الله يخليكم ابي نصيحتكم ولاتبخلون علي

[al3zeza143]

بسم الله الرحمن الرحيم
بدش بالموضوع على طول ابي رايكم وشنو الطريقه اللى استخدمها
اول شئ انا مطلقه وعندى بنت ووولدين الحمد لله كبار يعنى صار لي تقريبا 8 شهور متطلقه لخلاف ومشاكل عائلية
المهم طبعا صارت مشاكل مع خواني وخواتى بسبب طلاقي يعنى اهم دائما يفكرون انه البنت مالها الا بيت ريلها واخر حل اهو الطلاق مايفكرون بمشاعر البنت او انها اشلون عايشه ومتحمله العذاب اللى تشوفه المهم متقدم لي واحد من طرف صديقتي انسان خلوق ومتدين والصراحه كل مره محتاجه ريال وحابه اجرب مره ثانية انى اتزوج عسا الله يكتب فيه الخير ويعوضني عن كل الايام المره اللى شفتها عارف ظروفي ومستعد يتحملني انا وعيالي واهو عسا الله يشفيه مايجيب عيال وانا راضية بقسمة ربي الحمد لله اللى عندي كفاية اشلون افتح الموضوع مع خواتى واخوانى خصوصا انه عندهم مصيبه وعيب البنت تتطلق ووتزوج مره ثانية وخصوصا عندها عيال ابي رايكم ونصيحتكم اصرف نظر عن الموضوع والا انى اتزوج واعيش حياتى ؟

 

[ماسيتي]

والله يا حبيبتي دامانه ملتزم ماعليج من اخوانج وخواتج عليج بأمج وابوج ودام بيحط عيالج بعيونه نعمه من الله مافي احد يتحمل عيال غيره والله يسهلج ويكتبلج الخير وصلي استخاره والله يسهلج ويكتبلج الي فيه الخير والمره مالها الا ستر

 

[nony moon]

رد : رد: الله يخليكم ابي نصيحتكم ولاتبخلون علي

ايوآآ واللهـــ ترى ما اهمك رأي اخواتكـــــــــ...اهمــ شيء رأي امكــــ وابوكـــــــ...اذاا همــــآآ راضين خلاص الحمدللهـــ
عاد لا تنسيـــ صلاه الاستخارهـــ....واللهـــ اوفتج يا خيتووـــ.....^__^

 

[جلاديلياس]

حبيبتي دام الريال زين وعلى خلق بيحط عيالج بعيونه لاطوفينه انتي كلمي امج وابوج واخذي رايهم وشرحي لهم كلشي انشالله يوافقون


صلي صلاة الاستخاره وعسي الله يوفقج

 

[happy&single]

رد: الله يخليكم اب نصيحتكم ولاتبخلون علي

حياتج انت اللي بتعيشينها وعيالج انت المسؤوله عنهم فأخوانج مالهم شغل بالموضوع
الكل لاهي وبيلهى في بيته وعياله .. وماكو اخو ما يبي الستر لاخته!!؟؟

خل يتقدم كأي خاطب عادي مو شرط تقولين لهم قولي لامج او اختج انج راغبة بالزواج
واستخيري وتوكلي على الله .. العمر يركض والعيال بيكبرون والوحده تبي ونيس

الله يستر عليج ويهديهم لج

 

[كرز حالي.]

رد : رد: الله يخليكم اب نصيحتكم ولاتبخلون علي

حبيبتي الفرصه مره وحده
وانتي عندج عيال يعني مو كل مره بتتكرر الفرصه
والريال عقيم يعني بيربي عيالج ويخليهم نفس عياله علشان يهتمون فيه
واخوانج شكو؟؟ واول مره اسمع اللي تتطلق عيب تتزوج؟؟
قوليلهم هذا شرع الله بتغيرونه بعد؟؟؟
ولا كلمي احد كبير من اهلج خل يكلمهم
قوليلهم وراكم حساب وعقاب

