اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي انساااه

[احبببه]

بنات حدي تعبانه مادري شقول مادري شخلي حيل تعبانه حيل مصدومه ودي اموت ولا يقرب هاليوم يابنـااااااااااات


حبيبتي بيتزوج :eh_s(11):

بنات احبه اموت فيه

ماقدر اعيش بدونه

انام على صوته

اقعد على صوته

اطلع معاااااه

اشكي له

يشكي لي

ينصحني
وانصحه

يقومني اذا قلت له قومني هالحزه

وانا اقومه متى مايبي يقوم

نسولف

نضحك

نتغشمر

نزعل

نتضايق

نستانس

نبجي

نشكي

كله مع بعض كل شي بيروح لغيري اااااااااااه حيل تعبانه

ابيه والله ابيه بنات نار بداخلي

تكفون لاتجرحوني الله يخليكم والله الكيبورد كله دمووووووووووووووع الله يخليكم هونوا علي وقولو لي شلون انسااااااااااااه

ابي انساه ابي اعيش حيااااااااااااتي جربت انساه ماقدرت تكفون انصحوني الله يخليكم احبه بناات احبه حيل والله بجنون احبه شي لايوصف خيال :eh_s(11):


الي حبيبها تزوج مثلي تقولي شنو سوت وشلون عشان تنساه شلون نسته شلون عاشت حياتها بدونه

 

[رولكس ذهبيه]

حبيبتي مافيه شي يسوي

انا ماعرف اسباب تركه لج بس يمكن خيره لج الله حافظج من شي بيسير معاه

وصدقيني ارجعي لله واعرفي ان الانسان مايسير يتعلق بشي اكثر من الله سبحانه ورسوله

والله بيعوضج واحد احسن منه بشرط تطلبين من الله وتدعين بالرجل الصالح اللي يعوضج

واحنا الحين بايام فضيله صلي القيام وادعي الله يعوضج ويحفظج

الله يستر عليج

 

[احبببه]

رد : رد: اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي

حبيبتي مافيه شي يسوي

انا ماعرف اسباب تركه لج بس يمكن خيره لج الله حافظج من شي بيسير معاه

وصدقيني ارجعي لله واعرفي ان الانسان مايسير يتعلق بشي اكثر من الله سبحانه ورسوله

والله بيعوضج واحد احسن منه بشرط تطلبين من الله وتدعين بالرجل الصالح اللي يعوضج

اي والله صاجه المفروض ماتعلق باحد كثر الله

بس الشكوى لله الله يعيني ويصبرني

 

[lailosh]

الدنيا تنسيج شغلي نفسج
وانتي مو واقفه عليه مثل ماهو خذا نصيبه انتي بتاخذين نصيبج وتنسين او راح يكون لج ذكرى لا اكثر ولا اقل

وعاشر من تعاشر فلا بد من الفراق

 

[احبببه]

رد : رد: اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي

الدنيا تنسيج شغلي نفسج
وانتي مو واقفه عليه مثل ماهو خذا نصيبه انتي بتاخذين نصيبج وتنسين او راح يكون لج ذكرى لا اكثر ولا اقل

وعاشر من تعاشر فلا بد من الفراق

المصيبه اني رفضت ناس وايد عشانه

هذا الي حارني حيل وقاهرني

مشكوره

 

[حرم الكابتن]

رد : رد: اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي

حبيبتي فكري بنفسج بحياتج المستقبل بصحتج وبعافيتج اهوا راح تزوج خلاص نساج!! اما انتي تقعدين تتحسرين عليه ليش !!!!!!
الدنيا ماتسوى واحد يزعل عليها خلي امرج لله والدعي بايام عشر اواخر ان سبحانه يعوضج خير ويصبرج ويقويج

 

[The Lawyer]

