تجمع لحملة الماجستير والدكتوراه

[moony77]

مشكورة تعبتوني

بس اذا ابي بعثه هل التربية ادزني بعثة لاني سجلت بعين شمس معهد الدراسات والبحوث البيئية تخصص العلوم التربوية والاعلام البيئي والدرجة العلمية اللي يتخرج منها الطالب ماجستير علوم البيئة هل التربية ادزني بعثة لان مجال يخدم التربية وشنو شروطهم واشلون اقدر على الاجازة الدراسية ترا حدي ضايعة ابي احد باشر بهالاجراءات

 

[تعبتوني]

رد : تجمع لحملة الماجستير والدكتوراه

هلا حبيبتي موني 77 الوزاره تبعثج طبعا لان جامعة عين شمس معترف فيها ومعتمدة
لكن وحطي تحت لكن خطين بعثة وزارة التربية مافيها مخصصات مالية ومالهم شغل بمصاريف الدراسه
يعني يمشيلج الراتب الاساسي والعلاوة الاجتماعية فقططط

الاجراءات تروحين التطوير والتنمية اللي بالجابرية ويعطونج اوراق تعبينها وتوقعينها من الناظره ومدير المنطقة التعليمية
وسلامتج

 

[moony77]

انا بغيتها عشان مصاريف الدراسة عيل ما ابيها واي شهالوزارة باي الوزارات يتحملون المصاريف عشان يستفيدون من مخرجاتهم بعدين

انزين اجازة دراسية يصيرالراتب 700 تقريبا انزين اذا خذيت بس اجازة اداء اختبار هل ينخصم شي من الراتب ولا لا

 

[اللعبه]

انا الحين قاعده اسجل ماجستير علوم بيئية في عين شمس القاهرة وقاعده افكر اني اخذ تفرغ دراسي بس جم يخصمون من الراتب ؟ انا صارلي 9 سنين مدرسة في التربية طاح حظي وفكرت عقب قراراتهم التعسفية اني اكمل انشالله عشان اطلع من هالوزارة وكل مكان يقبلني لان التخصص مطلوب بكل مكان

ممكن مساعدة الله يخليج اشلون سجلتي ؟؟؟؟؟؟؟؟؟؟؟؟؟؟؟؟؟ شنو الطريقه..:lkmnkl:

 

[moony77]

طلعت شهادة الثانوية والجامعية وشهادة الميلاد من حولي ورحت الجوازات طلعت صورة طبق الاصل قلتلهم اني بكمل ورحت التأمينات طلعت ورقة تثبت اني اشتغل ورحت الخارجية صدقتهم وتالي السفارة المصرية صدقتها همن
وييت مصر وللحين اهنيه رحت المكتب الثقافي في السفارة الكويتية
عطوني كتاب عشان اطلع معادلة لشهادتي من المجلس الاعلى للجامعات ومقرها في جامعة القاهرة
واستلمت معادلة الشهادة بعد 10 أيام ورديت رحت المكتب الثقافي عطوني كتاب ترشيح للجامعة اللي انا ابيها
واليوم رحت الجامعة ( معهد الدراسات والبحوث البيئية ) وسويت كتاب بالتخصص اللي ابيه ووديته للعميد وقع عليه وقالي نطري يومين على ما يطلعلج القبول المبدئي

 

[moony77]

تقدرين ادشين منتدى طلبة الكويت في مصر راح يفيدج

http://q8002.com/vb/forumdisplay.php?f=5

 

[تعبتوني]

رد : رد: تجمع لحملة الماجستير والدكتوراه

انا بغيتها عشان مصاريف الدراسة عيل ما ابيها واي شهالوزارة باي الوزارات يتحملون المصاريف عشان يستفيدون من مخرجاتهم بعدين

انزين اجازة دراسية يصيرالراتب 700 تقريبا انزين اذا خذيت بس اجازة اداء اختبار هل ينخصم شي من الراتب ولا لا

اجازة اداء الاختبار 45 يوم يخصمون الكوادر وينزلج راتب اساسي وعلاوة اجتماعية قطيعه تقطعهم نتفونا

 

[تعبتوني]

رد : تجمع لحملة الماجستير والدكتوراه

بس تبين الصراحه ما اشجع الدراسة بمصر
انا كنت فيها وانحشت فيها ظلم ويطولون بالمده

 

[تعبتوني]

رد : تجمع لحملة الماجستير والدكتوراه

للرفع

 

[اللعبه]

تعبتوني ....اسدحي تجربتج في مصر ............وبغيت اعرف صج توقف القبول للماجستير في بريطانيا

وفي تسجيل في شهر يناير . يعني بعرف الاوقات اللي ممكن نقدم فيها؟؟؟؟

 

[salle]

رد : تجمع لحملة الماجستير والدكتوراه

تجمع رائع ومفيد ، صج كنت محتاجة هالتجمع من زماااان

يعطيكم العافية بنات خاصة الاخت Ameeeeera والاخت تعبتوني والأخت Dr .to be

بناااات هذا السؤال من زماااان ابي اعرف اجابته ، أنا خريجة جامعة الكويت كلية التربية تخصص لغة انجليزية دفعة 2007

تخصصي العام 2.87 ومعدل التخصص 2.85

أنا مجتازة كل شروطهم اللي كاتبينها ، بس شرط معدل التخصص !! هم كاتبين 3 نقاط !

