ادري بتهاوشوني بس شوي شوي علي ...

[غنوة ستايل]

انتي جبتي البلا لنفسج
ما تدرين يمكن يتفلسف يبي يسوي نفسه مقطع السمجه وذيلها !!

 

[جــوى]

ما عليج منه كلهم يقولون جذي حق رفيجاتهم وانه زوجاتهم ما يهمونهم

يمكن بس حجي قاعد يهايط على رفيجاته يعني اني مو مهتم لها

لا تفكرين بالسالفه

اصلا السالفه مالها حل وما تقدرين اتقولين حق امج وحتى اذا قلتي حق امج ما راح تقدر اتسوي شي ومو معقوله بتكلم الريال اصلا بيطلعكم انتو الغلطانين

لا لا يبا لا تقولين حق احد وخشي هالسر بيمج وبين نفسج ويمكن بعدين كل شي يتغير
كلهم بقولون جذي ويهايطوون عالفاضي بس اذا صارت الصجيه وشافج انج بنت سنعه وزينه معاه ومريحته من كل النواحي يمكن يحبج ويتعلق فيج ويتغير

انا معاها اغلب الشباب يهايطون يسوي نفسه معلم اصلا بلاج من الساكت اللي كلش مسوي نفسه برئ ومسكين

 

[*♥ لبى ♥ آلغرآم]

رد : رد: ادري بتهاوشوني بس شوي شوي علي ...

اول شي حبيبتي الي سويتيه غلط بس لو بتلاحظين هالزمن اغلب الشباب مو كلهم عندهم خرابيط
قبل الزواج والسالفة كلها نت وشاف بنت ضافته اكيد بيطيح معاها ويتفلسف عليها واذا كان زوجج خربوطي
باجر اذا تزوجتوا تقدرين تملكينه بطيبتج واخلاقج وماتقصرين معاه وتخلينه يتعلق فيج وينسى بنات ابليس الي
يعرفهم<<والله يوفقج ويسخره لج يارب>>

 

[احب المنتدى]

رد : رد: ادري بتهاوشوني بس شوي شوي علي ...

بصراااااااحه
انتي الغلطانه

و الا كل الشباب هالوقت جذي

الحين طنشي فيه و اقطعي العلاقه معاه
و ادعيله بالهدايه و حاولي تعرفين شنو يحب و مايحب و تجهزيله عدل حتى الكلام الي يحبه بعدين تجرئي و قوليله خليج احسن منهم عرفتي

يعني خلي هالمعرفه المصلحتج

الله يوفقج يااااااااااااااارب

 

[i'am THE ONE]

انا ما قريت ردود البنات بس سؤال

هل صديقتك اللي كلمتيه من رقمها موثوق فيها اخاف هو يمثل عليك لانه كشفك ؟


سويت فيها كونان

 

[أم@الحلوين]

الله يهديه يارب

 

[نشيج الروح]

أنا أشجعج على جرئتج ... وبصراحة زيييين سويييتي ... هذا ريلج وحلالج وقاعدة تكلمينه بالحلال لأنه من حقج ... بس تبيني أقولج شي ؟
شرايج تسوين فلم وتقولين له أني أعرف مرتك ( طبعا هو قايل اسمها وخالص) وقولي له ترى كلامك راح يوصل لها ....إلخ

ربي كشفه لج قبل ما تبتلشين ... بايدج الحل وأنصحج تقولين لأهلج وتحطينه بالأمر الواقع

 

[نــعــوومــه]

استغفر الله ..مادري هاللي سويتيه صح ولا غلط .. بس موزين لج جذيه ماراح تثقين فيه .. شلون بتاخذينه بعد اللي قاله لج ​

​

 

[موني^^]

حبـــــــــــــيبتي بعد عمري ادري احيانا اللقافة والفضول تضييع الواحد وتشككج وتأزمج

وموقفج يخوووووف وأكيد فكرتي بمستقبلج وحياتك وجاتك صدمة نفسية وانصرعتي بس انا الحين مأقدر أحكم عالى الرجال

شووفي هالأيام صارت تخووف وكل رجال عزابي لازم يلف ويدور على البنات ويكلمهم من الفراغ اللي عنده

وانا ماأنصحك تتطلقين منه عشان هالسالفة مثل ماقالوا بعض البنات لأن يمكن بس بهالفتره وبعدين بيشوفج وبيتعلق فيج.....


