شفتو أم بهالقساوه .. ؟!

[الحــــياة]

اولا حرام الجاهل شنو ذنبها تطقهاا وتحذفها

ومرت اخوج يعني صغيرة 20سنه ليما الحين ماتحكم بأعصابهاا وانفعاليه

بس صج يمكن اخوج غاثهاا المسكينه وانفجرت انتي حتى ماقلتيلناا شصاير عشان تطفر لهدرجه؟؟!!

الله يهديهاا

وياما ويامآآآآآآ نسمع ولانعلم اخواناا ولانتكلم مانبي المشاكل والواضيع تكبر جعلهم سعيدين وبس مانبي منهم شي

 

[đeɱɛɼɑ™]

ويي ياما كلنا من امهاتنا طق وتلسب
وكانا مافيننا الا العافية ودشينا جامعات وتخرجنا وعايشين حياتنا
حبيبتي انتي مووو تعقدين البنت وتبينين لها انه امها " شريرة "

انا ماا اقولج الام موو غلطانه
لااا غلطاااااانة وستين الف غلطآآنة بس صدقيني ماكو ام تكره عيآلها
ساعات الواحد ليه طلع عن طووره يقط خييط وخييط وما يشوف جدامه

وتذكري انه هذي بنتها البجر .. توها باول حياتها ومو متعودة عالتربية
ومع الوقت راح تتعود على تربيتها وانتوا تعاونونها بعد .. عيل شماله عمات
خلوا البنت قريبة منكم وخلوها تحس انه حياتها طيبة ومافيها الا كل خير

والله يهدي امها وابوها ويسخرهم لـ بعض وحقها
ويحفظها من كل شر​

 

[دمعه وهاجرت مني]

رد : شفتو أم بهالقساوه .. ؟!

الله يهديهاا ان شاء الله بس ضروري اتقوليين الاامج لاتسكتين باجر الياهل بتصير لها حاله نفسيه وسبب امهاا

 

[MoonDiamond]

حبيبتي منو امه ما طلعت حرتها فيه و اهو صغير ولا كبير !

عادي ترى يعني مارح تكونين تحبينها اكثر من امها او تخافين عليها اكثر من امها

و انتي بروحج اول شي قلتي .. شكو تقولنا عن مشاكلها

عيل خلاص معناته انتو ما تبون يكون لكم شغل بحياتها

يا حبيبتي ما تدرين يمكن ريلها حارها و قاهرها و مزودها معاها

و طلعت حرتها بوقت تبديل حفاظه هالبنت ميخالف ياما صارت امهاتنا جذي تطلع حرتهم فجأه فينا ولا في الخدم ولا في اي شي

معنى هذا ما يحبونا ؟ ولا ما يخافون علينا ؟


انتو لي شفتوها معصبه هدوها

وخروها عن البنت خل تقعد تريح اعصابها

بس بدون لا تزرعون بالبنت احساس ان امج تكرهج ولا ما تحبج ترى الياهل بسرعه يلقط و يستوعب

يعني قوليلها ميخالف ماما تعبانه تعالي انا ابدلج .. و خلي مرت اخوج تقعد تريح اعصابها و تسولف و تفضفض ترى تفضفضلكم عن اخوكم
احسن ما تروح تفضفض للغرب ! او لأهلها مثلا

انتو هذا ولدكم ستر و غطا عليه و بتعلمونها شلون تتعامل معاه و بتنصحونها و تمونون عليه اذا كلمتوه

و بعدين ترى البنت صغيره 20 سنه

اهي بروحها ياهل كلموها و عقلوها و علموها شلون تتعامل مع بيت و زوج و اطفال

ميخالف

هذا اللي كنت ابقوله
الريال من غير مايحس يطلع المره من طورها ويعيشها بضغط نفسي والله يخليها تغيب
بسبب كلام بس شلون لو يحكرها ويفشلها جدام احد ويطعن فيها؟؟!!!!!!!!!

اللي ايده بالنار مو مثل اللي ايده بالنار:eh_s(11):

ولاتقولين ماتبي تحمل عشان جسمها مانيكان
ما اعتقد
ترى الحمل مو شي سهل وهن على وهن الله المستعان
يمكن مو مستعده تحمل لا جسديا ولا نفسيا والريال مو مقدر هالشي

 

[قطوة@@]

رد : شفتو أم بهالقساوه .. ؟!

قلبها قااسي سوري بس و من من حرتي و مو كفو اعيال ..


