مرحبا خواتي
انا مو عارفه من وين ابدي مشكلتي بس بكتبها بس مابي هجوم عليه
لانه اللي فيني مكفيني
بالاول انا مثل اي بنت انها تحلم بواحد يحبها ويخاف عليها ويبيها
بنات انا كنت ادرس بكلية الاساسيه
المهم كنت اروح ويي عادي بس كل مره كان في واحد يلحقني مثل هالشخص
من كثر مااشوفه كل يوم وانا رايحه وراده تعووت عليه اني اشوفه حتى لو مابينا كلام
بنات اهو كان يتحرش فيني كل ماشافني عرفتوو وكان يتحش بغشمره
ومره خلااص حنيت عليه قلت باخذ رقمه بشووف شنو يبي
المهم خذيت رقمه ومادقيت عليه ثاني يوم شافني وقالي ليش ماتصلي علي قلت له قاعده افكر بغشمره
قال لازم تتصلين ابي اكلمج انا قلت مو مشكله راح اتصل اليوم وعد
المهم كلمته وتميت ويااا تقريبا سنه بس فون وطلعات وحبييته انا بصراحه حتى اهو مبين من تصرفااته انه يحبني ويخاف علي
قلت له شووف حنا صج نحب بعض ومانقدر نستغنى عن بعض اخرت الحب شنو قال اكيد بتزوجج قلت عيل خلاص انت تعرف بيتنا تعال لاني في واحد يبيني وجذي ( طبعا ماكان في احد بس سويت جذي عشان يخطبني ويبين شنو نواياه)
المهم مر اسبووع وله اهو صج تقدم لاهلي وكنت مستااااااانسه واايد لانه صج طلع شاريني
خطبني وتمينا احلى ايام بحياتي يوم بالخطبه
وتزوجنا
والله العظيم كنت شاريته واحبه
المهم انا توظفت وقلت لزوجي شنو تبيني ايبلك هديه قااااال ابيج تيبلي رنج وله اسود قلت عيوني لك
وتسجلينه بااسمي قلت افا عليك ماطلب غير عزك وفعلا رحت انا واهو للوكاله وخذيتله رنج حتى لو كان يبي عيوني كنت بعطيه
مع انه كان عنده سياره لكزس
بس قلت يستاهل
كنت اسوي كل شي عشان ارضيه
حتى مراات يكون بدوااااام يدق علي يقول اليووم حبيبتي عازمتني على غذاا اقوله مو بس غذا حتى عشى
كنت ادوور رضااه وبالاصح كنت احبه واموت في
كل عطله كنا نسافر دوله اجنبيه يعني مثلا 5 دول رحت وياه وكل على حسابي الخااص
اهو كان كله يقول انا ماعندي حق سفره ومصاريفها تبين تسافرين على حسابج
كنت اقوله داامني وياك ماعندي مانع فلوسي تحت ريولك
وكنت ماحس انه يجذب او يتصنع علي
حتى يوم تقدم لي قدم مهر وجذي طبعا كان وياي المهر اهو بالليل يتصل يقول المهر لاتصرفينه كله عشان نسوي منه للعرس لاني ماعندي كنت اقوله مو مشكله ودايم يقول لاتقولين لاهلج عشان ماصغر بعيونهم بس انتي تدرين عن حالي
وطبعا انا والله كنت مابي شي من المهر كنت ابيه اهو لاني كنت صج احبه
انا مو عارفه شكتب بس والله زين اني قاعده اشوف الكيبورد دموعي بعيوني وربي شاهد
كنت اتمنى انه يرضى علي وكان داايم يقولي انا لو الف الدنيا ماكنت احلم بوحده مثلج انا احبج وماقدر اعيش من غيرج
بس اللي صار انه ياني وقالي بسافر ويا ربعي مصر قلت حبي شلون تسافر وتخلي روحك بالكويت بروحها قالي والله ماراح اتااخر
وراح يكون بينا الو داايم اصلا اشلون مانام على صووتج
بناااااااات وربي ناااااااار بصدري
قلت خلاص روح وياهم بس ها اخر مره تراا تسافر بروحك ويا ربعك مابي اصغرك بعيوونهم
ساااااافر اول يوم اتصل وسلم عادي وصج ناام على صووتي
وكنت اسعد وحده بدنيااا
اصلا كنت احسد نفسي عليه انه ربي رزقني بزوج جذي يحبني ومحسسني اني كل شي بحياته
ثاني يوم اتصل وهم كان يضحك معاي ويقول مصر مو شي من غيرج ( قبل كنت رايحه وياه بمصر وكنا مستانسين)
ثالث يوم انصدمت انه ماتصل ددقيت عليه مارد مره ومرتين وثلاثه هم مارد قلت اخاف صايرله شي
دقيت على رفيجه اللي وياه بالسفره ساالت عنه قاالي انه موجود بس ناايم قلت خلاص بس يقووم خله يتصل علي لاني انطره قالي انشالله بس رفيجه كااان في بس شنو مادري الله اعلم
