رد : إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥
السلام عليكم
الف شكر لج اختي على هالتجمع وهالموضوع اللي الوحده تقدر تقول اللي بقلبها
انا عن نفسي ما اقدر اتكلم عن مشاعري لامي او لابوي واخواني وخواتي لانهم حيل حساسن من ناحيتي ويتضايقون علي حيل
انا قصتي اني تزوجت من تسع سنوات
وما اتمنى ارجع له نهائي لاني احس بطلاقي اني انولدت من جديد
عندي ولد بالابتدائي والله مارزقني غيره والف حمد وشكر له لانه مارزقني خيره لي عشان ما اتلعوز بالجهال
تزوجت وانا باخر سنه بالثانوي وحملت من اول يوم وكنت اروح للامتحانات وانا وحام وتعبانه من حظي الزفت اني توحمت فيه وباهله ومن قرادتي واضغط على نفسي واجلس معاهم
لاجيت اقعد معاهم طلعوا وقاموا عني وخلوني بالمجلس بروحي
لادخلت شقتي طلعوا واسمع سوالفهم وضحكهم
حتى لا جلست معهم وسولفت كم سالفه يقلبونها علي ويقولون له زوجتك تمسخر علينا ويعلم الله اني ماني من هالنوع وما احب اتمسخر او اضحك على احد اخاف الله يعاقبني بعيالي
ويجي يهاوشني ومايسمعني مثل مايسمعهم لانه دايم يقولي اهلي مايكذبون وانتي ولاشي كنت صغيره واسكت وما اعلم حتى امي بسوالفهم اخاف اضايقها وهي بروحها ضغط وتعبانه
فصرت اجلس معهم وانا ساكته اذا صادفت احد جالس بالمجلس فيقولون له حرمتك بس ساكته خل تجلس بشقتها ابرك لها
طبعا يجي ويسمعني كلامهم وهو شخصيته حيل ضعيفه هم الصادقين وانا الكذابه مع ان عمري ماقلت له قالوا او سووا عشان ما اضايقه ويقول حنانه وراعية مشاكل وهو مايجي يسمعني مثل مايسمعهم
وصرت اجلس بشقتي صاروا يقولون له حرمتك مو اجتماعيه وبس حابسه نفسها بشقتها وهو للاسف مايفكر انه هم اللي قالوا خل تجلس بشقتها احسن للاسف مستحيل يفكر اهم شي اهله
وحماتي الكبيره عمرها 40 ومو متزوجه وحاطه حرتها فيني تحرش وتشيش وتدخل غرفتها كانها مو مسويه شي موتها وسمها لاشافتنا طالعين او نضحك مع بعض
قصتي طويله وبكملها لكم ان شاء الله
بكمل لكم
طليقي من النوع اللي مايحب يصرف شي وكل شي عنده مو ضروري ومو لازم ولو اطلبه شي يقول مسرفه
مارضى اولد بمستشفى خاص مع اني بجر عشان الفلوس ورضيت وعقب ولادتي ماجاء الا اربع مرات طول فترة نفاسي
وحتى هديه ماجاب لي وامه وخواته ماجوا الا مرتين امه جت وكل وحده من خواته جت مره والكبيره ماجتني خير شر
بعد طلعتي الاربعين سفروا خدامتهم وجابوا مؤقته وصارت لا رحت لاهلي يوم زوارتي تودي الخدامه للمكتب تقول مو عاجبتني وانا اجي من اهلي بالليل والناس نايمه وسيده على شقتي ما اشوف احد الكل نايم وولدي كان ليله كله بجي ماينام الا الصبح
وزوجي للاسف ماقال لي ان الخدامه رجعوها راح لدوام الصبح وشافني ان للحين سهرانه مع ولدي ونمت بعد ماراح قعدت على الساعه 1 الظهر لاني الليل كله سهرانه جاء هايج ليش ماسويتي غداء مع اني من جيتهم ما اشتغل واكلنا مع اهله
وتهاوشنا على هالسالفه وكل يوم صرت اطبخ مع ان والله العظيم ببيت اهلي ماكنت اسوي شي ادق على امي واقولها شسوي وهي تعلمني اخرتها تقول لي لا طبختي عاد انا مشتهيه ناكل اليوم من المطعم والاكل للاسف بالزباله تكرمون
وكم يوم وهي تسوي فيني جذي ومرات تقول مو مشتهين بس تبي تسوي مشكه من لا شي
والله كنت اسكت واقسم بالله العظيم ماكنت اشكي قلت مصيره يحس لان كل شي قدامه بس هو من ناحيتهم كانه لا ارى لا اسمع لا اتكلم بس رجال علي
صارت مشاكل وزعلت تسع اشهر عند اهلي طلبت شقه بروحي رجعت بعدها
وكنت ادرس بالكليه كان معاشي 50 دينار تصدقون وكنت ساكته وراضيه حتى ولده ماكان يشتري له شي غالي دايم يدور الرخيصمارضى يجيب لي خدامه وامه كانت تهاوش ان ولدي ينام عند اهلي تقول زوجتك بس تبي تقابل اهلها خل ولدها عندنا قسم بالله قطعت الحليب السميلاكعنه وهو بالسنه وشهرين وصرت اعطيه كي دي دي بالمميه كنت اروح الساعه 6 للكليه عشان الزحمه والله ابوه كان يعطيه المميه ولاجيت عزكم الله البامبرز مليانه وجدته ماتغير له تنتظرني اجي من الكليه تبي تحدني اني اتركها وما اكمل دراستي
وبعدها ملت قالت خل زوجتك تودي ولدها لاهلها انا عاجزه عنه تبي تنام
وفعلا كنت الساعه 5 ونص الصبح قسما بالله العظيم اوديه لاهلي وهو اللي كان يودينا ويرجع ينام وانا ماجره سايق يوديني الكليه ب35 دينار يعني يبقالي من معاشي ال50 دينار 15 دينار بس اصرف فيها على نفسي وكنت ساكته وحامده الله وشاكرته كنت اقول الفلوس مو كل شي وان شاء الله اخلص دراستي وارتاح بمعاشي
تعبت والله وانا اكتب واتذكر الاحساس بالظلم شي فظيع
ان شاء الله بكمل قريب