 

[Tulips]

رد: رد : رد: الله يخليكم اب نصيحتكم ولاتبخلون علي


اذا الله محللج تتزوجين مره ثانيه تخافين من اخوانج وخواتج ليش ؟؟ انتي مو مسويه شي غلط .. وبالعكس انا اتوقع انهم راح يستانسون لانه على قولتج مايعترفون بالطلاق وانتي اللحين بتتزوجين مره ثانيه وبتصيرين على ذمة واحد ثاني .. مافيها شي حبيبتي ماله داعي الخوف .. بعدين لي متى بتقعدين مطلقه يعني ؟؟ مو معقوله طول عمرج بتقعدين على هالحال صح ولا لا؟؟ وباجر اخوانج وخواتج كل واحد بيلهى بحياته وعايلته وانتي بتمين جذي !!

انا انصحج استتخيري اول شي وبعدين اذا ارتحتي لا تخافين من احد انتي مو مسويه شي عيب ولا حرام !

 

[غلا روحـي]

استخيري بالاول وشوفي شنو ترتاحيله
واذا خووش رجال ويتحملج مع عيالج ليش لا
وكلمي اقرب وحده من خواتج ولا امج تفاتح ابوج بالموضوع
وشفيها يعني اذا الوحده تزوج مره ثانيه لا حرام ولا عيب
والله يوفقج ويكتبلج الي فيه الخير:eh_s(17):

 

[al3zeza143]

السلام عليكم ورحمة الله وبركاته
ماسيتي nony moon وجلا ديلياس وhappy&single كرز حالي و tulips و غلا روحي
الله يعطيكم العافية لانكم استقطعتوا من وقتكم علشان تردون على موضوعي وانا والله مستانسه علا كلامكم اللى يريح البال وكل كلامكم على عيني وراسي انا نسيعت اقولكم اني يتيمة الام والاب يعنى مو جدامي الا اهم وصليت الاستخاره وبالعكس الريال طلع وايد زين واكثر من مره استخرت علشان ماشك بالامر انتو تدرون المره سندها اهلها والمشكله الكبيره اللى ماقلتها لكم انه طليقى السابق من الاهل يصير ولد عمت امي الله يرحمها يعنى شربكة وصج كلامكم والله مع انه ولدي كبير تخيلوا ماقدر اسافر ولا اروح ولا اطلع الا اهم يعرفون رايحه مع منو ومسافره مع منو مع انى انسانه سيده ماعندى خرابيط وسوالف تخيلوا مره كنت بسافر اغير جو مع عيال خواتى اثنين وبنت اختي والصبيان كبار واحد متزوج والثاني كان خاطب والله حجزنا وخلصنا ودفعنا انا توقعت اذا دروا ماراح يقلون شئ لانه عيال اختى معاي قبلها بيوم كنسلنا لانه قالو اذا سافرت ياوليها شوفوا لي وين اوصلوا علشان بس تعرفون اشكثر انا خايفه منهم مع لي الحق اتزوج ويقدر ولدي اهو يزوجنى بسكل خوفي يزعلون ويسوون شئ معاي او مع الانسان اللي راح ارتبط فيه عرفتوا مصيبتي الحين .

 

[happy&single]

مدام جذيه اشتغلي على حريم اخوانج
قولي لهم ابي اتزوج وخل يحنون على رياييلهم ما اييب راس الريال الا مرته
ولاااا شي بفكها من حماتها!!! ... مو كلهم طبعا ههههه
خل تقوله ان الستر زين للمرأة وعقبها بتصير بذمة ريال يعني بدير باله عليها
احسن منك انت انت ماراح تكون فاضي لها وهالحجي ..
ودخلي خالة وعمة بالسالفة وتضبط .. ان شاءالله
المهم اذا جادم الريال وتبينه لا تسكتين واتهاونين .. اسعي والله بوفقج

 

[دنياالوله]

