كل تفاصيل سفرتي ((جولد كوست)) -صور

[al7noona]

السلام عليكم شلونكم بنوتات عساكم بخير؟؟
انا توني راده من استراليا رحت منطقه جولد كوست وكانت مدت السفره اسبوعين
ورحنا بالطيران الامارتيه رحنا من دبي لي سنغافوره 6 ساعات وقعدنا بمطار سنغافوره ساعه وطرنا على استراليا 7 ساعات وااااااااااي تعب تعب تعب انام ونقعد وبعد ماوصلنا وهذي حالتنا بس انصحكم اذا بتروحون استراليا لازم تقعدون جم يوم بماليزيا او تايلند او سنغافوره يعني هالدول على الاقل تريحون جم يوم وبعدين تروحون استراليا ....
طبعا نزلنا بمطار برزبن Brisbane ورحنا بالباص حاجزينه من الكويت ووصلنا الفندق تقريبا نص ساعه وفندقنا كان مكانه وايد حلو بوسط السوق والمطاعم والكافيهات واسمه Courtyard Marriott Hotel
وهذي صور الفندق ....

يتبع

 

[al7noona]

راح ابدي معاكم بالرحلات ..
اول رحله كانت السفاري وحيل حيل خايسه وماتسوى احنا توقعنا ندش نشوف حيوانات ماشفنا غير 3 كناغر ومن بعييييييييييييد وكله غابات وشلالات
ثاني رحله كانت وايد حلوه اسمها سي وولد sea world كله عن البحر والدلافين وفيها عروض الدلافين يهبلووووووون وعروض الفقم وايد حلو وعروض الطراريد واستعراضات وحركات يسوونها هم حلو وفيها تلفريك تركبينه وتشوفين المكان كله من فوق وفيها انواع النجوم تشوفينهم وتلمسينهم وفي دب تشوفينه واهوا يسبح شكله روعه والعاب حق اليهال وسينما رباعي الابعاد فلم على بباي تلبسين نظاره وتشوفينهم جنهم ايوون بويهج روعه ..وفي ناس يلبسونهم مايوهات ويدخلون يسبحون مع الدلافين ويصورونهم بس بصراحه برد مووووووت شلون يسبحون مادري؟؟؟؟؟؟؟؟
شوفوا الصور :eh_s(17):

يتبع

 

[al7noona]

هالرحله صج صج روووووووووعه اسم المكان موفي وولد movie world جنج رايحه دزني فيها العاب حق الكبار والصغار وطريقه الالعاب واشكالهم روععععهه وبعدين كل الشخصيات يطلعون بسيايير كبار مثل المهرجانات ويفترون وفي عرض الشرطه تقعدين بالمدرجات وتشوفينهم يستعرضون ويسوون حركات وايد عجييييييييييب وفيها سينما رباعي الابعاد فلم shreek تلبسين نظاره وتشوفينهم جنهم يايين بويهج ويرش عليج ماي او هوا ونااسه وديكورات المكان روعه كله مباني قديمه ومكان ديكور جنج بالكابوي ..اخليكم مع الصور ......

هذا فلم شريك رباعي الابعاد

هذا الجندول وايييد حلو مع الديكورات وشكله يونس

هذا العرض الاستعراضي مال الشرطه

يتبع

 

[al7noona]

هذي الصور تبع movie world

ثالث مكان الى اهوا dream world دريم وورلد كلها العاب حق الكبار والصغار وفيها عروض النمور وعروض التماسيح وعرض الريف الاسترالي تشوفين الخروف المسكين يحلقون شعره
وتدشين مكان كله كناغر مهدوده توكلينهم يحليلهم مايسوون شي وفي كوالا واااي تهبل تشوفينها قاعده على الشيره وتقدرين تصورين معاها .....

شفتوا هالعامود الطويل هذي لعبه اطير القلب تقعدين وتمشي فيج بسرععععععععععععه وتصعد فووووووووووق وتنزل بس حييييييييييييل حييييييييييل سريييييعه

هذي طلقة الدبوس الي بحديقة الشعب بس هذي العكس تصعد شوي شوي لي فوق وفجأه وبقوه تنزل لي تحت تعور القلب

هذا عرض النمر اهني يوقف ويشرب حليب

يتبع

 

[al7noona]

في هالشي العجيب واعتقد موجود مثله بدبي
مثل سياره كبيره على شكل بطه تتمشى بالشارع بعدين ادش البحر وتتمشى بالبحر وناسه وناسه

يتبع

 

[Suwi]

3alekoom bel 3afyh o el pic 7dhaa 3ajebaaa
o el 7mdellah 3ala slamtkoom ​

 

[mooomooo]

الحمدلله على السلاااااااامه يالحنونه

وعليكم بالف الف الف عافيه

وممكن عندي كذا استفسار اذا ممكن لاني بخاطري اودي عيالي استراليا

خصوصا قولد كوست

انتوا سفرتكم كانت قولد كوست فقط ؟

وجم كلفكم المصرف من غير تذاكر وسكن ؟

ويعطيج العافيه حبيبتي

 

[$$ صعبة الوصوف $$]

الحمــدلله عالســلآمه ...