ثالث يوم مادق ولا ربع وسبوع هم مادق انا عاد قلت شكلي بروح مصر وبشوفه شفيه
لانه ماكان يرد على مسجاتي ولا على مكالماتي
طرشت له مسج قلت حبي لو مارديت علي والله العظيم بروح احجز وبيلك
نطرت ساعه ساعتين 4 و5 و6 يلا ياني مسج منه قالي لو يتي ياويلج واخر يوم بيني وبينج
قلت مو مشكله يمكن عشان رفجانه وجذي
المهم قعد شهررررر بمصر وطبعا مابيني وبينه اتصااااااال كلش
يوم رد الديره الريااااااال تغير مو مثل اللي اعرفه
انا يوم عرفت انه وصل الكويت والله نسيت كل شي سوا بالشهر وكنت مستاانسه
نصدمت منه يوم شافني شعوره بااااااااااارد بس بوسه على الخد وماشيه وقالي بروح اسلم على اهلي قلت اقعد وياي ابي اشبع منك
قالي خليني اروح لاهلي وبالليل كله عندج قلت روح
راح له ورد
انا طبعا اانا كنت كااشخه مشتاااقتله ولهاااااانه عليه قالي سمحيلي ماراح اسوي وياج شي لاني تعبااااااان قلت مو مشكله
وطبعا وانا من داخلي مقهووره
ونمت قمت مالقيته يمي دقيت عليه لقيت عنده ويتنق دقيت شكثر ماسكر العاده اذا كنت اتصل وطلع عنده وييتنق يرد عليه ويقولي احجي فلان جذي
هالمره لا
نطرت ومادق
دقيت انا لقينه يدق قلت ليش مادقيت علي بعد ماخلصت من اللي كنت تحاجيه قاالي شوفي مالي خلق لج ولا لحياتج
بصرااخ طبعا
بناااااااات غير واااااايد
قلت انا بيلك الدواام بشوف شفيك شلي غيرك علي حتى امس كنت عندك بالغرفه ولاحسيت فيني جني طاوله
قالي لووويتيني الدوااام والله العظيم اخر يوم بيني وبينج تفهمين ياابقره ( وكانت اول مره يقولي بقره العاده يالحب حبي حياتي عمري جذي)
قلت مو مشكله عيل تعال الشقه ابيك ابي اكلمك ماينفع اتفاهم وياك بالفوون
قال ماراح ايلج ومالي خلق اشوف ويهج انتي حمااره وماتفهمين
قام يسبب وقام يغلط علي والله العظيم انه اول مره بحياتي اسمعه يسبني جذي
المهم من رد من مصررررر متغير وااااااااااااايد مو فلان اللي اعرفه مو الحب اللي كنت اعرفه
حتى ماقام ينام وياااااااي كلش مايجيسني ولايقرب صووبي كل مره يقول تعبان وله ينام قبلي
وكله يكون عنده نتظاااااااااااار احس خلاااااص اني بموت على البطيء
مره مسكته وقلت شووف انا سلوبك من ييت من مصر وانت متغير علي وحتى معاملتك حتى مالك خلق لي ليش شنو مسويا انا
مو كافي كنت اعطيك وسفرتك كذا مره على حسابي ومو كافي اني ييبتلك رنج ترزز نفسك
قاام وعصب وقالي انتي تعايريني يابنت الكــ افهمو انتوو
وقام وطقني طق ووانا نصدمت منه حتى ماالمني ولاقرب صووبي احس انه صاار وحش مو انساان
انا مااقول غير حسبي الله ونعمه الوكيل في الله يحسر في مثل مااكسر بقلب كان يحبه ويغليه
رحت لاهلي وبعدها بالضبط بسبووعين يابلي ورقتي وانا مصدووومه حتى اهلي كانو يعرفونه قبل انه شايلني شيل ويحبني
والحين هذا قصتي اللي بقلبي
وكل يوم افكر في مااقول اني ماحبه لا والله اني احبه واموت في وفكر في كل يووم
والله العظيم لو يجيني الحين بس يتاااسف وربي لروح ويااه ونسى اللي صار بيناااااااااااا
حياااااااااااااااااااااااااتي ماله طعم كلششششششششششش من غيره بنااات تعووت عليه تعوووت كل يوم الصبح يطرشلي مسج صباح الخير اذا رحت دووامي واهو بالبيت
تعووت انه كل يووم يبووسني تعووت كل يووم يقوولي تحبيني
تعووت كل يووم يقووولي مالي غنى عنج
تعووت كل يوم يقولي يغير اسمه بنقاااااالي مره روحج ومره ظلج ومره حبيبج
والله والله وربي شاهد اني احس اني بصير مينووونه ومصدوومه
ليش بااعني بسهووله مع انه اهو الغلطان ليش تغير علي
حسبي الله ونعم الوكيل في حسبنت ربي في وربي بااخذلي حقي منه لاني حبيبته
هذا الحب ومايسوي.. يعني لو متحبينه وايد جذي جان ماوثقتي فيه
