولت عليكم

 

[حصووونه]

تصدقين ان في بنات يستحون يقولون مطلقه لي نشدتيها عن حالتها الاجتماعيه تقولج منفصله يعني تطورت الكلمه بعد
باللنسبه لي انا تطلقت عادي من قبل فعادي ماعندي بعبع الطلاق وبجماعتنا بالعكس المطلقه يقوم سوقها وماعندنا معامله زفت للمطلقه بالعكس تشيخ عند اهلها ويعزونها ويرزونها ياربي لك الحمد.

 

[حبيبة ماماتي]

رد: رد : لي متى هالتفكير الخايس !!!!!

الطلاق موعيب اوحراام
وانا اشوف المطلقاات الحيين مظلومات علي بونها مطلقه خلاص ماتعيشس حياتها
بالعكس انا مع اشتياق بان المطلقه انسانه قويه اختارت حياتها بدل ماتعيش بالهم
وبصراحه اكثر سبب الطلاق الرياييل يانه خاين يامقصر علي المراه لا وعلي اسباب تافهه
وهذا يرجع لتربيه اللي حطو كل السبب علي البنات والريال لا لوطلق 4او5 مررات عادي يزوجونه
المفروض تعلمونه المسئوليه وان بناات الناس مولعبه ياخذ ويطلق
وان شاء الله يرزق كل مطلقه بالزوج الصالح ويرزق حماااتي تستااهل بنت الحلال ادعولها

معااااااااااااج 100/100 كل يقولون عادي انا ريال وشايل عيبي وآخذ بدالج 2 و3 مايفكرون لو وحده من خواتهم يصيرلها نفس الموقف شنو شعووره ومايدري ان الدنيا تدوور وكما تدين تدان عباله بنت الناس نفس التي شيرت او دشداشه يلبسها و يقطها بأي وقت .... وغلط غلط غلط كله من الاهل مفروووض لما يقول الواحد ابي اتزوج يكون عارف ان الزواج مسؤوووولية مو بس لعب وعبط صح كلامي ولا انا غلطانه 80/100 الغلط من الاهل

 

[Hello_kitty]

خووووش موضوووووووووووع

حبيبتي الطلاق مو عيب ولا عار ولا جريمه ولا فضيحه عشان ننحرج او نخاف منه شي حلال وربي شرعه رحمه في زواجات افضلها الطلاق من الإستمرار

وبنات الحمايل والناس السنعه واللي تعبانين على بناتهم ما يرضولهم الذل والظيم والإهانه علشان ما تتطلق!! خير يا طير
تتطلق وتعيش معززه مكرمه في بيت اهلها ولا عند واحد قذر حسره وقهر ليل ونهار علشان الناس وكلام الناس!!!

وبعدين نظره الناس للمطلقه اشوفها الحين وايد تغيرت الناس فهمت ووعت وتغيرت الخين الطلاق انتشر وما في بيت الا وفيه مطلقه
والمجتمع بدا يتقبل حتى زواج الولد اللي ما سبق له الزواج من بنات مطلقات عادي

ويكفي فخرا ان الرسول صلى الله عليه وسلم زوجاته كلهم ثيبات ما عدا السيده عائشه رضي الله عنها هذا حق اللي يتمسكون بالدين
والسنه وحالتهم حاله يقتدون بالرسول خير الخلق وخير الرجال اللهم صلي وسلم عليه

واللي تتشمت وتعاير وتجرح ترى الدنيا سلف ودين ومحد ضامن ان حياته الزوجيه تستمر حتى لي باجر او ما تكون نهايتها طلاق!!

وعسى الله يجبر بخاطر كل مطلقه انظلمت ويعوضها ربي خير

 

[đeɱɛɼɑ™]

صااااااااجه ـ
واايد مواضيع هني تشوفين المتزوجة شايفة الضيييم والظلايم
و يقولون لها ميخالف كل شي و لا الطلاق @@
وياويلها ويا سواد ليلها اللي تنصح بالطلاق < يقولون عنها خرابة بيوت
انزين وربج لييش حلل الطلاق .. صح اهو ابغض الحلال بس حلاااااااااااااااااااال !!
يحرمون ما حرم الله :/

اصلا بالاسلام اذا حتى الوحدة موو طايقة شكل زوجها ومتقبلته
تقدر تطلب الطلاق .. وصارت حادثة مشابهه ايام الرسول صلى الله عليه وسلم

ليييش نجبر الوحدة تعيش مع واحد سكير نكير خوان حتى صلاة ما يصلي
وهم البنات يقولون لها صبري !
العمـــــــــــر وااااحد ليش تعيش هالعيشة @@
شخصيا ً اعرف بنات تطلقوا
وخذوا ريايييل مسوينهم يا دهينه لا تنكتيين لا وبعد الريال تكون هذي اول زيجة له
الله يتمم عليهم ان شاء الله ويسعدهم

فـ ياريت هالنظرة الدونية للمطلقة تتغيــــــــــــر
بالنهاية اهي بشر عندها احسااس وكرامة

 

[حبيبة ماماتي]

تصدقين ان في بنات يستحون يقولون مطلقه لي نشدتيها عن حالتها الاجتماعيه تقولج منفصله يعني تطورت الكلمه بعد
باللنسبه لي انا تطلقت عادي من قبل فعادي ماعندي بعبع الطلاق وبجماعتنا بالعكس المطلقه يقوم سوقها وماعندنا معامله زفت للمطلقه بالعكس تشيخ عند اهلها ويعزونها ويرزونها ياربي لك الحمد.

