السلاااام عليكم بنوتات شلونكم
مادري اذا أصنف نفسي منكم او لا
بس أنا تطلقت من زوجي الاول وعندي بنت منه الله يحفظها
والحين أنا متزوجه من واحد ثاني وحامل
بس بتكلم عن بنتي
حضانتها عند أمي بس ليلحين ما أخذنا الحكم وانا ساكنة بفريج اهلي بس طبعا مستحييييل اخلي بنتي تنام وانا مو يمها فشكليات انها عند أهلي والا من اول اسبوع أهي نائمة عندي
وزوجي بمووووت عاليهال وحمدالله علاقتهم واااايد زينه مع بعض ويحبون بعض
بس المشكلة ان طليقي كان يأخذ بنته يوم بس لما تزوجت قام *يأخذها ٣ ايام بالاسبوع عناد
والله لايوريكم شلوووووون يمرون علي
بجي ونفسيتي تتعب وأحلم فيها انها ضائعة
وهذا حالي كل اسبوع
وغير جذي أنا مطلقة منه صارلي سنة ونص ولا فكر يحط كبت حق بنته
تتخيلوا بنات كل ٤ ايام اسوي جنطتها جنها مسافرة*حددددده تعب علي ترى
عاد ابوها ماعليه قاصر بس مادري ليش جذي
وما كان بينا محاكم بس أنا وصلت حدي مع سالفة ال٣ ايام يأخذها عشان جذي رفعنا قضية الحضانة لامي توه
البنت عمرها ٤ سنوات تخيلوا وين الاستقرار وهي كل ٣ ايام نائمة بفراش غير وبيت غير وتربية غير واسلوب غير وكل شي غير ؟؟
وفوق كل هذا ترد لي مشحووووووونة حدها وكارهتني
وكل ماترد تطيح مريضة لان هناك يقطونها مع الخدم واليهال بالحوووش فتعرق وتدخل تكييف فتمرض هذا غير ريولها الله لايوريكم جنه ريل يدتي مبططة لان الظاهر تلعب حافية
وأهني عندي أرقع فيها كريم ودلاق حتى وهي بالبيت
ولا الاخ رافع رؤية بعد !!
اللي اعرفه الرؤية يوم واااحد بس !!
واهو يأخذها ٣ ايام فشكو رافع قضية مادري !!
أكيد يتقولون مو على كيفه ووين ابوج !!
علاقة أبوي بطليقي زينة و أبوي مايحب المشاكل كلشششش
غصب غصب خلاني ارفع قضية للحضانة
فشسوي الحين انطر حكم الحضانة وماخليه يأخذها ؟
أنزين بالله أخذها وماردها لي ويقول ييبي حكم رؤية ؟
شسوي اللي عندهم تجربة بالموضوع فيدوني جزاكم الله خير
ادري قرقت وااايد بس من حر مافيني
سامحوني عالاطالة
