رد: رد : تـــجــــمع لبنات التقويم (اللي حاطين تقوووووويم اسنان)
إشلونكم بنات شخباركم واشلون التقويم معاكم
أنا انشالله ناويه أحط تقويم بس عندي جم سؤال اتمنى إلي عندها خبرة اترد عليها
أنا بحط تقويم مخفي إلي إيصير ورا الأسنان إلي حاطته يريت إتقولي
مرتاحه منه؟
أثر على النطق عندها؟
وإذا كلت إضايقها ؟
وفي تنظيفه سهل ولا صعب؟
يعني تنصح فيه ولا لأ؟
و في أي عيادة حطته ؟ وعند أي دكتور ؟ وبجم ؟
ويعطيكم العافية
هلا حبيبتي
والله أنا حاطة اللي فوق بس مخفي واللي تحت شفاف
طبعا اللي تحت عادي ولاجني مركبة تقويم .. شفاف ومايبين واصلا الاسنان اللي تحت ماتبين
اما بالنسبة حق اللي فوق ركبته مخفي والحمدلله مرتاحة من الناحية الجمالية ولامبين بالمرة
بس والله اول جم اسبوع كانت لايعة جبدي وكل شوي بروح للدكتور يشيله أثر على اللفظ لكن فترة وعدت
الحين تعودت
صارلي تقريبا شهرين وايد مرتاحة منه
واجهت صعوبة طبعا باللفظ وحتى التنظيف بس سهالات تعودت الحمدلله
يعني كل وحده وعلى شنو ترتاح وقدرتها على التحمل .... يعني الحمدلله بديت اتعود مع اني مازلت اواجه صعوبة بلفظ السين
بس عادي شسوي بعد
وحطيته عند دكتور كريشنا بالفوزان مثل ماقالت "ياليل مطولك"
وبجم ..يعتمد اذا تبينه من فوق وتحت او بس من جهه وحده
واسعارهم وايد حلوة ... روحي استشارة وشوفي
أنا رحت استشرته وبعدها بجم اسبوع رجعتله مرة ثانية لاني حسيت ارتحت نفسيا حق العيادة وبصراحة وايد بنات اعرفهم امدحوها روحي وشوفي بنفسج
