تجمع <<مراجعات دار الشفاء>>

[::فوشيه::]

رد: احلى تجمع .........مراجعات دكتوره ناهده العلى

هلاا أم علي ~شخبارج ؟؟
~ أنا مااولدة لي الحين وعندي موعد أنشالله 24 هالشهر ~}

 

[dantella]

مشكورين حبيباتي ماقصرتو والله يسهل عليكم يارب

 

[dantella]

رد: احلى تجمع .........مراجعات دكتوره ناهده العلى

انا هم ادق على عيادتها صارلي سبوع ومحد يرد قلت يمكن برمضان مايستقبلون مراجعين يدد قلت بجرب عقب العيد واشوف

 

[غلاي امي وزوجي]

يعني انا ابطل ملف والي يطلع يطلع وقت الولاده

 

[نسمة بحر]

السلام عليكم انا اول شي كنت عند واحد اسمة محمد وبعدين غيرت رحت عند حسام كمال وقالولي مو زين ورحت حق معصومة وشكلي بغير كل مارحت حق دكتور ذمووووة وانا بجر وخوووووووووووووافة وموعارفة شسوي واقول اسال مجرب ولا تسأل طبيب والي مجربين بس يذموووون ولي لحين مو عارفة شسوي arkOrchid"][/COLOR][/SIZE]

 

[غلاي امي وزوجي]

انا رحت عند مي وخرعتني وما تعرفين اذا تبتسم والا معصبه

 

[انامل كويتيه]

انا رحت عند مي وخرعتني وما تعرفين اذا تبتسم والا معصبه

شلون ما فهمت قصدج؟

باجر موعدي عندها

 

[omal7lwen]

انا عن نفسى اراجع عند معصومه من اول حمال لى
وانا الحين حمالى الرابع
للامانه الدكتورة حبوبه واتريح المريضه وحتى السستر مالاتها هم حبوبه
بس عيبها الوحيد ما اتحصلين مواعيد عندها كلش من كثرالزحمه ولا بعد اذا كنتى ناطرة دورج وصارلج جم ساعه ناطرة تطلع فجأة الممرضه وتقول الدكتورة عندها حالت ولادة تعالى شوفينى وجهى بعدها اوموووووووووت قهر

وبنسبه لدكتورة مى اختى اتراجع عندها وهم تمدح فيها

بالاخر اهى الشغله نفسيه حسب ارتياحج للدكتورة وشاكرة لكم ​

 

[غلاي امي وزوجي]

شلون ما فهمت قصدج؟

باجر موعدي عندها

قالت لي المشيمه نازله واذا دخلتي الاسبوع 38 راح اولدج قيصري اذا ما ارتفعت المشيمه

وانا رايحه ما فيني شي بس بروح ابطل ملف علشان لما اجي اولد عندهم بس يمكن مالها خلق لاني جيتها وهي طوارئ فما ادري

 

[غلاي امي وزوجي]

الدكتوره عطتني حبوب تقول حديد لان شافت وجهي لونه اصفر وقالت لي اخذي حبتين بليل والنهار ولما رحت الصيدلي قال شلون حبتين باليوم ما يصير بس تاخذ حبه وحده

وانا تخربطت اخذ حبه والا حبتين؟؟؟

 

[أنا الثريا]

رد: احلى تجمع .........مراجعات دكتوره ناهده العلى

بنات الدكتورة الصبح الحين برمضان عندها دوام؟؟

 

[أم يوسف وأمونة]

رد: احلى تجمع .........مراجعات دكتوره ناهده العلى

اختي حزينه الدكتورة عندها دوام الخميس والسبت بس الصبح من ال 9 لي ال4 اعتقد

وانا عندي موعد السبت الياي مو هذا الصبح وانا افضل تروحين لها بنفسج لا تدقين لانج ما راح تحصلينها

 

[غلاي امي وزوجي]

بنات وينكم؟؟؟؟

 

[انامل كويتيه]

ما تشوفين شر غلاي
انتي بأي شهر الحين ؟
ومعقوله ما نزل عليج عليج دم ؟
انتي بجريه ؟

 

[غلاي امي وزوجي]

الشر ما يجيج انامل

اي انا بجريه وتوني داخله السابع وما نزل علي زلا شي بس رايحه ببطل ملف علشان ولادتي عندهم وانصدمت لما قالت لي المشيمه نازله

 

[عروس سبتمبر2010]

الله يخليكم خالتي حامل وتبي تراجع بدار الشفاء وتبي دكتوره مودكتور وتبي ولادتها عندها بعد ..منو احسن وحده لانها بجريه وخوافه تكفون علموني..واهم شي الدكتوره تولد طبيعي لان في بعضهم يولدون قيصري عشان الفلوس
وجزاكم الله كل خير والله يفتحها بوجه اللي تساعدني وتدلني ..,,

 

[غلاي امي وزوجي]

حبيبتي عروس يقولون عبير تصبر على الوحده لما تولد طبيعي

وانا بعد بجريه وخوافه

 

[انامل كويتيه]

الشر ما يجيج انامل

اي انا بجريه وتوني داخله السابع وما نزل علي زلا شي بس رايحه ببطل ملف علشان ولادتي عندهم وانصدمت لما قالت لي المشيمه نازله

ما تشوفين شر
اذكر ببجري كان نازل علي دم ورحت لها وقالتلي المشيمه نازله
دريبالج على روحج لا تعبين نفسج وعلى طول نامي وحطي مخده تحت ريولج

 

[غلاي امي وزوجي]

اي والله سالفة المشبمه تخرع

الله يهون ويسهل علينا

 

[أنا الثريا]

رد: احلى تجمع .........مراجعات دكتوره ناهده العلى

ام يوسف مشكورة وماقصرتي والله يقومك بالسلامة
انا رحت لها امس

بس سؤالي ليش جذي العيادة مايردون على الاتصالات؟؟
يعني في اوقات نتوهق ومافي مجال نمر!!!كل العيادات تحجزين بالتلفون!!!!