تجمع لحملة الماجستير والدكتوراه

[QUEEN-LUXURY]

رد: رد : رد: تجمع لحملة الماجستير والدكتوراه

أختـــــــــــــــــــــــــــــــــــــــــي جاااابج الله:016: وودي اعرف شنووو شروووط أكمال ماستر علم نفس ؟؟ شلون الدراسة و؟؟ و شنوو المتطلبات الى علي ؟؟ من معدل ومواد

هلا حبيبتى اعذريني تعرفين رمضااان ماكو وقت مادخل وااااااااايد

شروووط؟

معدلج ما يقل عن 2.67

التوفل 450

امتحان القبول بست مواااد كل ماده سؤااال؟

المواد:

قياس ذكاء
علم نفس شخصيه
مناهج
احصاء
علم نفس نمو
علم نفس اجتماعي
امراض نفسيه


درااااااااااسه حلو وممتعه وان شاءالله تكونين معااااااااااااااااى

بس واااااااااايد بحووووث وبرزنتشيات جمع برزنتيشن هههههههه

والوقت ضيق بس الحمدالله الله يسهلها



سي يو

 

[Dr. To Be]

والله ما عندي فكرة بموضوع الواسطات بس انا يوم اقدم مرة والله لا حطيت واسطة ولا اي شي ولله الحمد انقبلت بس صارت ظروف والله ما قسم .
سوي استخارة قبل اي شي وشوفي شنو الله يكتبلج .
الراتب ما ادري اذا زادوه والا نفس الشي كان قبل تقريبا 5 سنين بحدود 500 وشي ما اذكر _ بس ينزل لج راتب بالكويت وراتب بامريكا وراتب امريكا كان اعتقد بحدود 1800 وكانه الحين زادوهم ..
ايضا تنزل لج تذاكر سفر , منحة سفر , وامور مالية وايد ما اتذكرها .
وبعدين اكو ولايات وااايد ممتازه عندج مثلا انديانا وايد حلوة وجامعة انديانا بلومنتجن محترمة واحد استاذتها فازت بجائزة نوبل . وكولاية مو غالية .
اهم شي تدورين الولايات الامنه ( تدورين criminal rate ) يعني معدل الجريمة _ عشان اهم شي بامريكا من وجهة نظري الامان .

والله يوفقج ويكتبلج الصالح

مشكورة حبيبتي ماقصرتي طمنتي البي الله يطمن البك ودام قبلوج بدون واسطة بتوكل عالله ولاني اخذ مكان مو مكاني

لحظة هال 1800 دولار ولا دينار ؟ ×.× اذا دينار تكفي بوستن لان قايليلي الشقق بحدود ال 1500 يعني يبقالي من الراتب 1300 وايد زين ! بس اذا دولار ادورلي جامعة ثانية اشرف
جنج تدرين اني مفكرة بجامعة purdue اهيا اب west lafayette بالضبط بس ماشوف احد يتكلم عن المنطقة فخفت ان فيها شي .. اذا تعرفينها او تعرفين حد يدرس هناك وايد تفيديني

اي والله معاج حق انا اهم شي شي عندي الامان شتسوى علي ادش جامعة راقية واروح من جيس اهلي ؟
انا الاولية عندي الامان بعدين مستوى الجامعة بعدين الغلاء بعدين الجو واخر شي الكويتيين

 

[^^ROSE^^]

بنات الحين التعليم العالي كلش مايودي بعثات ماستر صح؟
يعني يا اروح على الاوفست او بعثه من جهة ثانيه؟
لان قبل اذكر كان في بعثات مادري شفيهم هونوا!!

