تجمع للحوامل بشهر وشهرين وثلاثة

[goldengirl_q8]

عالم حواء مافي احد يمدح طيبه كلينك

 

[love love]

عالم حواء مافي احد يمدح طيبه كلينك

والله اختي اولدت هناك وتابعت مناك تمدحهم حييل وعاملوها وايد زين

حتى دكتورتها عطتها غرفه في اي بي مجانا

وفي ناس هم مناك اولدو ومرتاحين

بس انا كنت بس براجع لانه اقريب على شقتي وامتحانات ودراسه مالي خلق اطق طريج وبسرعه ادش

بس انشالله بحول عند ليلى اشكناني

 

[كيت كات]

طيبه كلنك مافي شي اختي والدة هناك تمدحه حيل واهي راخامس ولادة وكل ولاداتها بالهادي والمواساة وطبيعي بس الاخيرة اللي بطيبة قيصري وهم تمدحه..
بالنسبة لي بولد عند دخالدة المجيبل باذن الله برويال حياة ولادتي اللي فاتت كانت هناك والدكتوره ماشاء الله عليها اكثر من روعه
عسى الله يسهل
بنات والله والله انصحكم خصوصا البجريات لانها تهتممممم بالحمل وباستمراريته وتسوي اختبار المشيمة وتدفق الدم وكل هالسوالف والله كريم

 

[love love]

اشلونكم بنات شخباركم

 

[الزيـــــن]

هلا والله عالم اخبارج انتي والحمال شلونه معاج

حوامل عفيه بغيت اعرف شغله دكتور اسامه شلونه بالتوليد لان بصراحه هو اللي تابع حالتي قبل الحمال لين حملت وعارف حالته عدل ومابي اغير من عنده وابيه يولدني لانه يعرف حالته بس خايفه منو تعرف شي تقولي وتطمني انا ان شاء الله بولد بدار الشفااا

 

[love love]

هلا حبيبتي تمام بس عوار الرحم مو طبيعي انا اقول لانه وقت دورتي يمكن


ودكتور اسامه والله ماادري عنه

 

[نورالدنيا***]

بنات حبايبي ساعدوني بليز
انا اخر دورة 27 /6 /2007
يعني متي الولاده واشرايكم متي اراجع لاني حللت بالبيت بس وفيه شويه تعب ولوعه

 

[الزيـــــن]

هلا اختي نوور الدنياا شوفي اذا ما ني غلطانه ولادتج بتكون على شهر ابريل متى بالضبط مادري اتوقع جذيه

ولازم تروحين تفتحين ملف بالعياده اللي تبيه وتاخذين فوليك اسيد والدكتور راح يقولج متى الموعد الجاي وحسبت الولاده بعد بالضبط راح يحددهاا

والتعب واللوعه هذي من الحمال والنساه

والله يثبت حملج وجملناا وتشووف عيالج حواليج ويرزقج بالذريه والولد الصالح يارب العالمين

اجمعين ان شاء الله

 

[a.n.y]

بنات حبايبي ساعدوني بليز
انا اخر دورة 27 /6 /2007
يعني متي الولاده واشرايكم متي اراجع لاني حللت بالبيت بس وفيه شويه تعب ولوعه

ولادتج بإذن الله 4 أبريل

ولازم تراجعين من أول مادريتي إنج حامل

الله يتمم علينا وعليج إنشاءالله

قولي آمييييييييين

 

[الزيـــــن]

ساعدوني بنات تعانون نفسي بالامساك والغازات ولا لا

تعبت والله من الامساك وكل مره بقول للدكتور انسه اقوله !!

ساعدوني شسوي بالحاله ؟؟؟؟؟

 

[love love]

الامساك عاااادي كلنا نفس الشي

 

[الزيـــــن]

واااااااي ياربي والله معاناة شنو الحل يعني ؟؟؟

 

[كويتيه وافتخر]

الزين شوفي جم بيننا بس يوم

اشفي الامساك ماشي على الكل
شربوا عصاير طازجه وكلوا سلطات وخضار
وسالوا دكاترتكم بالموعد الجاي

 

[الزيـــــن]

شفتي الصدف كويتيه

متى مو عد ولادتج

انا قالي الدكتور 5/3 ان شاء الله وبوولد بدار الشفاا عند دكتور اسامه صالحه

وانتي ؟؟؟

 

[كويتيه وافتخر]

لا انا قايلي اخر شهر فبراير
متى كانت اخر دوره لج
انا23\5

 

[الزيـــــن]

انا مو ذاكره متى ياتني الدوره لاني اخذ منشطات يمكن اخر مايو يمكن والله مادري

 

[كويتيه وافتخر]

حتى انا منشطات

 

[الزيـــــن]

الحال من بعضه
الله يسهل علينا انشالله ونعدي هالشهر علي خير
منو دكتورج وين بتولدين انشالله

 

[كويتيه وافتخر]

انا دكتورتي فوزيه القطان

والولاده مدري يمكن مستشفى الاحمدي

الزين ليش خذيتي منشطات ؟؟

 

[ملوكه84]

انا ودي افتك من اللوعه جربت علج (جووز) وهم حبوب اللوعه ارتحت يومين وبعدين رد كل شيء مثل ماهو
زهقت عيشتي