تجمع اللي عندها ولد أو بنت بتمه هههههههه ؟؟؟؟؟؟

[عاليه 305]

السلام عليكم ورحمة الله وبركاته


شلونكم شخباركم



طبعاً الموضوع مبين من عنوانه

:lkmnkl:
اللي عندها أحد من عيالها بتمه أو قاعد يزيد وزنه لازم نحافظ على رشاقة عيالنا :rerrerek:
يعني نساعد بعضنا البعض وكل وحدة تفيدنا بالأطعمة اللي ما تزيد الوزن وتجارب البنات ومحد يقصر ان شاءالله ​

 

[أم نوفا]

رد : تجمع اللي عندها ولد أو بنت بتمه هههههههه ؟؟؟؟؟؟

يالله ايدي على كتفك انا عندي ولد سمين 12 سنه وبنت توو بادية 9 سنوات

 

[عاليه 305]

رد : تجمع اللي عندها ولد أو بنت بتمه هههههههه ؟؟؟؟؟؟

اب اب

 

[ميوما]

انا بنت اختي شوي متبتبه

كل مره اكلمها مو راضيه @@

مو عارفه شلون اقنعها

اهيه بـ ثانيه ابتدائي

 

[أم نوفا]

اب اب

 

[عهود الحب]

رد : رد: تجمع اللي عندها ولد أو بنت بتمه هههههههه ؟؟؟؟؟؟

ولي الأمر قدوة لعياله
اذا الولد او البنت شاف الام و الابو مهتمين بأكلهم
وما ياكلون الا شي صحي و يبتعدون عن المطاعم
راح يفكرون يقلدونهم
انا وديت بنتي لطبيب تغذية [ محمد ربيع ]
و اهي برمضان كله تزيد بس هالسنة الحمدلله نزلت وزنها شوي
مع انها ما تعتبر متينة بالعكس مليانة شوي بس وزنها مو طبيعي
وانا محافظة و احرص على بناتي من الحين
احسن من يتعذبون بعدين مثل ما انا تعبت
شلون خليتها تقتنع تسوي ريجيم
باختصار سويت انا ريجيم برمضان و شافتني صج محافظة و احاول
فصار عندها مبادرة للريجيم
و الحمدلله انا قاعدة اشجعها و ناوية اكمل معاها الين ينزل وزنها للطبيعي

حرام انا قلبي يتقطع عالاطفال الي يعانون من مشاكل صحية بسبة البدانة
احنا خل نصارح روحنا ترى السمنة تبدأ من البيت

البيت اذا كله مطاعم و اكل مو صحي
شلون الطفل بيكون طبيعي ؟
حتى لو كان مو متين بتكون صحته تعبانة


نصيحة شوفوا برنامج سوبر سايز ميل عن بلاوي وجبات السريعة و راح تكرهونها

 

[عاليه 305]

رد : رد: تجمع اللي عندها ولد أو بنت بتمه هههههههه ؟؟؟؟؟؟

صاجه اخت عهود الحب الصحة والسمنه تبدي من البيت وأنا عن نفسي ما أشتري وجبات سريعة إلا نادر لأن لبغت بنتي وجبه سريعه سويت لها وجبه في البيت وأحلى من المطاعم بعد وإذا على الهدية اللي من المطعم ما أقصر شبعانه من الهدايا بس هي والله فيها شوي زيادة وزن وجسمها قابل للسمنه ويمكن وراثة بس مومني لأني رشيقة والحمدلله ومشكورة على المشاركه الحلوة يا اخت عهود الحب

 

[حبة خاله]

السلام عليكم ورحمة الله وبركاته


شلونكم شخباركم



طبعاً الموضوع مبين من عنوانه

:lkmnkl:
اللي عندها أحد من عيالها بتمه أو قاعد يزيد وزنه لازم نحافظ على رشاقة عيالنا :rerrerek:
يعني نساعد بعضنا البعض وكل وحدة تفيدنا بالأطعمة اللي ما تزيد الوزن وتجارب البنات ومحد يقصر ان شاءالله ​

مشكوره على هالموضوع
آنا أحب أقولكم تجربتي عندي ولد بثالثه ابتدائي والله كان ذابحني يعني لازم يكون يلبس سايز8 واهوه يلبس سايز12 والله مينني ما أشتريله بنطرون الا وشوي ما يتسكر عليه قاموا بالمدرسه يعيبون عليه وخواتي وعماته بعد
ذاك اليوم ياب الشهاده الا ودرجاته مرتفعه قلت له شتبي هديه قال ابي آي بود قلت له اشرايك بالقاري قالي لا يمى حوشنا صغير وما يونس قلت له اشرايك آخذك كل يوم الممشى آنا أمشي وأنته بالقاري تروح وترجع قالي وناسه يالله
قمت كل يوم أخذه الممشى تقريبا ساعه الا ربع وساعات أخته وساعات أخوه ياخذونه مع السايق وقمت ما أييب آيسكريم ولا كاكاو للبيت وشريت الكاكاو المني أنواع وايد كل يوم ينقي له واحد وطبعا مخشوش في داري والا النفس تضعف أدري ومره وحده بالاسبوع وجبات سريعه ومسكين اذاطلبنا يطلب وجبة أطفال من عقب البق ماك واذا ماشبع ياخذله سلطه أما غداه وعشاه حاله من حالنا ما نسوي له شي مخصوص خلال شهر تبارك الرحمن خق خقه والحين رد يلبس سايز8 وطاحت بجبدنا هدومه
عاد عيالي معروفين يموتون على اللقيمات عاد تقول له امي ما كليت أكل يقول لها لا يما أخاف أخاف واي يشوق
وتوته توته خلصت الحتوته

 

[منانا]

انا ماعندي يهال متاان طبعا

بس مشالله شفت وحده بنتها سمالله متينه وعقب فتره شفتها ضعفانه مشالله تقول سوتلها ريجيم


بس حرام يهال ما يتحملون ريجيم بس شغلات لو تيوونها راح تلاحظون فرق

مثلا الجنك فود الوجبات السريعه اخصائيه التغذيه تقول ما يصير اكثر من مره بالاسبوع

وحاولو ان تقللون كميات اكلهم وتراقبون النوعيات

يعني لا تكون كلها حلويات ودهون

لان بالمستقبل صعب تسيطرون على اوزانهم

والكويت اكبر دوله بنسبة السمنه 70 % من البالغين

ديرو بالكم والله يعينكم :yaaaaaarb:

 

[عاليه 305]

رد : تجمع اللي عندها ولد أو بنت بتمه هههههههه ؟؟؟؟؟؟

اب اب نبي تجارب الامهات مع عيالهم