بعد الخيانه انا اليوم ماابيك

[الناي الحزين2]

مساء الخير يااخواتي
يمكن البعض يظن بعد مايقرا موضوعي ان ماعندي سالفه
انا متزوجه صارلي 3 سنوات وزوجي ولله الحمد مومقصر وملتزم
مشكلتي ان تفكيري كله عن قبل زواج كم كلم وحده حب وحده منهم شافهم صار بينهم شي هل تمر عليه لحظات يذكر وحده فيهم وهو معاي كل ماقالي كلمه اقول كم قالها لغيري مااحس بطعم الكلام ومشاعر الي يقولها اقول يمكن قالها لغيري صار عندي تبلد في المشاعر من تفكير بهالشي ساعدوني والله تعبت من حالي

 

[البـنـدري]

رد : بعد الخيانه انا اليوم ماابيك

يا حبيبتي وخري عن هالامور وهذا وسواس وحاولى انج ماتفكرين في هالامور لانها تهدم البيوت ياقلبي

وعسى ربي يوفقج مع زوجج ويهنيكم في بعضكم يارب

 

[*سحآبة*]

رد : بعد الخيانه انا اليوم ماابيك

بصراحه ماعندج سالفه ..

الناي الحزين..حبيبتي ..اصحي اصحي ..

كللللللللللللللللللنا حريم وبنااااااات وشباب نفهم بعض ..

انا ما اقول الكل .. لكن كل وحده لها علاقة سابقة سواء بنظرات ولا تلفونات ولا ربع .. ولا زميل لها بالجامعه

حتى الشباب ..فيه منهم من كلم ومن لعب ومن طلع مع بنات ومن ومن ..


سواء ولد الجيران ولا بنت العم ولا مكان وظيفه ولا ولا ..




واذا جت الصجيه ..وتزوجوا ..عقلـوا ..


بالعكس يضحكون على نفسهم .. شكانوا يسوون ..وعرفوا انهم كانوا بلحظة طيش ولعب ...




لا تهدمين بيتج بإيدج بهالظنون هذي ...



,

 

[al-musk]

رد: رد : بعد الخيانه انا اليوم ماابيك

ماعندج سالفه انتي صاحية حرام عليج شنو قاعد تسوين بعمرج..مايصلح ياقلبي..صفي قلبج وطنشي ووبعدين من صجج انتي الرياجيل اسهل ماعليهم النسيان...والله مدوخة نفسج..

تصدقي دايم بنية تهدية بالج من هالأمور..وترا العمر واحد ومحد بيعيشه بنكد غيــــــــــــــــــــــرج انتي..تبين تغثين نفسج ومحد يدري عنج لاتوقفين وتمي بهالوساوس..

الله يصفي بالج ويهديج

 

[(m & m)]

اختي ابليس قام يتسلط عليج

سبحان الله ما يخلي احد بحاله حتى لو كنتي مرتاحه

لازم يلقا طريقه يوسوس و يخليج متكدره

اختي تدرين شنو احلى و اعظم انجاز عند ابليس ؟

لما يفرق بين الزوج و زوجته ! ديري بالج يكرهج بزوجج و يهدم بيتج

او يصغره بعينج ديري بالج ترا حقده على بني ادم كبيييير

 

[الناي الحزين2]

رد : بعد الخيانه انا اليوم ماابيك

رفع

 

[(سعودية كويتية)]

رد : بعد الخيانه انا اليوم ماابيك

الرجال يهمك بعد ما تاخذينه بس قبل مالك شغل وسوري علي صراحتي

 

[الناي الحزين2]

رد : بعد الخيانه انا اليوم ماابيك

اختي سعوديه انا عارفه ان قبل الزواج مالي شغل بس شسوي هذا شي غصب احس فيه خصوصا ان قبل الزواج خواته يتكلمون عن تجاربه

 

[انتظر حبه]

رد : بعد الخيانه انا اليوم ماابيك

بصرااحه ماعندج ساالفه
ولاتهدمين بيتج بيدينج

 

[فوفو22]

