مرت أخوي تبي تذبح قطوتي

[mi corazon]

قوة بنات

آنا قاعده اكتب وحدي مقهورة

اخوي توه زوج من فترة قصيرة والمشكله اني آنا اللي اخترت له العروس عن طريق توصيه

المهم هالبنية من دشت بيتنا واهي مو كافيتنا شرها

يابنات اخوي هاذا احب واحد لقلبي لأنه طيب

ومشكلتي اني قتلها عن هالطيبه واهي استغلتها ضدنا

تخيلو بنات قالب علينا .. لمن امي كانت مسافره مع الخدامه تخيلو نازلين من شقتهم وماسك اهوا جيس الزباله واهي كاشخه يمه حطه بالقاع وقال لنا قطو هالزباله بالشارع .. صدمني

الشي الثاني عندي قطوه ومن شافتها واهي حاطه دوبها ودب هالقطوه اول شي طلعت حجي ان عندها حساسيه وبعدين لمن قلتله شلون صايره الحساسيه ةانها جذابه مافيها .. بنت خالتي اللي فيها حساسيه وويها ايقب من تمسكها تموت عليها

واختي المتزوجه الحامل ومرت اخوي الكبير كلهم كانوا يخافون منها الحين تأقلموا عليها لأنها حدها كيوت ومالها شغل بأحد


بنات هاذا فيض من غبض غير الحجي اللي تقطه ولمن تقول بيتكم مادري شلون صاير وبيتكم مكسر ومطبخكم قديم على اساس توهم طالعلهم بيت


بنات قلبي يعورني ودمعتي حاره بيعوني من القهر شهالحريم اللي مايخلون احد في حاله ؟؟؟

بنات نصحوني شسوي

 

[اجمل نساء 2011]

فديتج شكلج تموتين عالقطاوة دام قطوتج حلوة وشكله كيوت شتبي فيها وشتبي بيتكم شكو فيه صج في ناس ماتثمن الكلام اللي تقوله خلي امج تقط عليها نغزة بشكل عام انه محد له شغل بهالهبيت غيرها اهيا صاحبة البيت وصاحبة القرار واهيا الآمرة الناهية والله يكفيكم شرها

 

[tota-elktkota]

مالج شغل فيها يبا وقطوتج عندج لاتخلين احد ياذيها وهاذي الحمدلله والشكر الله يهديها وغصبن عليها قطوتج عندج واهيا قاعده ابيتكم مو عاجبها خل تطلع لووول<<<<بتهاوش
والله يعينج بس حقريها اهيا راح تنقهر منج والله

 

[محبوبه25]

رد : مرت أخوي تبي تذبح قطوتي

حبيبتي اذا مو عاجبهاا بيتكم
خل تطلع
و سجلي كلامها بالبيت عشان يكون عندج شاهد
بالنسبه لسالفة القطوه الله يعينج مادري شقولج
يمكن اهي محتره تبي قطوه واخوج مو راضي يشتريلها
فاتحط الحره فيج

 

[-aToNa-]

الله يعينج
انا عندي كل شي الا قطوتي الصراحه مع الوقت تصير جنها بنتج

 

[nurseya]

رد : رد: مرت أخوي تبي تذبح قطوتي




وي الحمدالله و الشكر
خليها تولي حقريها بتمل

 

[mi corazon]

رد: رد : رد: مرت أخوي تبي تذبح قطوتي

حبيباتي المشكله .. لا المشكلتين ..

اني آنا اساسا حاقرتها .. وكل ماتنزل عندنا تحت تسوي حركات جدام اخواني الثانين وتصارخ لمن تشوفها حتى لو من بعيد تخيلو اخوي قلب السالفة علي يقول كله منج مو عيب تخلين مرتي تصرخ جدام اخواني .. جنه آنا اللي غازتها مو عيارتها

والمشكله قطوتي تخاف منهم اصلا حاسه بكرههم لها فا لمن تشوفهم تنحاش .. بس الظاهر صاحبتنا حاطتها في بالها مطلعتها مطلعتها

والمشكله الثانيه امي .. حدها طيييييييييييييبه .. وماتقدر تزعل احد .. اهي تحب قطوتي .. بس لمن اخوي يكلمها ومرت اخوي تتمسكن عندها تقلب على قطوتي

يعني امبيه تخيلوا فاره مخ اخوي تقول له بالله حملت؟ وطلعت لي هالقطوه وفويت .. ماتخاف يطيح ولدك؟ اخوي قلب حده وعصب علي وقال لي اصلا انتي ماخذيتي رايي لمن يبتيها .. اي شي آخذ رايك شكو اخذ رايك؟