 

[Dr. To Be]

جامعة الكويت مايودون بس التطبيقي يودون ونفس الشروط تقريبا ليش ماتقدمين عليهم ؟

 

[^^ROSE^^]

مو انا مابي يحدوني اشتغل عندهم واساسا مو اكيد اخذ دكتوراه ابي mba فقلت جان زين التعليم العالي يودون
لان الحمدلله معدل وعندي ولغة ممتازه
بس شكلي اخرتها بروح على نظام الاوفست انسب شي لي

 

[Ameeraaaaaa]

مشكورة حبيبتي ماقصرتي طمنتي البي الله يطمن البك ودام قبلوج بدون واسطة بتوكل عالله ولاني اخذ مكان مو مكاني

لحظة هال 1800 دولار ولا دينار ؟ ×.× اذا دينار تكفي بوستن لان قايليلي الشقق بحدود ال 1500 يعني يبقالي من الراتب 1300 وايد زين ! بس اذا دولار ادورلي جامعة ثانية اشرف
جنج تدرين اني مفكرة بجامعة purdue اهيا اب west lafayette بالضبط بس ماشوف احد يتكلم عن المنطقة فخفت ان فيها شي .. اذا تعرفينها او تعرفين حد يدرس هناك وايد تفيديني

اي والله معاج حق انا اهم شي شي عندي الامان شتسوى علي ادش جامعة راقية واروح من جيس اهلي ؟
انا الاولية عندي الامان بعدين مستوى الجامعة بعدين الغلاء بعدين الجو واخر شي الكويتيين

هلوو حبيبتي حاضرين ولا يهمج
اهني بالكويت يصرفون لج راتب بالدينار الكويتي بحدود 500 بس اتوقع طبعا صار اكثر لاني مثل ما قلت لج هالكلام من اكثر من 5 سنين . وبامريكا يصرفون لج الرتاب بالدولار الامريكي . واعتقد ايضا زادوهم
وصج جامعة :
"Purdue "
ممتازة وعندج بعد " Ball state "
كل هذول بانديانا طبعا انا امدح انديانا لاني شايفتها وعارفتها وكنت بروحلها فاتكلم من واقع اللي شفته
هم عندج كنساس وايد يمدحونها
ومثل ما قتل لج استخيري وشوفي شنو الصالح لج .

))

 

[تعبتوني]

رد : رد: تجمع لحملة الماجستير والدكتوراه

جامعة الكويت مايودون بس التطبيقي يودون ونفس الشروط تقريبا ليش ماتقدمين عليهم ؟

التطبيقي لااااازم واسطة وشروطهم تعجيزية

اول السنة نزلوا اعلان يبون بكالريوس رياضيات لما قدمت عليهم قالوا مانبي بكاريوس التطبيقي نبي بكالريوس الجامعة :eh_s(12):

شلون ماعندكم ثقة بمخرجاتكم :080402ask_prv:

صراحه مهزله ومايشجعون ابناء وبنات البلد ويحطمون الطموح

 

[^^ROSE^^]

بنات عفيه اللي تعرف احسن مكان يدربون على ال gmat تقولي ماعليكم امر
ابي اتدرب من الحين عشان لاسمح الله ان مايبت سكور اعيد الامتحان

 

[تعبتوني]

رد : رد: تجمع لحملة الماجستير والدكتوراه

بنات عفيه اللي تعرف احسن مكان يدربون على ال gmat تقولي ماعليكم امر
ابي اتدرب من الحين عشان لاسمح الله ان مايبت سكور اعيد الامتحان

واااااااااااااو الجيمات صعب حيل
فيه كتب بمكتبة جرير للتدريب

وبالتوفيق ياااارب

 

[Ameeraaaaaa]

اعتقد جامعة الكويت تسوي دورات جيمات
بس ما عندي فكرة عن مستواها انا اكتبلج عن اللي اعرفه
وموفقه ,, بذلي مجهود ودرسي وصديقني لكل مجتهد نصيب
اهم شي الهمة
)

 

[^^ROSE^^]

اي والله ادري انه مو هين
بس شنسوي مطلوب اني اييب سكور قوي فيه اذا ابي ادش جامعه بره
انا شفت بامازون كتب ان شاء الله بطلبهم و اتدرب
وبشوف دورات ايميديست و جامعه الكويت
الله كريم ان شاء الله مايضيع التعب