حبيبتي ..... لا تزعلين مني والله آنا صادقة باللي أقوله لج ... واعتبرني هذا درس لج ولغيرج من البنات اللي يقرون قصتج .... البنت تنجرف وراء عاطفتها ولإشباع هالعاطفة عندها استعداد تسوي أي شيئ ومتوقعة أن قيس بن الملوح يتقدم لها ويتزوجها ..... ماماتي أصحوا يا بنات الرياال اللي يطلع مع وحدة ما أعتقد بعقليته الشرقية يثق يحطها ببيته أو تصير أم اعياله ..... وبالتالي البنت اللي تشوف واحد يميل لها أو معجب فيها ترد عليه وبحزم وتقول هذا بيت أهلي تبي طق الباب ..... أما سالفة خلينا نطلع وندش .... وروحات وييات .... إحنا مو في أوروبا ... ولا بأمريكا .... إحنا في بلد تحكمنا عادات وتقاليد ودين حنيف رسم لنا الصح والغلط .... والناس عندنا جدا جدا متحفظة .... ولا يغرج طلعتي معاه ... ولا يغريج أنه يقعدج الصبح ... لكن المهم شنو بقلبه ... تتوقعين لو كان يحبج فعلا راح يخلييج أو يتخلى عنج مستحييييييل ؟؟؟؟ صدقيني راح يوقف بوجه الكل ويقول أبيها .... وما ابي غيرها ... اعرف ناااس وايده مختلفين في مذاهبهم ولو أن ما فيه فرق بينا .... ومختلفين في طبقاتهم الاجتماعية ومع ذلك تحدوا أهلهم وتزوجوهم !!!

إذن الريال ما كان حبيبتي يحبج .... واللي يحب عمره ما يخلي اللي يحبها ويتزوج غيرها .....

خلي هذا عبرة ودرس لج ولغيرج .... ومو كل شيئ تشوفونه بالمسلسلات صحيح !!!! آخرته يروح لأمه تدور له وتخطب له .... كأن بنات الناس لعبة يتسلى فيها و يقطها متى ما مل منها ؟؟؟؟ شوفي حبيبتي شنو استفادته منج !!!!

إحنا بأيام مباركة وفضيلة .... حرصي على الصلاة والقيام والصيام .... وداومي على قراءة سورة يس وإن شاء الله يفرج همج .... ووالله العظيم تفاعلت مع مشكلتج واعذريني من الحدة اللي بتعليقي ولكن من الحرة عليج ... والحرة منه ..... الله يآخذ كل واحد خدع بنات الحلال وعلقها وخلاها :eh_s(14):

 

[احبببه]

رد : رد: اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي

حبيبتي فكري بنفسج بحياتج المستقبل بصحتج وبعافيتج اهوا راح تزوج خلاص نساج!! اما انتي تقعدين تتحسرين عليه ليش !!!!!!
الدنيا ماتسوى واحد يزعل عليها خلي امرج لله والدعي بايام عشر اواخر ان سبحانه يعوضج خير ويصبرج ويقويج

مشكوره حبيبتي

 

[احبببه]

رد : اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي انس

مشكوره ياقلبي

 

[!! شوق !!]

استغلي هالايام المباركه وادعي ربج يربط ع قلبج ..
ويعووضج خير ..

 

[احبببه]

رد : رد: اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي

استغلي هالايام المباركه وادعي ربج يربط ع قلبج ..
ويعووضج خير ..

اميييييييييييييين يارب

 

[L a w y e R]

رد : رد: اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي

استغفري ربج بهالشهر الفضيل

وماصار هالشي الا لان فيه الخير لج

" وعسى ان تكرهوا شيئا وهو خير لكم "

وسوري كلش مو فخر انج تطلعين معاه وتستانسين معاه

وشنهو تالي هالوناسه ؟ اخذ غيرج ؟

الايام بتنسيج انشالله

 

[احبببه]

رد : رد: اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي

استغفري ربج بهالشهر الفضيل

وماصار هالشي الا لان فيه الخير لج

" وعسى ان تكرهوا شيئا وهو خير لكم "

وسوري كلش مو فخر انج تطلعين معاه وتستانسين معاه

وشنهو تالي هالوناسه ؟ اخذ غيرج ؟

الايام بتنسيج انشالله

انشالله

 

[Stay alive]

حطي براسج انه هدج وما يبيج

لو يحبج صج جان تقدملج مو ضيع عمرج معاه وعقب بكل بساطه قال انا امي خطبتلي بتزوج !!

واحد ما يستاهل حبج قطيه ورا ظهرج وكملي حياتج وما يستاهل تبجين على شانه وتوقفين حياتج عشانه

هذا كلامي باختصار

 

[روح امها]

بسيطة السالفة واضحة
اللي يبيعج بيعيه

 

[om_7amad]