رد : بعد الخيانه انا اليوم ماابيك

مساء الخير يااخواتي
يمكن البعض يظن بعد مايقرا موضوعي ان ماعندي سالفه
انا متزوجه صارلي 3 سنوات وزوجي ولله الحمد مومقصر وملتزم
مشكلتي ان تفكيري كله عن قبل زواج كم كلم وحده حب وحده منهم شافهم صار بينهم شي هل تمر عليه لحظات يذكر وحده فيهم وهو معاي كل ماقالي كلمه اقول كم قالها لغيري مااحس بطعم الكلام ومشاعر الي يقولها اقول يمكن قالها لغيري صار عندي تبلد في المشاعر من تفكير بهالشي ساعدوني والله تعبت من حالي

بجد انتي محتاااجه علاااااج

اذا م تقدرين تروحين لعيادة الدكتوره فوزية الدريع بالسالمية

لانه اللي فيج لله والعالم

وسواس مدمر بخليج ما تستمتعين بحياتج

وتفكرين بالماضي وناسية الحاضر

انصج نروحين للدكتوره لانج تحتاجين جلسات وتصيرين 100% اوكي
فوفو

 

[روحي ابوي]

لاحول ولاقوة الا بالله,, تعوذي من ابليس هذا الشيطان
يوسوسلج .. استغفري ربج عشان يبعدعنج هالافكار السيئة:eh_s(13):

 

[تنـــاســـانــي]

رد: رد : بعد الخيانه انا اليوم ماابيك

وانتي شكوو فيه قبل لا يتزوجج ،، مالج حق تتكلمين و تحاسبين و تغارين من ماضي انتي ماكنتي فيه ،،

لو يبي وحده من اللي كان يعرفهم جان خذاها ،،

طلعي من هالعقده قبل لا تخربين بيتج

 

[نـوري]

ما فهمتينا

هو كان خاين من قبل ؟؟؟

إذا ما كان خاين اتركي عنج هالعياره وجابلي ريلج

واحمدي ربج إنج تزوجتي ريال زين

حبيبتي شكلج عايشه بفراغ وتبين تسوين أكشن بحياتج

أنا أقول تعوذي إبليس أحسن لج وعيشي حياتج

 

[kookiz]

ما في شي صار و لا بيصيير كله حطي ببالج هالكلام و ثقي فيه ولا تخلين الوسواس يزييد تعوذي من ابلييس وعيشي حيانج

 

[الأميرة جوري]

اسمحيلي ماعندج سالفه تفكرين بشء اهو اصلا مايفكر فيه وتفكيرج مو منج هذا من الشيطان وسواسه تعوذي من ابليس كل ماتفكرين هالتفكير

 

[ام كوشه منكووشه]

رد : رد: بعد الخيانه انا اليوم ماابيك

تعوذي من ابليس ولا تخربين بيتج بيدج

 

[noo7a]

رد: رد : رد: بعد الخيانه انا اليوم ماابيك

وانتي شتبين بماضيه و عوار الراس
عليج منه الحين و اهو معاج
الباجي قطيه بحر هذا اذا كان فيه شي

 

[a7la MUM]

رد: رد : رد: بعد الخيانه انا اليوم ماابيك

الله يسخركم لبعض

 

[اشتياق]

والله انا اقول ابركلج هالحاله احسن لان اذا صدقتيه لابد تنصدمين رياييل هالوقت مالهم امان لووووول:s141:

 

[الناي الحزين2]

رد : بعد الخيانه انا اليوم ماابيك

بنات هو صح ماضي بس في جزء منه عشته في بداية زواجي منه يعني كنت القى مسجات من بنت واكتشفت بعدها بفترة انه رجع يكلم رفيجته ولما واجهته حلف واعتذر ودق زفها جدامي وانتهى الموضوع وصار زوجي اوكي بس موراضيه انسى هالموقف وفوق هذا قاعدة اتخيل كل لحظه كلمها شنو كان يقولها وليش رجع لها الا اذا كان يحبها انا عايشه بدوامه صارلي سنتين