تتوقعون هذا الشرط مهم ولا اهم شي المعدل العام ؟؟؟

أمانة جاوبوني على هالسؤال ، مافي شيء معلقني الا هالسالفة ؟

 

[salle]

رد : تجمع لحملة الماجستير والدكتوراه

وبنات اول مرة اسمع منكم عن نظام غير المقيدين ؟ شنو هالنظام ، هل يعني اذا كنت مو مجتازة المعدل اللي طالبين اسجل بنظام غير المقيدين لين ارفع معدلي بعدين اسجل بنظام المقيدين ؟؟

اي وحده عارفة عن هالنظام تفهمتي وتعلمني ، ولا تعطوني موقع الدراسات العليا لاني قريته بنات ، ابي معلومات اضافية منكم ، ومن تحربة

 

[moony77]

تعبتوني 45 يوم بس يخصمون فيها الكوادر ولا رواتب السنه كلها ؟

 

[moony77]

الواحد ماراح ياخذ الاجازة كلها بس بياخذ اسبوعين حق الاختبار في الكورس الاول والكورس الثاني اسبوعين بله ليش يخصمون الكوادر

 

[وحش الريم]

خوش تجمع عليكم بالف عافيه وما قصرتوا ,,,,,,
بنات انا باسال عن اختبار الايتلز منو سواه .....قالوا لي وايد اسها من التوفل وهل في دورات له
مشكورين........

 

[تعبتوني]

رد : تجمع لحملة الماجستير والدكتوراه

تجمع رائع ومفيد ، صج كنت محتاجة هالتجمع من زماااان

يعطيكم العافية بنات خاصة الاخت Ameeeeera والاخت تعبتوني والأخت Dr .to be

بناااات هذا السؤال من زماااان ابي اعرف اجابته ، أنا خريجة جامعة الكويت كلية التربية تخصص لغة انجليزية دفعة 2007

تخصصي العام 2.87 ومعدل التخصص 2.85

أنا مجتازة كل شروطهم اللي كاتبينها ، بس شرط معدل التخصص !! هم كاتبين 3 نقاط !

تتوقعون هذا الشرط مهم ولا اهم شي المعدل العام ؟؟؟

أمانة جاوبوني على هالسؤال ، مافي شيء معلقني الا هالسالفة ؟

الله يعافيج ياقلبي ومرورج هو الاروع

اي شروط تقصيدنها ماوضحتي ؟؟ اذا قصدج جامعة الكويت يدققون من قلب وراح يرودنج انا معدل التخصص 2.90 ونشبولي

ووقفوا في وجه طموحي :jumpon:

تمنياتي لكم بالتوفيق

 

[تعبتوني]

رد : رد: تجمع لحملة الماجستير والدكتوراه

خوش تجمع عليكم بالف عافيه وما قصرتوا ,,,,,,
بنات انا باسال عن اختبار الايتلز منو سواه .....قالوا لي وايد اسها من التوفل وهل في دورات له
مشكورين........

هلا حبيبتي الله يعافيج

انا سمعت انه اسهل بس صراحه ماجربته

جربت التوفل كان صعب

بس من جد وجد لا تهاونين

وبالتوفيق

 

[تعبتوني]

رد : تجمع لحملة الماجستير والدكتوراه

وبنات اول مرة اسمع منكم عن نظام غير المقيدين ؟ شنو هالنظام ، هل يعني اذا كنت مو مجتازة المعدل اللي طالبين اسجل بنظام غير المقيدين لين ارفع معدلي بعدين اسجل بنظام المقيدين ؟؟

اي وحده عارفة عن هالنظام تفهمتي وتعلمني ، ولا تعطوني موقع الدراسات العليا لاني قريته بنات ، ابي معلومات اضافية منكم ، ومن تحربة

ايواااا نفس ماقلتي اذا مو مستوفية الشروط تسجلين بنظام غير مقيد يعني بفلوس ورسوم لين تستوفين الشروط او ترفعين المعدل

وتحولين لنظام المقيد

بالتوفيق

 

[تعبتوني]

رد : رد: تجمع لحملة الماجستير والدكتوراه

تعبتوني 45 يوم بس يخصمون فيها الكوادر ولا رواتب السنه كلها ؟

يخصمون من ال 45 يوم ورواتب العطله حاشها الخصم بعد

شنسوي الشكوى على الله
هذا من زود التشجيع والتحفيز على الدراسة :denya:

 

[Ameeraaaaaa]

تعبتوني ....اسدحي تجربتج في مصر ............وبغيت اعرف صج توقف القبول للماجستير في بريطانيا

وفي تسجيل في شهر يناير . يعني بعرف الاوقات اللي ممكن نقدم فيها؟؟؟؟

هلووو حبوبة
لا تسمعين لوكالة يقولون
دخلي علي موقع
المكتب الثقافي الكويتي - لندن
وشوفي كل اللاعلانات
واذا عندج استفسار راسلي احد المختصين من اعضاء المكتب , راح يردون عليج وما يقصرون
وموفقة
))