منو فيها جرثومه المعده .... الله يخليكم ؟؟؟؟؟؟؟؟؟؟؟؟

[ام الحلوووين]

السلام عليكم "

بنات عفيه منو كان فيها جرثومه المعده وتشافت حق منو راحت ابي عن تجربه

مابي احد سمع او شي

ابي عن تجربه لان صج تعبت وذبحني العوااااار :eh_s(11):

 

[تنآهيد ..~]

أنا كآنت فيني جرثومه بآلمعده وآلحمد لله تشآفيت
ع آلله ثم على دكتور عمآد بـ دآر الشفآء مآشآء آلله عطآني كورس علآج ومشيت عليه
وآلحين جني جذآبه مآ آشتكي من ولآ شي لله آلحمد
روحي له وإدعي لي

 

[خباري مطر]

رد : منو فيها جرثومه المعده .... الله يخليكم ؟؟؟؟؟؟؟؟؟؟؟؟

الله يشفيج حبيبتى انا حاسة فيج
لانى العام حاشنى عوار مو طبيعى بالمعده رحت مستشفى الفروانيه سويت سونار ومنظار معده وما عطانى الدكتور لا موعد ولا كرت مواعيد ولما طلعت النتيجه رحت له وما كان موجود واسال الاستقبال يقولون ما ندرى والله يا بنات انى ابجى من العوار ودازينى على الكرسى قلت ما بدهاش اروح دكتور خاص احسن مادحين لى اياد الرويح رحت له خوش دكتور معاى تحاليلى كلها وقال لى هذا التهاب بالمعدة عطانى علاج والحمدالله تشافيت وما تشوفين شر وطمنينا عليج

 

[Loutes]

رد : منو فيها جرثومه المعده .... الله يخليكم ؟؟؟؟؟؟؟؟؟؟؟؟

انا جتني
عادي مضادين حيويين
ومضاد حموضة وما تشوفين شر :bye22:

 

[شندوخه]

رد : منو فيها جرثومه المعده .... الله يخليكم ؟؟؟؟؟؟؟؟؟؟؟؟

اول شي لازم تروحين لدكتور جهاز هضمي
واهوا من الفحوصات يشوف اذا فيج جرثومه ولالا
وممكن ماتكون جرثومه التهاب بالمعده بس لان الاعراض متشابهه
بس لازم تروحين لدكتور مختص بالجهاز الهضمي

 

[ام الحلوووين]

:aha:

فديتكم

الله يعطيكم العافيه

وماتشوفون شر انشالله

دكتور عماد اول مره اسمع فيه واياد الرويح مدحوه لي بشوف وبروح لان صج عوار فجاه وفجاه يروح ويرد

:eh_s(2):

 

[وردي وفوشي]

الله يشافيج وشفي جمبع مرضاه
انا اختي فيها جرثومه وانتي لازم تسوين منظار عشان تعرفين انها جرثومه
وهي علاجها علي حميد لمدة 10 ايام

 

[a7La DLoO3a_07]

رد : منو فيها جرثومه المعده .... الله يخليكم ؟؟؟؟؟؟؟؟؟؟؟؟

السلام عليكم "

بنات عفيه منو كان فيها جرثومه المعده وتشافت حق منو راحت ابي عن تجربه

مابي احد سمع او شي

ابي عن تجربه لان صج تعبت وذبحني العوااااار :eh_s(11):

صباااااااح الخير ام الحلوين شلووونج....

انا صااارت فيني قبل 8 شهووور وكااان فيني عواار بالمريء حيييل وحيل تعبت ومده علاااااجي3 شهووور لانهاا كان قويه حيل ومرتفعه والحين الحمدلله جني جذااابه

انصحج بدكتور احمد عواد الفضلي بمركز العيادات التخصصيه 22650700
[/COLOR:eh_s(9):

 

[مل قلبي]

انصح باحسن دكاترة في الجهاز الهضمي عن تجربة الدكتور احمد الفضلي ود. اياد الرويح خبرة اكثر من 10 سنين مع دكاترة الجهاز الهضمي ونصيحة لازم تسوين منظار واخذ عينة لان عمتي كانت تعاني من الم في المعدة وقالوا لها انها جرثومة في المعدة وتاخذ علاج ومضاد ات قوي بدون اي تحسن وحالتها للاسوأ لمدة 8 سنوات لما صارت جلد على عظم وتشخيص كان غلط لانها ماسوت منظار عند د. العصفور لما طاحت من طولها راحت لدكتور احمد الفضلي قال لها اللي فيج مو جرثومة ولااعراضها اللي فيج مرض الكرونز ( التهاب في الامعاء ) ولما سوا لها منظار لقى عندها انسداد في الامعاء وسويلها عملية استئصال للمكان اللي في الانسداد في الامعاء والحين للله الحمد ردت صحتها وزنها مع علاج د.احمد الفضلي
واختي نفس المرض فيها الظاهر وراثة بس تشخيصها كان صح من الاول انها راحت لدكتور اياد الرويح وسويت عمليتها في لندن وتقول الدكتور اللي طلع كلامة نفس دكاترة لندن ونفس علاجهم هو د.اياد الرويح مع افترت في الكويت على اكثر من دكتور وكلهم علاجهم غلط
واسأل الله العظيم رب العرش العظيم ان يشفيج

 

[عسووووولة]

رد : رد: منو فيها جرثومه المعده .... الله يخليكم ؟؟؟؟؟؟؟؟؟؟؟؟

اب اب اب