 

[تعبتوني]

رد : رد: تجمع لحملة الماجستير والدكتوراه

اي والله ادري انه مو هين
بس شنسوي مطلوب اني اييب سكور قوي فيه اذا ابي ادش جامعه بره
انا شفت بامازون كتب ان شاء الله بطلبهم و اتدرب
وبشوف دورات ايميديست و جامعه الكويت
الله كريم ان شاء الله مايضيع التعب

عفية عليج شدي حيلج

انا عشان اجيب التوفل دشيت دورة جامعة الكويت ومو ذاك الزود

ودشيت مواقع للتدريب واشتريت كتب والحمدلله

من جد وجد ومن زرع حصد:balo:

 

[تعبتوني]

رد : تجمع لحملة الماجستير والدكتوراه

يابنات بليز ساعدوني انا عقب اللي شفته بدراسة الماجستير احترت :rgewrg:

مدري وين ادرس الدكتوراه

مره اقول لندن وامريكا :eh_s(10):

بس اخاف تكون صعبة انا ما اقدر اهد بيتي وعيالي الا اذا كانت بعثة ممكن اخذهم ونروح بس اي جهة تبعثني ؟؟؟

ومرات اقول جامعة الخليج العربي اقرب واحسن بس فيها مواد وانا لااااااااعت جبدي من الدراسة

ومرات اقول السعوديه بسسسسسسسسس بسرعه اهون

شفتوا شلون الحيره :eh_s(22):

يالله عفية بنات ردوا

 

[تعبتوني]

رد : تجمع لحملة الماجستير والدكتوراه

للرفع ياجماعة الخير

 

[لا وحسايف]

عقبال ماسير منكم يارب

 

[Dr. To Be]

بنات عفيه اللي تعرف احسن مكان يدربون على ال gmat تقولي ماعليكم امر
ابي اتدرب من الحين عشان لاسمح الله ان مايبت سكور اعيد الامتحان

الدورات محد يمدحها اختي وجم وحدو من رفيجاتي مجربينها ومافادتهم يقولون يعلمونهم شلون يشيرون مو شلون يحلون

سوي مثل ماقلتي طلبي كتب من امازون انا طلبت والحمدلله الحمدلله كل ماقول سكوري حق دكتور يقول لاتقولين حق احد ! لا وهذا مع ضيق الوقت اضطريت اقدمه مبجر صج ال shipping بروحه طلع علي 60 دينار بس والله احسن من الدورة
وبالتوفيق انشالله

 

[Dr. To Be]

تعبتوني
انا اختي كانت تشتغل بادارة البعثات بالتطبيقي وتقول وايد ناس تنقبل بدون واسطة عادي بس المكان عليه ضغط لان يودون بس ماستر والعموم مايبي يلتزم و على كلام اختي ان مميزاتهم وايد حلوة بس الصراحة انا ماقدمت عندهم لاني ابي اصير دكتورة بجامعة الكويت يعني يهمني المكان الي بشتغل فيه والتخصص الي ودي فيه ماينزل الا حق خريجين قسمه وانا متخرجة من قسم ثاني

فممكن تقدمين على جامعة الكويت او في جهات عمل تدز موظفينها مثل التأمينات والصندوق الكويتي للتنمية وغيرهم فانتي شوفي جهة عملج اذا يودونج

 

[Dr. To Be]

ايي وشغلة اخيرة لو تيبين قبول من جامعة محترمة من برة ترا وااايد واااايد يساعد لان قبول الدكتوراه صعب وبعدين بالعكس انتي راح توفرين عليهم ان اصلا عندج ماستر وبس باقيلج دكتوراه فموفرة عليهم سنتين

 

[@@روح الورد@@]

كم سنه دراسه الماستر و الدكتوراه

 

[صب القفشه]

بنااااات بغييت اسالكم

اقدر اكمل بجامعه الكويت ماستر اعلاآآم ؟؟

و المعدل جم يبونه ؟