لو شنو يصير فيج مو تقعدين تحطين الحره باعيالج .. و الله بعدين يتعقدون و تصير فيهم امراض نفسيه الله لا يقول
ما اذكر ولا مرة امي طقتني ولا طقه وحده من خواتي


و مرة ثانيه اذا كررت سالفتها لازم تقولين امج و اهي تتصرف معاها

و مرة ثانيه اذا غلطت على اخوج جدامج لاتزم توقفيتها عند حدهاا على شان ما تتمادى

 

[ToOoTi]

الله يهديها
يمكن مطنقرة من اخوج
او عليها ضغوطات جذي ولا جذي

 

[lovely jojo]

اعوذ بالله

 

[Maltesers]

رد : شفتو أم بهالقساوه .. ؟!

الله يهديها ويبعد عنهم المشاكل .. صج شي يحر حرااااام هذي ياهل مالها ذنب ..

انتي لي شفتيها رايقه وفايقه .. وتسولف عادي وتضحك قوليلها يا بنت الحلال بقولج شي بس لا تزعلين .. ترى ذاك اليوم حز بخاطري لمن شفتج تطقين بنت اخوي جدامي وانتي معصبة .. كسرت خاطري .. اذا تقبلت يكفي انج وصلتيلها المعلومه .. واذا ما تقبلت جنج عطيتيها انذار قبل لا تقولين حق اخوج او اهلج عشان يصحى ضميرها شوي حرام اليهال شكوووو !!!!

 

[Tom ♥ Jerry]

.

واااي شنو هاذا
و لا تقولين يا قلبي حق ولآ أحد
يمكن كآنت معصبه شوي
و انا مآ أقول انه الي سوته مو غلط
غلط بس هم لا تقولين حق أحد
أهيه بينهآ و بين نفسها اذا قعدت و هدت
رآح تفتشل من الي سوته و تعرف أنه غلط

 

[ربيانه مخصره]

إاااآي أنا قلت ماني قايله حق أحد
لأن يمكن بعدين تحس ما يندرى
بس المره الله يهداها محد سالم منها
أنا والله خفت أتحجى تعطيني وحده
والله إن مفشلتنا جدام أهلنا
مره متهاوشه مع بنات خالتي و مطلعه عليهم حجي
و مره متهاوشه مع حماة بنت عمتي تخيلو
و أخوي مسكين لعوزته ألف مره
أحس إن المره مو طبيعيه
قاصه ويهنا
بس هذا نتيجة الزواج عن حب
أخوي الله يهداها أهو إلي منقيها و الحين كلاها

 

[Nanoosa]

حياااااااااااااااتي

اسمحيلي بس ودي اطقها مرت اخوج

في ناس اعرفهم يتمنوووون ياهل صارلهم 4 سنوات من غير ياهل

انا اقول قولي حق اخوج دامه يغار عليها و يحبها ما ادري شنو

خل يكلمها على الاقل يمكن تسمعله و تستحي على ويهها

سوري بس تنرفزت عاد انا كلش ولا اليهال

 

[طالبة1990]

شدعوه عليكم بنات

هالسيناريو يتكرر في كل بيت

يعني توهموني انكم ناتسون بعيالكم اذا عصبتوا العن من اللي تسويه هالمره

 

[خاشووقه]

هذي جدامكم انتو العمات تسوي جذي ؟
صج مو كل تستاهل انها تكون أم

وشلون تسكتون عنها واهي تسب اخوكم جدامكم
عيل جدام اهلها شتقول ؟

 

[الجود دهن العود]

حبيبتي منو امه ما طلعت حرتها فيه و اهو صغير ولا كبير !

عادي ترى يعني مارح تكونين تحبينها اكثر من امها او تخافين عليها اكثر من امها

و انتي بروحج اول شي قلتي .. شكو تقولنا عن مشاكلها

عيل خلاص معناته انتو ما تبون يكون لكم شغل بحياتها

يا حبيبتي ما تدرين يمكن ريلها حارها و قاهرها و مزودها معاها

و طلعت حرتها بوقت تبديل حفاظه هالبنت ميخالف ياما صارت امهاتنا جذي تطلع حرتهم فجأه فينا ولا في الخدم ولا في اي شي

معنى هذا ما يحبونا ؟ ولا ما يخافون علينا ؟


انتو لي شفتوها معصبه هدوها

وخروها عن البنت خل تقعد تريح اعصابها

بس بدون لا تزرعون بالبنت احساس ان امج تكرهج ولا ما تحبج ترى الياهل بسرعه يلقط و يستوعب

