اللي تطلقت وعندها عيال ... وتزوجت واحد ثاني ... شاركينا

[ام هزاع]

مرحبااااا

ام هزاع انا حاليا مطلقه وحامل يعني بعدي ماخلصت عدتي وسبحان الله قاعده

احاتي هالياهل شلون بربيه و لو تزوجت شراح اسوي معاه

عسى الله يعينا ع الدنيا بخير

وبالنسبه لموضوعج اي انا اعرف مرت جيران بيت عمي تزوجها

واحد مطلق وهي بعد كانت مطلقه ومعاها بنت و زوجها ربى بنتها ليما تزوجت

وهي تعتبره ابوها اكثر من ابوها الصجي

ادعيلي اتزوج ويكون زوجي مثله:tongue22:

حبيبتي ... لا تحاتين الياهل الله اللي بيتكفل فيه سبحانه ... ومايضيع ...
واذا الابو مايستاهل .. الله يرزقج باللي احسن منه ... ويعوضج خير

والله يتمم على بنت جيرانكم ياااااااااااااااااااارب



شرفتيني يالغالية

 

[ام هزاع]

شخصيا مادرى عن واحده تطلقت وتزوجت وعندها اطفال

بس انا من مشجعات المطلقات على الزواج

صراحه ماحب ابدا المطلقه تجلس تقول انا عمرى ضاع وليش اتزوج واجلس على العيال اربيهم

حراااام والله ليش تحرم على نفسها شى احلله لها الله

وصراحه مدرى ليش ما بقدر اتعاطف ابدا مع اى واحده تعيش مع زوجها مهانه عشانها

تشوف انه اهانتها اهون من طلاقها

الا اللى مالها اهل ولا لها راتب هذول اتعاطف معهم ولكن تكون عندها فلوس وبيت وهو يضربها ويهينها

وماترضى تطلق هذى ماتحتاج تعاطف ابدا

المهم انى من مشجعات المطلقات على الزواج لانى ماحب الحياه توقف عند احد :eh_s(17):

تعجبييييييييييييييييييييييييييييييييييني


فعلا ليش توقف الحياة

وليش ترضى الذل على كلام الناس

الناس راح يتكلمون بكل الاحوال

فتتطلق وتعيش حياتها مع اللي يستاهلها


شاااااااااااااااااااكرتلج هالاضافة القيمه

 

[ام هزاع]

بصراحه انا متطلقه بس ما عندي اعيال بس بقولج عن حالتين :
الاولى عمتى كانت متزوجه مع واحد وتطلقت واهي حااامل وعندها بنتين واللحين اهي مملجه ع واحد بس بخصوص بناتها ما ادري هل بيكونون عندها ماادري عن هالشي
اما الحاله الثانيه اهي حماات اختى مطلقه وعندها ولدين وبنت وكان زوجها الله يستر عليه صايع برتبة سربوت وبعد ما تطلقت منه الله رزقها بواااحد دين وعنده مره بس زوجته الاوليه ماتجيب ضنى وتزوجها وظفها اهي واعيالها وربى اعيالها حتى احسن من ابوووهم وهم ربج رزقها منه بضنى واعيالها معاهاا ومشاء الله تمدح حياتها ..

هلا وغلا

الله يرزقج بواحد يحطج بعيونه


وبخصوص الحالات اللي قلتيها الله يهنيهم

وفعلا ساعات الاب مايكون حنون كثر زوج الام


مشكوووووووووووووووووووووووووووره نورتينا

 

[ام هزاع]

