السلام عليكم
شلونكم خواتي شخباركم ( يا علكم بخيــر دايم دوم )
مثل ما تشوف عيونكم عضوه جديده وعبالكم أتمصخر
لالا أنا أختكم ومنكم وفيكم بس والله ما قدرت أقولكم مشكلتي بنكي استحيت والله
خلي هالنك للمشاكل الله لا يقول
حبيباتي اسمحولي بطول عليكم بس مالي غيركم وأدري أنكم بتفيدوني
وأدري بتزفوني وبتحذفوني بالطمام نفس هذا >> :tomato2:
بس تمونون
الله يسلمكم أنا متزوجه من زماااااااااان والحمدلله حياتي ما عليها قصور
بعز وخيـر ونعمه ولله الحمد
زوجي مدللني وحاطني بعيونه بس يا جماعه هذي المشكله
هو حييييييييييييل رومانسي أحس مرات أنه مو من صجه
تقولين أجنبي مو كويتي
حيييييييييييل خياله واسع والدنيا حلوه عنده
وأنا ما أقصر بحقه أبد
عندنا عيال أكبرهم بعاشر وأصغرهم توني والدته شهر 7
أقولكم عن زوجي يحب الأغاني وكل شوي اهداء يحب القعدات الرومانسيه الخاصه
وكل يوم لازم يسوي سهره نشوف أفلام
وما يخلي حركاته قدام العيال والله أنا أستحي ومرات مالي مزاج
مزاجي ذابحني يا عالم
مدري شفيني لايعه جبدي من كل شي
وكل ما أشوفه أتنكد مع أني أحبه ولا عمرنا تهاوشنا والا تزاعلنا الا ذاك اليوم
قبل لا أولد
تخيلو مارضى يسفرني عشان حامل ورايح شاري التذاكر وحاجز أغلى فندق لمده اسبوعين لطليقته وبنته وأخته وعيالها
هذا كلام بالله عليكم ؟
ما يحر ! بنته على عيني وراسي وأخته بعد ولو أنها ما تستاهل بس طليقته لاااا عاااااد
تهاوشت وياه وتزاعلنا ووصل فيه أنه دزني والله من قوته طحت ع القنفه وقعدت أبجي وما أصبحت الا في بيت أهلي
وبعدها ولدت ولي الحين عندهم
ما أقولكم متزاعلين لي الحين بس أنا مالي خلقه داااااايم يطفرني
لبسه ما يعجبني كللللللش اللي يشوفه يقول عمره بالعشرينات وهو بالأربعينات
متشبب وبكل مكان يغازلونه وأنا أمووت قهر
أنا نفسيتي صراحه زفت بسررررررعه أتنرفز وأعصب
وأطنقر عليه
والله أدري شنو تقولون أنا ما أستاهله ويحصلي أتزوج مثله والله يعينه علي
معاكم حق بس أنا ما كنت جذي أبدن
مدري شفيني والله أحبه وأبي أعتذر له بس هو الحين زعلان عشان كنت أكلمه بنفسيه طول هالمده
والله من حملت وأنا هالتسع شهور زفففففففففت وياه
حبيبي ما يستاهل بس أنا البلا فيني
أنا وحده أحب شغلي وحييييييييل ملتزمه فيه وإنسانه جديه وماحب الغشمره واااجد
وهو رومانسي حالم حنووووون يحب الوناسه
ساعدوني شلون أغير نفسيتي وشلون أراضي حبيبي وأبو عيالي
ورجاااءً كلام ما منه داعي لا تقولونه والله ما أتحمل راعو نفسيتي
أنا أختكم وما فتحت قلبي لكم الا لأني عارفه أنكم قدها
أخيتكم:eh_s(1):