يعني قوليلها ميخالف ماما تعبانه تعالي انا ابدلج .. و خلي مرت اخوج تقعد تريح اعصابها و تسولف و تفضفض ترى تفضفضلكم عن اخوكم
احسن ما تروح تفضفض للغرب ! او لأهلها مثلا

انتو هذا ولدكم ستر و غطا عليه و بتعلمونها شلون تتعامل معاه و بتنصحونها و تمونون عليه اذا كلمتوه

و بعدين ترى البنت صغيره 20 سنه

اهي بروحها ياهل كلموها و عقلوها و علموها شلون تتعامل مع بيت و زوج و اطفال

ميخالف

فعلا هذا الكلام اللي كنت بقوله انتي ماراح تحبيمها كثر امها أغلبنا نذبح عيالنا من الحره اللي فينا وبسرعه نندم لاتكبرين السالفه وتعلمين اخوج وامج ماله داعي

 

[ربيانه مخصره]

هذي جدامكم انتو العمات تسوي جذي ؟
صج مو كل تستاهل انها تكون أم

وشلون تسكتون عنها واهي تسب اخوكم جدامكم
عيل جدام اهلها شتقول ؟

أنا احتريت بغيت اسكتها:jumpon:
بس أقولج مااااآكو لسان
تخرع يماااآه والله إلي حتى أهلها ما اسلمو منها
هالمره مو صج
بس خليها الله يحاسبها ​

 

[سمبتيكة]

الله يهديها ان شاءالله

 

[دلوعة أبوهآ]

ياويلها من الله اذا تطلع حرة زوجها في بنتها
هي شدخلها المسكينه .!
مره ثانيه لاتسكتين لها
قولي لامك قولي لاخوك لاي احد يتصرف
اذا هي ماعندها قلب ولا رحمه خل غيرها يرحم البنت

 

[@نداوي@]

رد : شفتو أم بهالقساوه .. ؟!

ياااي ياحراام
اي والله في ناس شفقانين على الياهل وهذي
اعووذي بالله .. شلوقحه

 

[Deeep]

رد : شفتو أم بهالقساوه .. ؟!

الله يعين البنت عالام
عشنا و شفنا والله
بس انا اقول قولي حق اخوج و باسلوب هادي
عشان اهو بعد لا يعصب عليها و تزيد المشاكل
شذنب هالبنت الفقيرة والله حرام عليها حرام

 

[Little_Queen]

بنات ترى حدكم مسوين فلم عربي و محسسيني ان الام مسكت البنت حذفتها اسمالله عليها من الدور العاشر !

صورتوها انها شيطان بصوره مره

و موو كفو ياهل


حتى اللي متشفقين عاليهال .. من اييهم ياهل لازم يطفرون منه

بيصرخون عليه

و يزفونه

و يطقونه

هذي الحياه !


كل اليهال ينطقون شدعوه عليكم انتو كلش ما انطقيتو بطفولتكم ؟؟؟؟؟؟؟؟؟؟؟؟؟؟؟؟ !! اهلكم ما زفوكم ؟؟؟؟؟


و بصراحه الياهل ساعات يكون محتاج انظباط فلازم الصراخ و الزف و الطق الخفيف غير الموذي

و البنت مالنا شغل باخلاقها ولا لسانها لا تدخلين سالفه بسالفه

اذا مرت اخوج .. ماكانت مرت اخوج

كانت رفيجتج

هل كنتي بتقولين نفس الحجي ؟ ولا بتقولين .. يمكن ريلها صج كان مأذيها ؟


ترى عادي حبايبي يعني لا تكبرون السالف

اعرف وحده 15 سنه تتعالج عشان الحمال و اليهال و محد كان متشفق عاليهاااااااال اكثر منها

و عقب ال15 سنه حملت وولدت و يابت بنت

و سنه كامله و اهي توفي نذور نذرتها طووووووووووووووووووووول 15 سنه .. من صدقات .. من عزايم .. من توزيع اكل و حلاو .. من توزيع ملابس عالفقارى ..

عبالج ما تطق و تزف بنتها ؟ هذا و اهي بنت وحيده 15 سنه ناطرتها !

تزفها و تطقها طققققققققققق اليهد لان البنت شيطانه ! تبين تقنعيني ان المره مو زينه ولا تكره بنتها ؟

الله العالم شنو بقلب هالمره و شكثر طيبه و شكثر تمووووووووووووووووووووت على بنتها و تعبدها ..

بس تدري ان اذا دللتها و عطتها ويه زياده عن اللزوم بتفسدها خصوصا ان الابو مو وايد شديد ولا عنده كنترول عالبيت .. و ملوع جبد مرته