بنات اللي دخلوا على لجان المجلس الطبي من الدكاترة الموجودين باللجان

[In Geneva]

صباح الخير بنات

سؤالي للي دخلوا على لجان المجلس الطبي بمستشفى الولادة

شنو أسماء الدكاترة الموجودين بهالجان

وشلون نفسيتهم

جزاكم الله خير

 

[أحلى^حياه]

وانا بعد بسئل البنات بموضوعج ممكن ؟؟ ههههههه


شنو يسوون داخل اللجنه و شنو الاسئله يعني؟؟؟؟؟؟؟؟؟؟

انا اول مره بدش و مادري شالطبخه

 

[بشور]

آنا ماخذه مجلس طبي بس مو ع الولاده حولوني ع الفروانية عشان بطاقتي .. المهم انتي وحظج العاده يصيرون دكتورين او ثلاثه بالكثير ولايزم يطلعلج واحد منهم نفسيته خايسه.. والاسئله ليش بتاخذين مجلس طبي شنو فيج مافيج.. ماتاخذ اسئلتهم 3 دقايق وبس.. مع انه تكون عندهم تقارير دكتورج يعني ماله داعي هالأسئله بس إجراء شكلي يمكن بيشوفون ويه المريضه.. ونتيجه اللجنه تطلع بنفس اليوم او عقبها بيوم بالكثير وبس.. يا يكون عندج واسطه او حظ عشان يقبلونج آنا اختي قدمت وكانت بالثامن ووااااايد تعبانه يالله تقوم ويالله تقعد وفيها زلال ماتقدر تمشي ولاتقعد وايد وارفضوها وثاني مره يابت واسطه اقبلوها وكانت ع الصباح هالحجي السنه اللي طافت

 

[دآنة آلرشآيده]

انا قبلوني بالمجلس الطبي عطوني شهر بس
بدون واسطه ولاشئ انا ع الفروانيه

 

[ريكاتو]

انا ناوية اقدم بس خايفة يرفضوني

 

[ام عفراء]

السلام عليكم ورحمة الله وبركاته


بنات ياليت تفيدونا بطريقة التقديم خصوصا للي يراجعون بعيادات خاصة مو بالحكومة

شلون يعني نطلب أول شي تقرير من العيادة ونروح نقدمه وين ؟؟ والا شلون الطريقة ؟

وشكثر ياخذون عشان يعطونا الموعد ؟؟



وشكرا مقدما

 

[مس ميشو]

السلام انا خبرة بهالموضوع وواللي تبي اي شي عالخاص و ارد عليها اهنيه لاني ساعات انسى
المهم تروحين السباح مكان اسمه المجلس الطبي و تفتحين ملف و تكون معاج مرضياتج من الخاص و تقاريرج واي شي زايد و يعطونج موعد المهم اذا اكثر من اسبوعين احولونج المستشفى اللي تابعة له و قصة طويله و عريضة و اذا اقل لا بس شياب قاعدبن و اوافقون انشاء الله ما يبيلها لا واسطة ولا شي...

والله يوفق الجميع

 

[ملكه الحطب]

يعني اشكثر ياخذون على مايعطوني المجلس الطبي ؟؟ انا محتاجته ضروري

 

[أم حمودي**MALL**]

رفععع

 

[بشور]

مسحوره إذا رحتي الصباح المجلس الطبي يحولونج على مستشفى محافظتج وهناك يعطونج موعد عشان تدخلين ع اللجنه حده اسبوع ويوم اللجنه تدخلين ويقابلونج ويسألونج ليش ماليش واسئله تافهه ماتاخذ خمس دقايق وقرار اللجنه يطلع بنفس اليوم او ثاني يوم بالكثير وبس

 

[TeKaNa_Girl]

هااااااااي
شوفي حبيبتي
انا قبل 3 ايام كنت باللجنه والحمدلله عطوني شهر
كان فيه دكتور مصري بطه ودكتوره كويتيه
الدكتور المصري ماطل بويهي بس يشوف تقاريري ويسألني
اول شي قال لي
جم لج وانتي حامل
وقال لي وين تشتغلين وشنو طبيعة شغلج
وليش تبين مجلس طبي يعني تعانين من شي مثلأ ؟؟؟؟؟؟؟