حبيتي والله عورتي قلبي والله اني حاسه بشعورج بضبط حياتي لا يضيق خلقج و مشي دموع.ادري انه مو بيدج بس حاولي تضغطين على نفسج و بالنسبه للبنات تقولون مو فخر و مادري شنو اهيا ما قالت انا مفتخره! وبعدين اللوم ماراح يرد الوقت..اهيا سوت الشي وخلصت واكيد خذت درس. انا عاذرتج البنيه اذا حبت بهل طريقا تسوي شغلات بعدين حزت الحزه تقول ليش انا سويتله كل هذا..انزين حبيبتي انتي بس قلتي الكلام من طرفج, ما قلتيلنا القصه بالضبط؟ ليش هدج؟ شنو شايف عليج؟ وانتي جم عمرج؟
واذا مو حابه تقولين هم عادي حبيبتي لا تتكلمين وانسي كل شي بس انا حبيت اعرف عشان افهم اكثر. وترى لو مهما تكونين انتي الغلطانه اهوا الي خسرج,, لانج تحبينه لدرجة انج مو قادره تنسين والله لو وحده عيرج جان عادي عندها وطاف بس اهوا خسر وحده فعلن تحبه اما انتي ما خسرتي شي لانج بنت عاجل والف من يتمناج..صدقيني باجر بتنسينه و تردين تقرين هل موضوع و تضحكين...حاولي تسلين نفسج لا تحبسين روحج وتبجين
انا كل ما تصيرلي مشكله وله اتضايق اقول حق نفسي خو الانسان بعيش مره وحده مو مرتين ليش اتكدر وانا بعز شبابي؟؟ بالعكس هونيها وتهون ضحكي واستانسي وقطي الهم وراج وتذكري الله موجود وماراح ينساج

 

[^^ROSE^^]

بسم الله الرحمن الرحيم
فَعَسَى أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً
صدق الله العظيم

نصيحتي لج انج تتجهين لربج و تدعين بتضرع انه ينسيج ويبعده عن بالج وعيشي حياتي بدون هالخرابيط
الريال بالكويت لابغى يتزوج بيقول لامه خطبيلي ماراح ياخذ اللي كلمها
وساعات امه تخطبله بنت تكون كلمت وحبت من قبل
بس ياخذها لانه مايدري عنها لانها ماكلمته هو
هذا تفكيرهم الشباب لاتحسبين بزمنا الحين في احد يحب ويتزوج


نصيبج مكتوب من اول ما انخلقتي ببطن امج
لاتتعبين نفسج وتفكرين

واحسن حل عشان تنسينه انج تتجهين لربج
قومي الليل
كثري من قراءة القرىن
تصدقي

وشوفي شلون ربي بيشرح صدرج وتحسين ان كل اللي مريتي فيه شي ماله قيمه لانه من اوله لاخره معصيه
وربي ان شاء الله يعوضج باللي يتزوجج ويستر عليج و يعطيج كل حبه وحنانه

والله يوفقج يارب

 

[نملة صغيرة]

رد : اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي انس

السلام عليكم ورحمة الله وبركاته

حبيبتي اول شي بعرف ليش يبي يتزوج وحده ثانية وليش ما تزوجج؟؟

ثاني شي انا ادري هالشي وااايد صعب بس هذا اللي كاتبه ربج

ويمكن ايي لج ريال احسن منه ما تدرين يمكن خيره​

احنا بشهر مبارك بالعشر الاواخر اللي فيها ليلة القدر استغفري ربج وادعي

وفي كتاب اسمه الر لونه بني اقريي واااايد راح يساعدج لونه بني يمكن يبيعونه بجرير وبعد لا تنسين تقرييين كتاب ربج اللي يريح النفوس

وطمنينا عليج

 

[&لقيت روحي&]

رد : اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي انس

انا نفس قصتج جرحني وداس على كرامتي وتعذبت وليل نهار قعدت ابجي وراح تزوج بس بعدين دعيت ربي وقربت حق ربي واايد كنت مقهوره وتعبانه بس والله ما اقص عليج الله خذى حقي منه وقعد ايدورني وايدور رقمي ودق علي تدرين قالي
انام مع زوجتي اتخيلج يمي انادي اسمج تعبت انا ابيج قلتله من باعني ابيعه بتراب وما بيني وبينك اي شي ياولد الناس خلني اعيش حياتي والله عوضني بانسان وايد احسن منه والحين خاطبني وادعيلي الله ايتمم علي والله ايوفقج وايريح قلبج وصدقيني الدنيا ما تسوى اتعبين نفسج وانتي ورده بعدج لا اتخلين واحد مثل هذا ايخليج تذبلين والله ايعوضج خير مثل ما الله عوضني :33_1185028183:

 

[Tulips]

رد: رد : اللي حبيبها تزوج تدش تقولي شلون نسته بنات حيل تعبانه بموت تكفون لاتخلوني ابي


تصدقي بنية انه الله ينسيج ياه و ادعي ربج بهالايام الفضيله ولهي نفسج وعيشي حياتج

وادعي ربج انه الله يعوضج باللي احسن منه