انا من رأيي ولازم تسوين هالشي انتي حكمي علية وقت مابعد الملكه يعني لما يشوفج وتتطلعون مع بعض وتتكلمون وتاخذون

على بعض >>>>>>>>> وهني ياحلوه تحكمين علية (يا انك تستمرين معاه ________ أو تنفصلين عنه)

لأن هذا الوقت اللي بتعرفين عنه كل شي وجها لوجه , مو في الماسنجر ترى كل الناس شخصيتهم في النت

شي وبرا شي ثانــــــــــــي مختلف)

واتمنى اني فدتج ويااااااااااااااربـــــــــ يسخر لج زوجج ويهديه

 

[الحلا توته]

شوفي انتي غلطتي شلج بعوار الراس مبين عليج شكاكه حبيبتي لاتخلين الرجال كل همج وتحوسين حوالينه مثل النحله

فكي عنه


بعدين ترا اغلبهم يكلمون خاصه الشباب يكلمون ويواعدون ويمكن بعد النص منهم يجربون ....
بس الواحد يدعي لهم بالهدايه بعدين اعرف كذا وحده مغازل ومواعد وعقب الزواج صار كانه وزهق من الطياشه

ابرك من اللي يراهق عقب سنين صح ولالا


بعدين حبيبتي طبيعي بقول انه ما يبي يتزوج وطبيعي انه بيسبج جدامهم يعني بالله عليج بيقول حلوه وقمر واموت عليها لالا اكيد بيقول مو حلوه عشان يتسغل البنات فهمتي علي عشان يحسس البنت انها احلى ما في الكون وترضخ له انه ترك زوجته عشانها يعني كله جذب بجذب واحمدي ربج انه لاعب على كذا بنت معناته لعب وبس

يعني ما حب له وحده واهتم فيها


انتي ادعي ربج وصلي استخاره ومثل ما قلت لج لا تخلينه محور حياتج اهو زوجج صح بس مو كل شي بدنيتج

وانشاالله يكون من النوع اللي يزهق من البنات ويهدي عقب الزواج ويسخره لج

واللي سويتيه غللللللللللللللللط

انا مع كلامها ميه بالاميه

:icon30::icon30:

 

[نشيج الروح]

حبيبتي استخيري وشاوري وفكري وخلي اهلج يسالوووون الف مره والله يكتبلج الخير

اللي انه مستغربه منها اكثر ردوووووووود البناااااااااااات!!!! امبيه جد صدمه@@

شنو ميخالف وما عليه وما يقصد ووو....الخ ترى هذا زواج مو لعب هذا مستقبل وحياة وعمر

الوحده لو تسمع ربع معلومه موزينه تبحث عنها مليون مره واهي اكتشفت مصايب وبلاوي وتقولون عادي

وماعليج ويتسنع بعد الزواج؟؟؟ اشدراكم ان بيتسنع وليش ما تسنع وصانها من الحين مدام مالج عليها لأنها
زوجته على سنه الله ورسوله وفي ارتباط شرعي بينهم؟؟ ليش ما حاول نظف نفسه وسنع روحه وقط كل خرابيطه

من يوم ما خطب البنت من اهلها وملج عليها؟؟؟

وتقولون بعد ليش حالات الطلاق والمشاكل والخيانات تزيد؟؟من تفكير بعض البنات الله يهداهم اللي على الريال كل شي الله غفور رحيم وما عليه والشيطان قص عليه مع ان بالدين والشرع اهو حاله حال البنت مو مسموح له لا علاقات ولا خيانات
ولا وصاخه عشان اسمه ريااااااااااااال

عجبني كلامج ... لازم أكون جريئة ... وإذا الأهل ما سألوا عنه وما عرفوه البنت هي الي تتحرك ... يعني حتى شوفة شرعية ما شافوا بعض = ما تعرف عنه شي .....

من كلللللل قلبي أنصحج أنج تقولين لأهلج أو أحد من أخوانج أو عايلتج الي تعرفين أنهم ناس حكيمة وسلسة ... وإذا ما في أنصحج تدقين على أي أحد تبع إصلاح ذات البين أو أي شيخ يكلم الريال ويقوله ...