وبس هالاسئله هذي
انا قمت واتكلم واضيف اشياااااااااااااااااااااااااء
لان عندي حالتين اجهاض ورى بعض قبل هالحمل هذا ,,,,,,,,, ياربي تثبته يارب
قلت لهم
انا اجهضت مرتين ولا قدمت مجلس طبي
وبصراحه ما ابي اجاااااااااااااااااااااااااااااازف بهالحمل لاني اخذ حبوب وابر مسيله للدم



بس بشكل عام
نفسيتهم عاديه يعني مايخرعون

 

[TeKaNa_Girl]

السلام عليكم ورحمة الله وبركاته


بنات ياليت تفيدونا بطريقة التقديم خصوصا للي يراجعون بعيادات خاصة مو بالحكومة

شلون يعني نطلب أول شي تقرير من العيادة ونروح نقدمه وين ؟؟ والا شلون الطريقة ؟

وشكثر ياخذون عشان يعطونا الموعد ؟؟



وشكرا مقدما

شوفي حبوبه
اول شي تاخذين تقرير عن حالتج من المستشفى او العياده الخاصه حلو
وخل يترجمونه لج
وبعدين تاخذينه وتقدمين كتاب لدوامج مع الترجمه انج تبين مجلس طبي
وتالي تاخذين الكتاب وتروحين لمستشفى الولاده وتقدمينه هنااااااااااااااك

ويحددون لج موعد

وسلامتج

 

[TeKaNa_Girl]

اي صح نسيت لا اقول لكم شي

ترا اهما يعطون اول شي مواااااااااااااعيد حيييييييييييييييييل متأخره

يعني انا كانوا معطيني بعد شهر تخيلواااااا

بس انا قلت لا لو سمحتي مو قادره تعبانه ومن هالكلام
جدمي لي الموعد


ومسكينه ماقصرت شافت لي موعد بعد اسبوع

 

[*ماي الورد*]

عندهم التقارير
بس يسالون جم اسبوع لج
و مرة طلبو مني سونار
و مرة سالوني اذا مسوية ربط ولا
و مرة سالوني منو دكتوري
اقل من خمس دقايق انتي خالصة لان وايد زحمة
النتيجة تطلع نفس اليوم بالتلفون بس و تخلص الورقة بعد جم يوم

 

[ام حمني@@]

جزاكم الله خير فدتوني انا موعدي الاثنين الياي انشاله بس خايفه اولد قبل موعد اللجنه وقتها شنو يصير صج ان لازم اروح حتى لو كنت توني والده او بالنفاس ؟

 

[بشور]

ام حمني مولازم تروحين خلاص راح تاخذين اجازه وضع مايحتاج لجنه ولاتروحين حتى

وحتى آنا موعدي الاثنين الياي

 

[ملكه الحطب]

باجر ان شاء الله باخذ الكتاب من الدوام وان شاء الله يطلع تقريري بس اشلون على الاسبوع الجاي ؟؟؟ مااقدر داوم كلششششش ومتى راح يعطوني المجلس الطبي ؟؟ الاسبوع هذا اخذت طبيه من خاص شسوي الاسبوع الجاي ؟؟ وانا عديت فوق ال 15 يوم

 

[miss_q8ya]

اذا انا مدرسه شلون طريقته ؟؟

 

[ام حمني@@]

بشورة مو اذا على كتاب طلب تخفيف عمل تهون بس انا لان تاخرو علي وماكنت قادره اداوم خذيت مرضيه من دكتورتي 16 يوم فقالولي تتحول للجنه الطبيه عشان تتوقع والحين احتمال كبير اولد قبل موعد اللجنه لاني تعبانه وايد والدكتورة قالت مو زين ننطر عليج والسخيف بالموضوع ان اللجنه الطبيه يقولون لازم تحضرين شخصيا عشان نوقعه على مرضيتج والا تنحسب من رصيدج او تعتبر انقطاع عن العمل ومايصير احد ثاني يروح عني يوقعها حتى لو كان ابوي او زوجي شهالسخافه اقولهم واذا انا بالمستشفى ووالده شلون قالولي مشكلتج صج ماكو مخ

 

[In Geneva]

أنا فتحت الموضوع والحمدلله وايد بنات مهتمين بالموضوع

مشكورين على الردود والمشاركات الحلوة المفيدة





سؤالي جزاكم الله خير

منو دخلت لجان المجلس في مستشفى الولادة

ومنو الدكاترة الموجودين ؟؟؟؟؟؟

إذا عرفت اساميهم بعد اللجنة


جزاكم الله خير