مــا لهـــا الا هــذا الحــــــــــــل .. ( ارجو كل معلمه الدخول )

[Q8Lady]

انا عندي لكم راي احسن من المظاهرات ومادري شنو .... ليش مانسوي صفحة بالفيس بوك مثلا نجمع آراء المعلمين اللي يبون زيادة الرواتب مثلا ونحط فيها كل مشاكلنا ومطالبنا ، يمكن هالصفحة تنشهر وتنتشر وتوصل حق الوزارة ونكسر خاطرهم لوووووووول
اللي تعرف حق الفيس بوك خل تسوي شوراكم جربوا

 

[نوفا1000]

رد : مــا لهـــا الا هــذا الحــــــــــــل .. ( ارجو كل معلمه الدخول )

الله يكون بعونكم
طيب ليه ما اتسون شكوى رسميه واتوصلونها للوزير
مو افظل من الاحتجاج والاستقاله
اختكم نوفا

 

[@سيدة نفسي@]

يبا ماااااااااااااااااااانبي زيادة رواااتب مالت على هالراتب اللي ذااااالنا

شتفيد 200 دينار لما تردين حق ريلج الساعة 3 العصر مهدوووووود حيلج

وينج ووين عيالج فيج حيل تدرسينهم ولا حتى تعطينهم حقهم من الحب والرعاية

لا وماتصير الساعة 9 بالليل الا وانتي تطققين روووس تبين الفراش

أقص ايدي اذا مو كل معلمة بتصير عليها شريجة قاعدة بالبيت مجابلة أبو الشباب

ليل ونهار لا ويصرف عليها من جيبه الخاص وجنا العيد بعد وانتوا ماعندكم

حجوة الا الزيادة ماأقول الا : لكل داء دواء الا الحماقة أعيت من يداويهااااا

 

[معلمة كيمياء جديده]

رد: رد : مــا لهـــا الا هــذا الحــــــــــــل .. ( ارجو كل معلمه الدخول )

الله يكون بعونكم
طيب ليه ما اتسون شكوى رسميه واتوصلونها للوزير
مو افظل من الاحتجاج والاستقاله
اختكم نوفا

ما ينفع الشكوى

يا كثر الشكاوي الي انحطت بالادراج

لازم تكون لنا وقفه وحده والكل يوقف

مو ناس وناس لأ

 

[معلمة كيمياء جديده]

انا عندي لكم راي احسن من المظاهرات ومادري شنو .... ليش مانسوي صفحة بالفيس بوك مثلا نجمع آراء المعلمين اللي يبون زيادة الرواتب مثلا ونحط فيها كل مشاكلنا ومطالبنا ، يمكن هالصفحة تنشهر وتنتشر وتوصل حق الوزارة ونكسر خاطرهم لوووووووول
اللي تعرف حق الفيس بوك خل تسوي شوراكم جربوا

حبيبتي

تعتقدين في اي بيشوف او يرد بال على شي ينكتب النت

احنا اللحين قاعد نكتب كل شي

صار شي ؟؟؟

تغير شي ؟؟

لازم نطلع ونبين لهم انا احنا رافضين هالقرارات

ونبي حقنا كافي سكتنا عنه سنين

 

[العجوزوعيالها]

:wqedqw::wqedqw:انا معاكم بس نبى وقفه جاده موبس الاستقاله : اصلا ليش نستقيل لازم اهم اللى يتعدلون ويسنعون قراراتهم ويرحمون الابلات شوى
ولازم الوزارة تكون بيد رجال مو مره صراحة الحريم مايفهمون ابتلشنا
تكفون لا تقولون مانقدر والله نقدر ونص عن طريق المسجات والايميلات نبلغ الابلات ولازم تكون التقارير مكشوووووووووووفه مو الناظرات يلعبون على كيفهم يالله شدو الهمه انتظركم على احر من الجمر
يارررررررررررررررررررررررب تيسر لنا كل خير

 

[مزيـانه]

بنات تدرون؟؟؟

انا ودي توصل السالفة حق جمعية حقوق الانسان

و لا شنو يعني وحده يقيمونها ناس دون المستوى و ذممهم مشكوك فيها .. و ما يحق لها تعرف تقريرها عشان تتظلم؟؟

وين صارت هذي؟؟ بشرع منووو؟؟

يعني طول ما هالمدرسة شغاله و هم قاصين عليها .. اي معطينج امتياز لا تخافين . و تنصدم بعدين انهم يجذبون

و اهي تكرف الليل مع النهار .. و اخرتها اذا حاولت تروح وزارة ثانية تشتغل فيها تنصدم ان تقاريرها مثل ويه اللي كاتبتهم؟؟؟

هذي شغله

شغله ثانية .. لازم حقوق الانسان تشوف حل و صرفه حق سالفة التدريس الاجباري اللي صايره .. أي وحده تبي تطلع من مهنه التدريس يعجعجون فيها و ما يخلونها تشوف نصيبها بمكان ثاني .. ليش؟؟؟؟؟ استعباد؟؟؟؟

جنه عبيد ابوهم مو موظفين .. يبا التدريس موغصب.. النقل من وزاره لي وزارة ممنوع .. الاستقاله ممنوعه .. التحويل الى ادارية ممنوع

من بأمره بالله؟؟؟؟؟؟؟؟؟؟؟؟؟؟؟

وينج يا جمعية حقوق الانسان؟؟؟ اتيين تشوفين عبيد وزارة التربية (المدرسات) اشصاير بحالهم بالكويت

مو شاطرين تتابعون حال العماله المنزلية .. شدوا حيلكم معانا (العماله التربوية) و الله ان حالنا يكسر الخاطر اكثر من الخدامات
على الاقل الخدامه لا صكت فيها الدنيا انحاشت و راحت السفارة و فيه خير اللي يكلمها

أما احنا وين نرووووح؟؟؟؟؟؟؟؟؟؟؟؟؟؟

شوفولنا حل

 

[المعلمة المتميزة]

* متابعهـ للموضوع *
شكرااا لكم ... تقبلوا تحيااااتي

 

[الاسطورة]

اي والله
زهقنا ملينا
كرهنا دوماتنا

والله ان طبقوا القرار
خل يبشرون مني الخير
طبييييييييييييييييييييييييييييات الى ماله نهايه


وانا ما ابي الامتياز
لاسلم وظيفي ولا شي
ولا ترقيات
خلووووني امتع نفسي بالراحه

 

[كيكة دارسين]

انا اضم صوتي لصوتك قلبا وقالبا
معا الى ساحة الارادة او الاضراب الجماعي بداية الدوام او الى الصحافة

​

لابد من كلمة للمعلمات