تجمع مسافرات لندن في صيف 2010

[mr000]

أهلين مس بريتش اشلونج..والله اكسفورد متروس ناس..يلا ملينا واحنا ننطر هالسفره:lkmnkl:

 

[mr000]

شوفوا هذا توه واصل فريش من ماتالان http://www.matalan.co.uk/fcp/departmenthome/dept/ladies?cmpid=EMC_AUGMAILER_190810_LADIES

 

[costa chic]

وينكم لندنيات
التجمع فاااضي

 

[costa chic]

اهلين كوستا شخبارج وشخبار استعدادج للسفره انشالله

انا بخير دامج بخير
بالنسبه حق الاستعدادات كل شي تمام بس شكلي بتوهق الجو بارد

 

[costa chic]

أهلين مس بريتش اشلونج..والله اكسفورد متروس ناس..يلا ملينا واحنا ننطر هالسفره:lkmnkl:

لااااا ما بقى شي الايام تركض

 

[mr000]

هذي ملابس اليهال..والله أسعاره رخيصه وفيه شغلات حلوم..مثل البوت الوردي آنا شاريه نفسه العام من نكست ب9 دنانير وهني ب8 باونداتhttp://www.matalan.co.uk/fcp/catego...rrivals?resetFilters=true&wc=dept&parent=kids

 

[mr000]

كوستا آنا هم شكلي بتوهق مثلج ...القمصان اللي شريتهم كلهم صيفي

 

[costa chic]

ماكو الا نشتري مره وحده من هناك
شريت العربانه الي فيها جنطه شنو وضعها ؟ لان جنه ما يدخلونها بالطياره

 

[om l3yal]

اسلام عليكم
شلونك لندنيات ولهت عليكم واااااااااااااايد
واشكر كل من سأل عني فردا فردا بدون ذكر اسماء
هلايام والله من اصلي الظهر اطلع اقضي باجي الأشياء اللي ناقصتني حدي مشغولة بس أشوة أمس خلصت كلشي تدرون بنتي بتدخل الجامعة وانا بنتي عسرة باللبس وعشتوا مايقة يعني اللبس اللي تلبسه ماتحب تكرره وهذا اللي باط جبدي فيها والكبت الحين بينفجر وماعند مكان أحط الملابس مادري شسوي وقاعدة اركب لها قمصان وبديات على ملابسها بس الحمدلله امس خلصنا باجي جم قميص ألوانهم من المستحيل احصلهم جاهز فقلت لازم خياط
سكتوا بنات شفتوا العذر اللي جوجوا قالت حق ريلها انها بتسافر علشانه ( القميص المفقود ) امس دقت تتهمنا ان احنا ماخذينا بس اشوة مقاس اللي عندنا اصغر من مالها
وعلى سالفة سفرتها قلت شسوي انا دايما جذي اضحي علشان الناس وقلت ميخالف خل اوخيتي تروح تتونس وتتسوق وتييب لنا أمس بتي تقول لها خالتي انا مابي من بريمارك اضحك عليها طبعا الحين بنتي واختي يتآمرون علي بكل شي

 

[om l3yal]

ماكو الا نشتري مره وحده من هناك
شريت العربانه الي فيها جنطه شنو وضعها ؟ لان جنه ما يدخلونها بالطياره

حطيها داخل جنطة ملابسج
كوستا شلونج

 

[costa chic]

حطيها داخل جنطة ملابسج
كوستا شلونج

هلا حبيبتي انا بخير الحمد الله
انتي شلونج ؟ عاش من شافج

 

[om l3yal]

ويييييييييينكم وتقولون ليش ما اشبك من ادش انتو تطلعون شسوي وبالليل الانتر نت عندي يلوع الجبد امس دقت جوجوا قالت البنات يقولون شبكي بس الانتر نت لوع جبدي حده

 

[mr000]

هلا والله أم العيال..يالله معذوره خلصي شغلج قبل العيد والمدارس تالي..كوستا مثل ماقالت ام العيال حطيها بجنطة السفر..آنا العام لما رديت كنت يايبتها معاي المطار فيها أغراض علبالي يدخلونها الطياره بس قالوا مايصير فطلعت الاغراض اللي فيها وحطوها بالوزن..بس وصلت متوصخه ومنلعن خيرها..ألحين بشوفها أذا تصلح آخذها وإلا أشتري غيرها لما أوصل..

 

[mr000]

ام العيال ىنا موجوده لي نص ساعه تقريبا..وبروح انام..شسوي آنا مواعيدي غيركم..أقعد من ال10 ونص مع أني أنام بال4 ونص عقب الصلاة..فحدي دايخه ألحين

 

[mr000]

كوستا والله آنا أشوف الناس بأكسفورد كلهم لابسين جاكيتات..شكله الجو بارد..أم العيال بقيت أسألج عن بطاقة الأويستر مالت الباصات..ألحين كل واحد له بطاقه يعني شريتي حق عيالج كل واحد بطاقه بروحه؟؟

 

[om l3yal]

ام العيال ىنا موجوده لي نص ساعه تقريبا..وبروح انام..شسوي آنا مواعيدي غيركم..أقعد من ال10 ونص مع أني أنام بال4 ونص عقب الصلاة..فحدي دايخه ألحين

نوم العوافي حبيبتي
تعالي شنو فطورج

 

[om l3yal]

كوستا والله آنا أشوف الناس بأكسفورد كلهم لابسين جاكيتات..شكله الجو بارد..أم العيال بقيت أسألج عن بطاقة الأويستر مالت الباصات..ألحين كل واحد له بطاقه يعني شريتي حق عيالج كل واحد بطاقه بروحه؟؟

حبيبتي كل واحد فوق 13 سنة له بطاقة بروحه اول ما توصلين الفندق نزل محطة الاندر جراوند اللي تحتكم وعبيها انا اعبي اسبوعيا بس حق باص لاني نادر ما استخدم الاندرجراوند وسعر الباص 16.60 باوند و الباص مع الاندر جراوند اعتقد 25 وشي

 

[miss_british]

اهلين مروو شخبارج وي سلم الايادي الصغنونه ياحلاتها ماشاللله

تصدقين انا نفس سؤالج بطاقه الاويستر حق كل واحد او بطاقه عائليه تكون

 

[miss_british]

ثانكس ام العيال على المعلومه

 

[om l3yal]

اهلين مروو شخبارج وي سلم الايادي الصغنونه ياحلاتها ماشاللله

تصدقين انا نفس سؤالج بطاقه الاويستر حق كل واحد او بطاقه عائليه تكون

مس بريتش شلونج جاوبت على السؤال