والله الحين حدي كارهتها .. مسويتها حجه انها تب تنزل عندنا تقعد ويانا بالبيت ولمن احبس قطوتي بداري ماتنزل .. يعني بس جذي تلعب فينا



بنات والله هاذي الاشياء اللي اتذكرها .. وايد اشياؤ تقهر .. ليش ماتخلينا بحالنا.. واهيا بحالها؟؟ شسوينالها؟؟

ليش البنات مساكين ولمن تتزوج تفرد اجنحتها علينا ؟؟؟

اخاف اتهاوش معاها اهي واخوي وافلبها زعله وتصير مسافه بيني وبينه

صج شكلها حابه تفرق وحابه تمشي الكل على مزاجها

من نظراتها .. تحقد على الكل وماتحب احد عنده شي موعندها كل شي مو عندها تسأل عليه

الله يكافيني شركها

 

[عــاشــقــه]

والله مآدري شقولج الله يعينج ويهدي آخوج إنشالله

إللي مثل هآذي مآ ينفع معهآ آلطيبه حقريهآ ومآلج شغل فيهآ

 

[جنى q8]

رد: رد : رد: مرت أخوي تبي تذبح قطوتي

ليش البنات مساكين ولمن تتزوج تفرد اجنحتها علينا ؟؟؟

سؤالج حبيبتي حده وجيه وللاسف ماني لاقيه له اجابه

عندي وعندج خير مرت اخوي العود الله يهديهاااا كل ما اقول انا ما ابي تصير مشكله بيني وبينهاا واقول حق نفسي صفي النيه يابنيه
والله ادعيلهاا واقول خلاص ما ابي اظن فيها ظن السووء لكن للاسف كل زواره لازم اتي لج نفسهاا خااااااااااااااااااااااااااايسه وتنطر الزله
وتحسين دايما مستعده للهواش والله لو اني ارد عليها مره وحده مثل ما اتقطط علي كلاام وانا اسكت جان انقلب البيت فووق تحت
انا ماني عارفه ليش تتصرف جذي !!!

ليش ؟؟؟؟

انا احبها لانها دخلت بيتنا وانا صغيره وصارت بينا ايام حلوه اانا ما انسى هالشي
بس ليش اسلووبها جذي مو فاهمه انا على شنووووووو حدها باطه جبدي وعلى يوم اذا كثرت هالسوالف ما ارح اسكت عنهاا
والي فيها فيهاا لانها مسختهااا لي متى اسكت وابوي يقولي ميخالف يبا بلعي موس وسكتي عشاني وانا ساكته عشان ابوي
وااي حدي مقهوووره منهاا لانها توها طالعه منا والقعده كانت جدا جدا ثقيييييييييييييله وتحسين تبي تتهاااوش بس انا كاشته فيهاا

استغفر الله
الله يعينا على حريم هالاخوان
بس ترا والله مو كلهم انا عندي مرت اخوي الصغير تهبل عسل تنحط ع الجرح يبرى اسم الله عليها الله يتمم عليها

 

[بدورة القمورة]

خليها تولي حقريها

شحلاتها قطوتج اذا هي الي في صوره:fun:

 

[mi corazon]

رد: رد : رد: مرت أخوي تبي تذبح قطوتي

عاشقه حاقرتها بس خايفه من كثر ماتشحن اخوي ايي بيوم ما الاقي قطوتي بالبيت

جنى .. والله لمن اشوف حريم اخواني الثلاثه اقول ياليتها نفسهم ينحطون عالجرح يبرى .. والوم نفسي لأنها نقوتي مالت على نقوتي .. هاذي لو حلوه شتسوي فينا؟ يما يما

الله يفكنا من شرها قبل كنت اقول الله يهديها .. بس الظاهر يني لابسها الله يكفينا شرها بس

 

[( المـلاك )]

حبيبتي يا انج تحقرينها
او انج تكلمين اخوج بينج وبينه لانه اهو يتم اخوه قبل لا يصير ريلها
او انج تخلين امج و ابوج يكلمون اخوج و يسنع مرته

 

[miss-winter]

حقريها

 

[mi corazon]

رد: رد : رد: مرت أخوي تبي تذبح قطوتي

يسلمو بدوره

اي اهيا قطوتي اللي بالصوره

وهاذي صورتها الله عليج مو تاخذ العقل والقلب؟

لا ونظيفه حيل ومو مريضه كل اسبوع اوديها الطبيب

 

[mi corazon]

