رد: رد : إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√
بكمل لكم
طليقي من النوع اللي مايحب يصرف شي وكل شي عنده مو ضروري ومو لازم ولو اطلبه شي يقول مسرفه
مارضى اولد بمستشفى خاص مع اني بجر عشان الفلوس ورضيت وعقب ولادتي ماجاء الا اربع مرات طول فترة نفاسي
وحتى هديه ماجاب لي وامه وخواته ماجوا الا مرتين امه جت وكل وحده من خواته جت مره والكبيره ماجتني خير شر
بعد طلعتي الاربعين سفروا خدامتهم وجابوا مؤقته وصارت لا رحت لاهلي يوم زوارتي تودي الخدامه للمكتب تقول مو عاجبتني وانا اجي من اهلي بالليل والناس نايمه وسيده على شقتي ما اشوف احد الكل نايم وولدي كان ليله كله بجي ماينام الا الصبح
وزوجي للاسف ماقال لي ان الخدامه رجعوها راح لدوام الصبح وشافني ان للحين سهرانه مع ولدي ونمت بعد ماراح قعدت على الساعه 1 الظهر لاني الليل كله سهرانه جاء هايج ليش ماسويتي غداء مع اني من جيتهم ما اشتغل واكلنا مع اهله
وتهاوشنا على هالسالفه وكل يوم صرت اطبخ مع ان والله العظيم ببيت اهلي ماكنت اسوي شي ادق على امي واقولها شسوي وهي تعلمني اخرتها تقول لي لا طبختي عاد انا مشتهيه ناكل اليوم من المطعم والاكل للاسف بالزباله تكرمون
وكم يوم وهي تسوي فيني جذي ومرات تقول مو مشتهين بس تبي تسوي مشكه من لا شي
والله كنت اسكت واقسم بالله العظيم ماكنت اشكي قلت مصيره يحس لان كل شي قدامه بس هو من ناحيتهم كانه لا ارى لا اسمع لا اتكلم بس رجال علي
صارت مشاكل وزعلت تسع اشهر عند اهلي طلبت شقه بروحي رجعت بعدها
وكنت ادرس بالكليه كان معاشي 50 دينار تصدقون وكنت ساكته وراضيه حتى ولده ماكان يشتري له شي غالي دايم يدور الرخيصمارضى يجيب لي خدامه وامه كانت تهاوش ان ولدي ينام عند اهلي تقول زوجتك بس تبي تقابل اهلها خل ولدها عندنا قسم بالله قطعت الحليب السميلاكعنه وهو بالسنه وشهرين وصرت اعطيه كي دي دي بالمميه كنت اروح الساعه 6 للكليه عشان الزحمه والله ابوه كان يعطيه المميه ولاجيت عزكم الله البامبرز مليانه وجدته ماتغير له تنتظرني اجي من الكليه تبي تحدني اني اتركها وما اكمل دراستي
وبعدها ملت قالت خل زوجتك تودي ولدها لاهلها انا عاجزه عنه تبي تنام
وفعلا كنت الساعه 5 ونص الصبح قسما بالله العظيم اوديه لاهلي وهو اللي كان يودينا ويرجع ينام وانا ماجره سايق يوديني الكليه ب35 دينار يعني يبقالي من معاشي ال50 دينار 15 دينار بس اصرف فيها على نفسي وكنت ساكته وحامده الله وشاكرته كنت اقول الفلوس مو كل شي وان شاء الله اخلص دراستي وارتاح بمعاشي
تعبت والله وانا اكتب واتذكر الاحساس بالظلم شي فظيع
ان شاء الله بكمل قريب
يا حياتي قولي الحمدلله على كل حال والله يسخرلج ولدج ويصلحه ويجعله من الذرية الصالحه
ادعي دايم ان الله يرزقه وحده مثله ومن مستوا اهله عشان يعرفون قدرج وشلون كنت متحملته
حبيبتي الي مثله اسمحيلي ما يعتمد عليه بشي دام اهله اهم الي يمشونه وما منه فايده ولا اهو كفو يفتح بيت
ويسير عنده اعيال ويكون قد مسؤوليتهم
الحين خلي اهتمامج كله بنفسج وبولدج لا تخلين كوابيس ذكريات الماضي تاثر عليج
واذا للحين تدرسين كملي دراستج وحاولي توصلين لاعلى المراتب ولا ترضين بالقليل دايم اطمحي للاحسن
عشان تقدرين تشيلين نفسج وولدج وتلبين كل احتياجاتكم وكل ما تتمنين وحاولي انج تنسين الماضي تر اذا تفكرين بذكرياتج معاه واشلون اظلمج ما راح تقدرين تتقدمين ولا بجزء بسيط بحياتج ولا راح توصلين للي تبينه خلي تجربتج القاسيه وياه تكون الدافع انج تكونين احسن
حبيبتي والله ان الي مريتي فيه مو شويه بس ما لنا غير قول الحمدلله على كل حال قولي(( اللهم يا مبدل الاحوال من حال الى حال بدل حالي الي احسن حال وارضني بقضاءك وقدرك))
ياارب تسعد كل وحده فينا وتكتبلنا الاحسن