صح كلامج في ناس تعزز بنتهم وترززها بس يتضايقون لما بنتهم ترد مطلقه مهما كان انا قاعده عند اهلي من قبل ما اولد :eh_s(11): وحمدلله مو مخلين علي قاصر انا وولدي بس يتضايقون من وضعي اني قاعده جذي ما متزوجه ولا منفصله.. والبلوة اهو مايبي يطلق شنو الحل؟ :s141:

 

[ديانا سبنسر]

صح لازم نغير نظرتنه للمطلقات ووايد بنات يتعذبون من ازواجهم بس يتحملون علشان لاتصير مطلقة

 

[هنـــــد]

رد : لي متى هالتفكير الخايس !!!!!





الطلاق : حل !
أما الاستمرار في حياة فاشلة هو اساس المشكله
ومو عيب ان الوحده تتطلق .. اذا ربي كاتب لها نصيب بتتزوج غيره
وتنسى حياتها الاوليه وتبدأ من جديد

 

[" غـادهـ "]

رد : لي متى هالتفكير الخايس !!!!!




إي والله صاجه وربي هالتفكير قمة التخلف قطع ..


ساعات يكون الطلاق رحمه للوحده من حياة الظيم بس منو يفتهم الحمدالله والشكر ..


ولا تروحين بعيد أكو وحده معانا بالمنتدى أشهر من نار على علم ما بي أقول أسمها وكل يومين منزله موضوع تتشكى فيه جنى الفرج بإيدينا الله يفرجلها إن شاءالله ويفتح على قلبها ..



وااااااي عايشه بجحيم ومرمطه وضيم ومع هذا صابره عشان ما ينقال عنها مطلقه لدرجه حتى زوجها ملاحظ أنها خايفه يطلقها وااااااااااااي تبط جبدي بسذاجتها وسلبيتها !؟



بذمتج هذا تفكير !؟


آنا بنظري إلي هذا حدود تفكيرها نظرتي لها إنسانه تافه ومعدومة الثقه وما تحب نفسها موووووووووووليه ..


وبالنسبه لنظرة الناس الناس ما يعجبها العجب عادي هذا طبع متفشي مو أمس ولا اليوم ..


وبعدين إذا بتسمعين للناس الناس على اتفه الاسباب تعلق وتنتقد صح وإلا غلط !؟


آنا إلي باط جبدي بهالموضوع الزوجه وتفكيرها بالطلاق اذوق الضيم إي أتطلق لااااااااااااااااا !؟

 

[لوازم العائلة]

رد : لي متى هالتفكير الخايس !!!!!

ماعتقد انه النظره الدونيه للمطلقه لحد الحين موجوده
وبالنسبه للشرف ياما بنات بكر وحريم متزوجات يخربطون وياما مطلقات شريفات يعني الشرف مو حكره عالمتزوجات
المطلقه اخت وام وصديقه لنا وكونها صارت مطلقه فهالشي نصيب وكتبة ربنا لها مثل ماربج كتب لغيرها انها تتزوج ولا ماتتزوج او تترمل
يعني هالشي موبيد الانسان وجد اكثر شي ايضايقني لي عيبوا على وحده وقالوا لها يالمطلقه
حسبي الله ونعم الوكيل

 

[(m & m)]

كلامج عين العقل و تعجبني وايد طريقة كتابتج ما ادري ليش احس جني اسمع صوتج وانا اقراا ,,, <<اشرايج بالهلوسات تالي الليل خخخ

 

[لوازم العائلة]

رد : لي متى هالتفكير الخايس !!!!!

بنات اتبون اقولكم على شي يمكن تستغربون منه وتضحكون عليه
انا لما اعصب حيل من ريلي اقوله طلقني تدرون شنو رده علي ليش علشان تتزوجين غيري عاد انا عووووووووبه(سوري يالعوبه بقت نك نيم مالج)
ارد عليه اي حبيبي اتزوج ليش تبيني اعيش على دكراك هين ان ماخلصت العده وطرشتلج بطاقه دعوه لعرسي ماكون بنت ابوي
ليش شقاصرني جمال وشهاده وبنت عايله طبعا بعد هالرد لاتشوفون ويهه يكسر الخاطر لووووووووووووووووووووووول

 

[احلى ـآ وحده]

بعض المرات يكون الطلاق راحه .. بس اكيد انه مو شي عيب ..

 

[مذهــلــه]

الكل معرض لنفس هالوضع

حرام الشماتة او النظرة الدونية للمطلقات

 

[جوري 2007]

حبيبتي هالكلام ماينقال للبنات

هالكلام ينقال لاهل هالبنات المساكين

الاهل اهما المشكلة الكبرى

مافي ابو يبي بنته تتطلق آل ايه كلام الناس

والبنت اهية المظلومة الاولى والاخيرة

الله المستعان

بس ترى وين اول ووين الحين

الحين الوحدة تتطلق واهية رافعة راسها مو اول

 

[الغاليه نونو]

اصابعج الخمسه مو سوي يمه

بنات الحمايل فيهم اللي تصبر علي غثا الريال وتحتسب الاجر وتقول ربي سبحانه مابتلاني بهالريال الا لانه يحبني وبيشوف صبري علي هالبلاء وفيهم اللي تقول لا والله لاماني مجبوره اصبر والطلاق يكون لها الحل

والمصيبه الاكبر اذا الخاله اكرهت الجنه والريال يبي رضا امه عليه وخيرته يطلق مرته والا تحرم عليه حليبها اللي ارضعته اياه لي يوم الدين بهالحله تتطلق المره ظلم واللي اظلمتها خالتها ام ريلها

والطلاق اسبابه وااايده بس المجتمع ونظرته للمطلقه مادري متي بتتعدل لي اسمعوا فلانه مطلقه ياكااافي الشر جنهم سامعين بعزرائيل يايهم


المشكله بالنااااااس مو بالطلاق لوهو حرام جان ماانزلت سوره بالقرآن اسمها الطلاق بس وين اللي يفهم