وسفــرتج روعه والصوور حـــلووووه مشاللــه ...

وبنتظـــار البـــقيــه ...

 

[al7noona]

رديت لكم مره ثانيه .. في كذا رحله بالبحر اول رحله الي اهي تركبين سفينه راقيه وتتعشين فيها واهيا تتفتر فيج بالبحر




وهذي صورة السفينه تقعدين بالهوا الطلق ويقدمون لج بس مشروبات وهذي وقتها بس الصبح او الظهر وطريقتها حلوه تقعدين واهيا تتمشى فيج بالبحر وتصورين لقطات حلوه



هذي السفينه غير واحلى طريجها طويل تقريبا ساعتين تقعدين بالسفينه وبعدين توصلين مكان فيه حيتان ودلافين تقعدين تشوفينهم بعدين يودونكم جزيره صغيره تقعدين تتغدين فيها وبعدين يردونج








يتبع

 

[al7noona]

هذي اخر الصور وانشالله الموضوع عجبكم وتستفيدون منه ...

 

[al7noona]

اي تذكرت شي عندهم سوق عجيييييييب نصه مفتوح ونصه مسكر حلوه طريقته وكشخه وحيل راقي اسمه pricif fair تروحوله اباص توقفون عند محطة الباص وتشوفون الوقت الى الباص ايي ويودي هالسوق

وفي برج 80 طاااااااااابق اهوا فندق وبرج اسمه Q1 تصعدين الطابق 77 وتشوفين جولد كوست من فوق ووايد فخم وراقي
نفس طريقه برج ماليزيا كوالالمبور twin tower بس الي بجولد كوست احلى واطول

 

[الفنانه79]

عليج بالعافيه

استراليا اتينن

 

[&رعبوووبه&]

عليج بالعافيه حبووبه
اذا ممكن استفسار
كم كلفتج الرحله بدون مشترواتج

 

[al7noona]

3alekoom bel 3afyh o el pic 7dhaa 3ajebaaa
o el 7mdellah 3ala slamtkoom ​

الله يعافيج ويسلمج تسلمين حبوبه :eh_s(17):

 

[al7noona]

الحمدلله على السلاااااااامه يالحنونه

وعليكم بالف الف الف عافيه

وممكن عندي كذا استفسار اذا ممكن لاني بخاطري اودي عيالي استراليا

خصوصا قولد كوست

انتوا سفرتكم كانت قولد كوست فقط ؟

وجم كلفكم المصرف من غير تذاكر وسكن ؟

ويعطيج العافيه حبيبتي

الله يسلمج ويعافيج
اي احنا كانت سفرتنا بس جولد كوست وكلفتنا تقريبا 800 بس ترى ماشرينا شي بس كل فلوسنا راحت على الرحلات لان رحلاتهم غاليه وبعد اغراضهم وكل شي عندهم غااااااااااالي :eh_s(15):

 

[al7noona]

عليج بالعافيه حبووبه
اذا ممكن استفسار
كم كلفتج الرحله بدون مشترواتج

الله يعافيج
كلفتنا 800 دينار لان الرحلات وايد غاليه واهيا كل شي فيها غالي

 

[mooomooo]

الله يسلمج ويعافيج
اي احنا كانت سفرتنا بس جولد كوست وكلفتنا تقريبا 800 بس ترى ماشرينا شي بس كل فلوسنا راحت على الرحلات لان رحلاتهم غاليه وبعد اغراضهم وكل شي عندهم غااااااااااالي :eh_s(15):

تسلمين يا قلبي عالرد:eh_s(17):

جم شخص كنتوا ؟؟

لاني مفكره حق السنه اليايه مصرفي يكون 2000 دينار

لمدة 14 يوم مع عيالي 6 سنين و 5 سنين و2 ونص

تتوقعين حبيبتي تكفينا هالالفين ولا لاء؟؟:eh_s(22)::eh_s(22):

والله يكتب لنا اللي فيه الخير


مشكوووووووووورة يا قلبي :eh_s(8)::eh_s(8)::eh_s(8):

 

[al7noona]

تسلمين يا قلبي عالرد:eh_s(17):

جم شخص كنتوا ؟؟

لاني مفكره حق السنه اليايه مصرفي يكون 2000 دينار

لمدة 14 يوم مع عيالي 6 سنين و 5 سنين و2 ونص

تتوقعين حبيبتي تكفينا هالالفين ولا لاء؟؟:eh_s(22)::eh_s(22):

والله يكتب لنا اللي فيه الخير


مشكوووووووووورة يا قلبي :eh_s(8)::eh_s(8)::eh_s(8):

انا كنت رايحه مع ريلي بس يعني 2
وانشالله تكفيج هال2000 لان اغلب الرحلات مايحسبون سعر اليهال اعتقد من 10 سنين وفوق يحسبونهم بس اصغر ابلاش والله يوفقج انشالله :eh_s(17):

 

[سفرجل]

بس عورتي قلبي
لاني رحت استراليا ومااعتقد اني راح اروح لها مره ثانيه لانه صارت اغلا من قبل
بس وااااااااايد حلووه

 

[dalprincess]

حمدالله على سلامتج
والصور حلوه تشوق
مشكوووره عالتقرير