رد: رد : رد: مرت أخوي تبي تذبح قطوتي

شكرا الوحدانيه

والملاك

ابوي متوفي وامي شخصيتها ضعيفه عند اخواني وماتحب تزعلهم .. يعني ممكن تزعلنا علشان رضا اخواني

 

[ياشوقي للجوري]

رد : رد: رد : رد: مرت أخوي تبي تذبح قطوتي

الظاهر السالفة مو سالفة قطوتج
انت وياها ما حبيتوا بعض اكيد
انت وياها بسن واحد
اذا هي تخاف من القطوة مو من حقج
اطلعين القطوة وهي موجودة احبسي قطوتج
بغرفتج
اما السوالف الثانية لا الدخلين اخوج بالموضوع
لان ماراح تستفدين شئ بتقلب اخوج لصالحها
انت ردي عليها وقفيها عند حدها تالي هي راح تحترم
نفسها وتنجعم وما تتجرأ تتكلم مرة ثانية
والله يعينج على هالاشكال

 

[نهى الأحمد]

ما عاش منو يضايقج ياقلبي




ومرت اخوج حقريها ياقلبي

وحاولي انج تبتعدين شوي عنها جم يوم


وقطوتج خليها بدارج وصكي الباب



الله يهديها بس مرت اخوج


ودام علاقتج مع اخوج زينه

لا تحاتين ياقلبي


وما عليج منها

فديتج

 

[بـاسي قــوي]

رد : رد: مرت أخوي تبي تذبح قطوتي

يابعد عمري و ريها العين الحمراا لا تمشي كلمتهاا عليكم لانه صج ماتستحي عايشه عندكم و تتكلم عن بيتكم بهالطريقة

 

[يا قلبي لا تحزن]

رد : رد: مرت أخوي تبي تذبح قطوتي

حقريهااا صج قليلة ادب
وقطوتج خليهاا تتمشي في البيت علي راحتهاا لووووووووولز
كل ماتشوفينهاا عطيهاا طاف ولا تحاجينهااوالله يعينج عليهاا

 

[mi corazon]

رد: رد : رد: رد : رد: مرت أخوي تبي تذبح قطوتي

الظاهر السالفة مو سالفة قطوتج
انت وياها ما حبيتوا بعض اكيد
انت وياها بسن واحد
اذا هي تخاف من القطوة مو من حقج
اطلعين القطوة وهي موجودة احبسي قطوتج
بغرفتج
اما السوالف الثانية لا الدخلين اخوج بالموضوع
لان ماراح تستفدين شئ بتقلب اخوج لصالحها
انت ردي عليها وقفيها عند حدها تالي هي راح تحترم
نفسها وتنجعم وما تتجرأ تتكلم مرة ثانية
والله يعينج على هالاشكال

احنا فعلا بنفس السن .. بس آنا لاني كارهتها ولا شي

اقولج انا مختاراتها لأخوي بس اهيا خذت مني موقف ايام ملجتهم .. كانت كله وياي نتصل على بعض

بس قامت تتدخل بأسرار عايلتنا .. اسرار اهي تعرف لو اخوي درى انها تدور فيها راح يزعل .. وآنا ماعطيتها حق ولا باطل وسديت الباب بويها قامت تترجاني لاتقولين له اني سألت وانا فعلا ماعلمته .. لو آنا ماحبها جان قتله بس ماني ياهل واخرب بين الزوجين

ومن يومها حاقده علي وماقامت اتدق نفس قبل والله تغيرت معاملتها لي ولاهل بيتنا وقامت تتعمد المشكال والكل لاحظ

وقطوتي آنا طبيعي ماخليها عندها .. بس تخيلي لي شافتها من جريب وماكان عندها ريلها عادي ماتسوي شي .. بس لمن يكون ريلها موجود شوفي الحركات والدلع والصراخ

ياربي صج اتنح من هالتمثيل .. حتن خواتي قالوا يبا صوريها اشكره ولمن تسوي حركات عند ريلها راويه وقوليله ترى تمثيل


بس آنا مابي مشاكل .. يعني امبيه مكبره السالفه وحاطه راسها براس الحيوان !!! غريب امر هالناس

اخوي قالب علي يقول مشكوره ترديني وتفضلين القطوه علي .. آنا طالبج تبيعينها .. قتله سوري مانبي بايعتها لأنها شي يخصني

بنات آنا ياهل بهالتصرف؟؟؟ ياجماعه آنا اشوفها حرية شخصيه خصوصا اني اموت عالقطاوه

ولا اخليها جدامها لي شفتها شلتها .. بس اهي تمثل بشكل مو طبيعي

اففففف