رد : رد: هل لديكم طفل يعاني من التوحد- خلونا نتجمع
السلاام عليكم بنات وايد عجبني التجمع عسى ربي يشافي عيالكم وعيال المسلمين ويلهمكم الصبر والأجر على تربيتهم
بنات بكلمكم عن ولدي وتكفون اللي تعرف تجاوبني، والله اني بموت من الخوف اني أوديه الطبيب ويشخصونه ويطلع فيه توحد بس انشالله يكون طبيعي، ولدي عمره سنتين و8 شهور وعندي بنت عمرها سنة و8 شهور بينهم سنة أصغر منه واهي اللي خلتني أحس انه فيه شي لأنهم حيل غير عن بعض بقولكم بعض الأشياء الغريبة اللي خلتني ألاحظ:
1- ما يركز ولما أناديه يحقر واتم انادي وأصرخ يااالله يلتفت علي واهو يمي ويسمع.
2-يتكلم بس مو عدل وطريقته غريبة بالرد عالأسأله يعني أسأله حمودي تبي حليب؟ يقول حمودي تبي حليب يعني قصده اي أبي أما اخته لما أسألها تقول اي ولأ عادي.
3- بسم الله عليه مزعج وعسر حيل حيل حيييل متعبني كلشي سالفة التبديل لووية والتسبح لووية والنومة حفلاات والوجبة عفسة يعاند ويصرخ وما ياكل كله مابي مااابي ولا أسيطر عليه بالطلعة ولا عارفة أتعامل معاه حييل حييل تعبت مع اني حيل مطولة بالي عليه ومدلعته ومجابلته مو مقصرة معاه بوقتي واهتمامي لأني اخاف يغار من اخته والله مسكينه مادري عنها ماخذ كل وقتي بس مادري ليش جذي.
4-يقعد بليل كل يوم يفزعني مخترعة والله ويصرخ ويعاند بليل ويقول ماابي ولا يرضى أشيله ولا يشرب حليب ولا شي بس يصرخ ويبجي ويحن طول الوقت.
5- يكرر الكلام وايد أي شي أقول يقول وراي وساعات اذا بناديني يقول ماما ماما ماماا ورا بعض.
6- بسرعة حييييل يعصب يكون هادي وفجأة يوصل للحد الأقصى على كل شي، عنده حب تملك اذا عنده لعبه ما يرضى اخته أو أي ياهل ياخذها يعصب ويصرخ ويبجي حيييل اذا أحد لمس له شي.
7- الشي الطبيعي انه اجتماعي ويحب اليهال يلعب معاهم ويحب يغني ويحب القصص والمسرحيات وبارني ويندمج بالتلفزيون يعرف الحروف والأرقام ويتكلم، وهالشي مو من صفات مريض التوحد أما الباجي ما أدري.
8- أبلته بالحضانة ملاحظة ان نشاطه زايد وانه حيل عصبي وما يرضى احد يشاركه العابه.
تكفون يااا أمهات اللي عندها مريض توحد وتعتقد ان ولدي فيه نسبة توحد تقول لي.
الله يجزاج خير على الدعوه الطيبه
فديتج لا تحاتين ولدج ان شاء الله ما فيه الا العافيه
لان مريض التوحد يكون في عالمه الخاص وهذا اكبر مشكله عندهم وانتي ولدج ما يعاني منها ( انا مو دكتوره ولا متخصصه بهالشيء بس من كثر ما قريت بعد حالت اولدي عسى الله يشافيه ويشافي مرضى المسلمين يارب ) صار عندي خلفيه بسيطه
اتوقع ولدج عنده نشاط زايد وتاخر بالنطق بسيط ان شالله ما يحتاج تحاتين وبعدين لا تقارنينه باخته لان البنات معروفين اسرع من الصبيان بكل شيء اسم الله عليهم
واتوقع اولدج يكرر الكلام لانه يبي ينطق ان شالله وعسى الله يبلغج فيه