السلام عليكم ورحمة الله وبركاته
ماسيتي nony moon وجلا ديلياس وhappy&single كرز حالي و tulips و غلا روحي
الله يعطيكم العافية لانكم استقطعتوا من وقتكم علشان تردون على موضوعي وانا والله مستانسه علا كلامكم اللى يريح البال وكل كلامكم على عيني وراسي انا نسيعت اقولكم اني يتيمة الام والاب يعنى مو جدامي الا اهم وصليت الاستخاره وبالعكس الريال طلع وايد زين واكثر من مره استخرت علشان ماشك بالامر انتو تدرون المره سندها اهلها والمشكله الكبيره اللى ماقلتها لكم انه طليقى السابق من الاهل يصير ولد عمت امي الله يرحمها يعنى شربكة وصج كلامكم والله مع انه ولدي كبير تخيلوا ماقدر اسافر ولا اروح ولا اطلع الا اهم يعرفون رايحه مع منو ومسافره مع منو مع انى انسانه سيده ماعندى خرابيط وسوالف تخيلوا مره كنت بسافر اغير جو مع عيال خواتى اثنين وبنت اختي والصبيان كبار واحد متزوج والثاني كان خاطب والله حجزنا وخلصنا ودفعنا انا توقعت اذا دروا ماراح يقلون شئ لانه عيال اختى معاي قبلها بيوم كنسلنا لانه قالو اذا سافرت ياوليها شوفوا لي وين اوصلوا علشان بس تعرفون اشكثر انا خايفه منهم مع لي الحق اتزوج ويقدر ولدي اهو يزوجنى بسكل خوفي يزعلون ويسوون شئ معاي او مع الانسان اللي راح ارتبط فيه عرفتوا مصيبتي الحين .

والله اذا انتي مستخيره توكلي على الله لانها فرصه ولاترفسينها عشان اخوانج اللي ماروا عنج
كل مسكر على نفسه الباب
والزم ماعليه نفسه وبيته
حبيبتي اذا ماعندج ام وابو عندج عمام كلميهم واقنعيهم
بوجهة نظر
والله يكتب لج اللي فيه الخير

 

[Hatcap2010]

Wonderful discuss

Good Topic. Best and Timely Service , We love DC Shoes Hats

 

[دانه العشاق]

رد : الله يخليكم ابي نصيحتكم ولاتبخلون علي

بصراحه موضوعج يحير والله يعينج في مصيبتج
بس انا موعارفه ليش مجتمعنا يشوف المطلقه انها عاله على اهلها او انها شي يفشل حتى لو كانت مو غلطانه بس انا اقولج يابنت الحلال اخوانج ماراح يتمون لج وكل واحد راح ينشغل مع عايلته وانتي راح تكونين بروحج انا اقول اذا ابوج وامج راضين الباقي مو مهم ومدام الرجال راضي يتحمل عيالج وين تلقين احسن منه ونوكلي على الله​

 

[fdeet_shosho]

رد: Wonderful discuss

حبيبتى الله يوفقج ودام راضيه خل يروح يخطبج من اخوانج اهم رياييل بينهم وبين بعض يحلونها واتوقه اخوانج ماراح يرفضون وربي يوفقج بس لاتفوتين الفرصة واهم شي عيالج كبار اخذي رايهم بالاول وربي يتمم على خير .

 

[al3zeza143]

هابي سنقل . دنيا الوله . هات كاب 2010 . دانه العشاق . فديت شوشو
ماقصرتوا على الرد ان شاء الله بتوكل على الله وعسا الله يقدم اللي فيه الخير ويكتبه من نصيبي لانى حلمت حلم وايد حلو حلمت انه شريت بيت بالجنة

 

[منيرة خالد]

توكلي على الله وتزوجي


واذا على اخوانج اذا عارضوا قوليلهم لي متى بعيش بيت اهلي - ووضحي لهم ظروف الريال اللي بيخطبج علشن يكونون على بينه


الله يوفقج بحياتج