المهم تصررررررفي لا تبتلشين بوقت الزواج على أنه ميخالف يمكن يتغير

لا تذلين نفسج عشان يرضى عليج ...

أهم شي رضى ربج

 

[[ الغـلآ S ]]

رد : رد: ادري بتهاوشوني بس شوي شوي علي ...

كيف عرفتي انه صادق بكلامه ؟ ؟
انصحج لا تطلبين الطلاق . . ما بتلقين انسان كامل . .
كل حد فيه عيووب . . و تحملي و ان شاءالله طيش شباب و بيتغير =)

 

[عادت ذكرياتي]

الله يهديه يارب

 

[!الجادل الصعب!]

رد : رد: ادري بتهاوشوني بس شوي شوي علي ...

آنتي الي فتحتي هآالبآب على نفسج ..!

بس آتوقع كلامه هيآط في هيآط وانتي استخيري قبل العرس ,, وشوفي الله كريم ..!

 

[♥ ݤليے ﻁﻔووله ♥]

رد : رد: ادري بتهاوشوني بس شوي شوي علي ...

بصراااااااحه
انتي الغلطانه

و الا كل الشباب هالوقت جذي

الحين طنشي فيه و اقطعي العلاقه معاه
و ادعيله بالهدايه و حاولي تعرفين شنو يحب و مايحب و تجهزيله عدل حتى الكلام الي يحبه بعدين تجرئي و قوليله خليج احسن منهم عرفتي

يعني خلي هالمعرفه المصلحتج

الله يوفقج يااااااااااااااارب

انا معاها بكل كلمه خلي الي سويتيه لمصلحتج انتي وحاولي بشطارتج تكسبينه _03ba:


والله يوفقج ويفرج همج قلبي

 

[توليب بنفسجي]

رد : رد: ادري بتهاوشوني بس شوي شوي علي ...

اصلا مبين عليج تبينه و ميته فيه و لا طاح من عينج و لا شي
بس حبيت اقول لج ان المره عندها كرامه
يعني شنو اشوف ريلي يكلم و يزني و انا عادي عندي على بو انه بيتغي باجر؟
و بالله ما تغير ؟ و ما قدرت انا اغيره ؟
برد بعد جم شهر و انا حامل و اكتب بهالقسم لحقواااااا علي بنات
تذكروني انا اللي صدت ريلي يكلم و اكتشفت ان لي الحين مع البنات
ساعتها بتحسين بالقهر عدل
فكري بمستقبلج و حياتج عدل مو بس عشان ريال و بتتزوجين خلاص عادي باجر تعضين اصابعج ندم
و انتي ادري
في بنات عادي عندهم ينطقون و كل شي بس المهم اسمها متزوجة

 

[مس سلفرج]

ياربي ردوركم خربطتني انا سولفت مع امي نفس سالفتي بس قلت بنت انها بنت قاريتها بالنت فقالت لي وييي خراابيط اصلا اهي شدراها انه اهو صاج وعاادي خل تم معاه عقب يتسنع بس صح تصدقون والله بموت ان دريت انه عنده علاقات عقب الزواج
بس اهو امس قال بالايميل انه بغير كل ارقامه عقب الزواج لانه يخاف من البنات يسوون له شي مادري احس جاد بكلامه
بس بوطبيع ماييوز من طبعه :cxxxp:

 

[توووفية]

انا اقوولج خلاص انتي عرفتي نظامه بدام ما تقدرين تتطلقين اذا اتزوجتيه ورحتي عنده سوي اللي يعجبه وخلج مووده ترا الرياييل اغلبهم عندهم سوالف قبل الزواااج انتي اذا خذاااج باسلووبج تخلينه ينسا ماضيه

 

[مس سلفرج]

:eh_s(22): يسلمو كل الي دشو وريحوني بصراحهـ ردودكم تبرد القلب
عسى الله لايحرمني منكم :eh_s(22):

 

[مشتطـه]

قلعتج
احسن
احد قالج تدقين عليه !


ذابحتكم اللقافه اكلوها الحين


ماسوت عليج صراحه عورتي قلبج عالفاضي



استغفر الله استغفر الله


عسى الله يهديه