السلام عليكم
حابة انضم للتجمع بما اني مطلقة وعندي ولد وبنت اتمنى اني اكون خفيفة على عليكم
كم دام زواجك؟
7 سنوات
هل تظنين أنك غلطتي وأنك سبب الطلاق؟
لا
حاسه بالظلم ؟
واااااااااااااااااااااااااااااااااااااايد وبشكل مو طبيعي
شنو أكثر شي مضايقك بعد الطلاق؟
كلمة مطلقة اللي مجتمعنا مو راضي يفهم ان في وايد مطلقات مالهم ذنب وانظلموا
تشتاقين له وتتمنين تردين له ؟
لا .. الله لا يعودها من ايام
شنو أكثر شي ندمتي عليه وعطي نصيحتج لنا؟
ندمت على عمري اللي ضاع مع انسان ما قدرني
وأترك لك المجال تختارين السؤال الي في بالك وتجاوبين عليه بصوت عالي ؟
امممم... ماعندي سؤال حاليا
وخلوني الحين اقولكم قصة طلاقي باختصار..
في البداية زواجي كان زواج تقليدي عن طريق معارفنا و اول زواجي طبعا كان سمن على عسل بس اطباعه كانت صعبة
شوي وحاولت مع الوقت اني اتأقلم معاه.. حملت بعرسي و ولدت ويبت ولدي الله يخليه لي ان شاء الله وبالاربعين حملت
ويبت بنوتة حلوة واهني بدت المشاكل بما ان زوجي كان يحب الحداق فكان ما يقعد بالبيت اللي بالسنة حسنة واذا ما طلع
حداق يلعب كورة مع ربعه وانا كنت ساكنة عند حمولتي وكنت ادرس وماعندي خدامة المهم كملت بنتي سنتين وبعدها تخرجت
و توظفت وقلت اطلع بشقة بروحي لان المكان ضاج علي ما اكن عندي الا غرفة وحمام عزكم الله وصالة حتى الوجبات كنت
انزل اكل معاهم .. طلعت بشقة وكانت طايرة فيها ويبت خدامة وبلشت معاناتي اكثر معاه ما اكن يقعد بالبيت وما اشوفه
وعياله ما يشوفونه الا عالاكل وما يمديني اشيل السفرة الا اهو لابس وبيطلع طبعا ويييييييييييين؟؟؟ عند اهله وما يرجع الا
الفير عالساعة 4 او 5 اكون انا توني قاعدة وهذي حالتي كل يوم غير الاعتماد الكلي على معاشي وكان انسان بخيييييييل
بشكل مو طبيعي عينه على لقمتي انا وعياله وغير التحكم اللي كان يصير بحياتي من اهله يعني يحددون نوع جنسية الخدامة
مثلا وغير وغيره من الشغلات ..بس الشي اللي وقفت عنده وقلت ستووووووووووب اهني ابي اطلق السالفة اللي صارت لي
وانا بالدوام دق علي وانا قاعدة اطلب بضاعة من موقع بالنت وقعد يسولف معاي من تلفون البيت لين اتصل ارفيجه عليها وتم
وتم يكلمه وانا معلقني عالخط مال البيت المهم وانا قاعدة اطلب البضاعة قاعدة اكتب اللي طلبتهم عشان اجيك عليهم لما
يوصلون ما اشوف الا اللي رفع السماعة ويصرخ انتي منو تكلمين ومنو قاعد يمج اكيد واحد من الشباب يمج والحلو
ان دوامي يم شقتي يعني ابطل دريشة البيت على الدوام قلت له الحين اتييني الدوام وتشوف منو يمي وادخل على رئيس
قسمي واساله منو دخل علي اليوم في احد قعد معاي لان مكتب رئيس القسم قبال مكتبي فيشوف اللي يروح وايي المهم
قعد يصرخ ويسب وقالي ما تردين عندي ما ابيج جان اقوله شوف يا ولد الناس انا اللي تحملتك وتحملت سوالفك واطباعك
انسان بخيل وشكاك ومريض نفسي ومعقد وسكت قلت ميخالف عندي منه عيال باجر يتغير وغير سوالف بنات ابليس اللي
كنت اشوفهم وطحت عليه ونكر مع ان تلفونه مادري شلون .. المهم قلت له شوف كل شي ارضى انك تسويه فيني الا
انك تطعني بشرفي لي اهني وحدك عاد وعيب عليك تتحجه عن مرتك وعرضك وام عيالك وطلبت الطلاق طبعا حاول
معاي اني ارجع بس انا كنت ارفض لاني ما قدرت اتحمل الكلام اللي قاله عني المشكلة ما اعتذر لا عدت السالفة عنده
وكانه مو مسوي شي طبعا صارت احداث وااااايد وكل يوم يطلع لي بقصة عشان ارجع بس انا كنت ارفض والمشكلة
انه غلطان ويتشرط اهو اللي حاط الشروط وغيره وغيره.. اخذ مني عيالي 3 شهور ما شفتهم ولا كلمتهم وكل ما ا
اقوله ابي اكلمهم يطلعلي اعذار واهله صافين معاه كنت اروح المدرسة الناظرة والوكيلة يقولون لي عمتهم ما ترضه
تشوفينهم .. نعم ؟؟ ليش انا شكو بعمتهم انا امهم ابي اشوفهم وطلعت من المدرسة وانا مقهورة ومكسورة ابي عيالي
اهو عمره ما دره عنهم ولا شي الحين باخذهم مني ؟؟
طلعت من المدرسة وقلت حسبي الله عليك ونعم الوكيل فيك وما مداني طلعت من مواقف المدرسة الا المدرسة داقين علي
قالولي ابوهم وافق تشوفينهم رحت و اول ما يابو عيالي طبعا ولدي ركض وقعد يبجي علطوول قالي برجع معاج ما ابي
بابا وبنتي من الصدمة اوقفت مكانها اناديها ماتيي لين انا سحبتها ويبتها وقعدتها بحضني وقررت عقبها اني ارفع قضية
بالمحكمة واطلب الطلاق والحمدالله تطلقت لا تستغربون اي فعلا الحمدالله تطلقت انا اللي قلته لكم نقطة في بحر من اللي
عشته واتمنى اني اكون ما طولت عليكم
وسامحوني
