انحديت يا بنات و ولدي عمره سنه بس :(

[tmtmt]

وييييه الحال من بعصه بس انا مالي حل غير الحصانه
لني ما افكر اخليها عند الخدامه كللللش خدامتي ما تجيسهر كلش

حصانة ليلى يقولون زينه
ريبون ذاكرتها وحده من العضوات ماتاخذ الا سنتين

انا لي الحين ناويه على افنان واهيا جبال بيتنا
انا يوم امر عليهم فجاه مره ابوها مره امي مره خالتي وتقزر ان شاءالله

في وحده بمشرف عندهم كاميرات بس كاني ذاكره اسمها

 

[ام طلال]

رد : انحديت يا بنات و ولدي عمره سنه بس

الله يعينج ويفرجها عليج ان شاء الله

 

[ام اغلى الناس]

الله يعينج
انا نفس معاناتج بس مابي حضانه باوديه لبيت خالتي
و الله يعين
بس نصيحه لا تودين خدامتج راح يخربونها
اسالي عن الحضانات وعن سالفة الكاميرات

 

[Al.Nooor]

في حضانه اسمها super kids باليرموك هذي فيها كاميرات تقدرين تشوفيه بالنت للاطمئنان

 

[Om-Omar71]

وييييه الحال من بعصه بس انا مالي حل غير الحصانه
لني ما افكر اخليها عند الخدامه كللللش خدامتي ما تجيسهر كلش

حصانة ليلى يقولون زينه
ريبون ذاكرتها وحده من العضوات ماتاخذ الا سنتين

انا لي الحين ناويه على افنان واهيا جبال بيتنا
انا يوم امر عليهم فجاه مره ابوها مره امي مره خالتي وتقزر ان شاءالله

في وحده بمشرف عندهم كاميرات بس كاني ذاكره اسمها

شوفو بنات انا بنتي في اكاديمية ريبورن بالزهراء وايد حضانة تهتم بالاولاد والتعليم ، اكو وقت للعب وللتعليم مناهجهم بريطانية حيل قوية انا ولدي دخل كورس واحد الاخير بس 4 اشهر ما تتخيلون شكثر فرق معاهم حتي بسلوكه صار اذا غلط يعتذر يقول sorry يقول المس تقول لازم نقولها يحب يلون يسمع الكلام يحب المس وصرت اهدده اذا يسوي شي غلط يقولي لا تقولين للمس تزعل مني وما تكلمني لاني كنت اقول حقها وهي تزعل شوي منه بعدين تخليه يعتذر وتسامحة ، المنهج وايد رائع احنا بنفسنا نتعلم كل شهر ياخذون موضوع جديد مع رقم ولون وشكل جديد واخر الشهر يسوون نشاط ترفيهي حق منهجهم يعني اذا اللون الاحمر والموضوع المنهج للشهر هو الفصول الاربعة تلاقيهم سوا نشاط يوم الثلج ويلبسون احمر وياخذون اكل لون احمر يقولون علشان يثبت عندهم ، احلي شي كان عندهم موضوع حق المهن يابولهم سيارة اسعاف وشرطة ومطافي صجية وخلو الاولاد يركبون السيارة وصارو يشرحولهم حتي الشرطي يقول حقهم انتو ليش ماتحبون الشرطة صار يشيلهم واخذ صور وياهم اكو ام صادفتها تقولي ولدي يموت خوف منهم بس الحين لازم يوقف ويسلم عليهم يقول السكول قلولنا ه
اهم يحبونا شوفو شلون يثبت عندهم اختي روحي زوريهم وشوفي احسن واللة ..... انا بصراحة الحين بنقل لفرع الروضة وايد اجربلي للبيت رحت شفتها نفس الشي وايد كبيرة وشرحة بس بعد يظبطونها ونفس الادارة والمنهج بكل شي والكاميرات والسباحة يعز علي افرقهم بالزهراء بس بعد الرضة حلوة اخاف يخلص التسجيل وما سجلت اصير ويتنج

 

[اميرة-بطبعي]

الله يعينج ويحفظه لج ..
انشاءالله بفيدونج البنات ،، بس لاتودينه حظانة المسلم الصغير بصباح السالم نصيييييحه ترى اختي دخلناها وكانت ماتحب تروح وليلحين تكرهه المدرسة = حظانه فاشلة بس مادري ااذا غيرو ادارتها ..​