هلا حبيبتي
اعرف واااااايد مطلقات وعندهم عيال وتزوجوا رياييل ما سبق لهم الزواج بعد عااادي
وأنا مطلقة وعندي بنت الله يحفظها 4 سنوات
وتزوجت وبنتي عندي
أبوها سوا سوالف ومشاكل بالمحاكم بس طااااف ماله شي لان الحضانة تكون لامي وانا ساكنة بفريج امي
وبحكم دوام زوجي فانام عند اهلي 3 ايام بالأسبوع
وزوجي علاقته ببنتي تهببببل الله يتمم عليهم وأحسن من أبوها
واهي وااااايد تحبه وتموت فيه وصايرة شريجتي معاه فديتهم
لما كنت عند أبوها مايهمه الا الحديد والنادي والمواتر حمدالله والشكر
بس الله عوضني بزوجي خير فديته
وأحلى شي صار لي أني تطلقت لأني تزوجت واحد كااااامل والكامل الله قولوا ماشالله
وأشكرج عالموضوع المميز

عسوووله

والله كلامج يرفع المعنويات

ووالله فرحتلج وياعسى ربي يسعدكم ولا يغير عليكم ياااااااااااااااارب

انا اللي اشكرج لانج شرفتيي

 

[ام هزاع]

اي وايد تصير

عمي تزوج وحده اكبر منه ومطلقه وعندها ولدين بعد

والحين ياب منها توم .. وبنوته ..

وماشااءلله عليهم مرتاحين الله لا يغير عليهم

الله لا يغير عليهم


ابله كويتية

تقديري لج

 

[بتول اخت بتال]

رد : اللي تطلقت وعندها عيال ... وتزوجت واحد ثاني ... شاركينا

انا اختي مطلقه وعنده ولد وبنت وعايشه حياته وماتبي تتزوج مره ثانيه وماسوت مثل باقي الحريم عشان تقهره تروح تتزوج بسرعه وتتهور في الاخير تنحرم من عيله

 

[عنايد]

رد : اللي تطلقت وعندها عيال ... وتزوجت واحد ثاني ... شاركينا

ماشاء الله قصصكم حلوه بنات

الله يتمم عليكم

بالنسبه لي انا اعرف بنات واجد تزوجو وعندهم عيال بس مو واجد لا يكون واحد مثلا او 2 بالكثير واغلبهم خلو عيالهم عند اهلهم

واذا كانو اكثر من واحد لا اكيد وين يبتلشون فيهم الاهل اكيد تاخذهم امهم

 

[3so0ola]

بنات خالتي هم تزوجت واحد اصغر منها وماسبق له الزواج
وعندها بنت عمرها 16 سنة
وزوجها يمووووت على بنته اصلا مايخلي خالتي تكلمها او تزفها
وأبو بنت خالتي يشوفها مرة بالأسبوع والحياة ماشية
صدقوني ماتوقف حياتج على ريال ولا انتي مجبورة تتحملين شي من واحد لانه ابو عيالج
بالعكس اللي مأذيج وصابرة عليه بأجر ياذي عياله
وفي رياييل وايد ولا مو متزوجين
تزوجوا مطلقات وعندهم عيال ولقى السعادة والاستقرار معاها
اخو رفيجتي شارط يبي وحدة مطلقة وعندها عيال يقول لان عندها خبرة بالحياة ومو طائشة وتخاف تتطلق مرة ثانية وتبي الستر
يقول أخاف أخاف أخذ وحدة بنت وتتدلع وتاذيني وماتخاف تتطلق وتمرمرني
تفكيره غريب بس فيه شي من الصحه !!

 

[3so0ola]

رد: رد : اللي تطلقت وعندها عيال ... وتزوجت واحد ثاني ... شاركينا

انا اختي مطلقه وعنده ولد وبنت وعايشه حياته وماتبي تتزوج مره ثانيه وماسوت مثل باقي الحريم عشان تقهره تروح تتزوج بسرعه وتتهور في الاخير تنحرم من عيله

اول شي ثقي تماما ان المطلقة لما تتزوج ثاني مرة تفكر الف مرة لان ماراح تفكر بالطلاق مرة ثانية لان الكل بقول العيب منها فشوي راح تتحمل
فمستحييييييل تكون متزوجه عشان تقهر الاول شنو هالحجي أهي مو مراهقة !!

ثاني شي عيالها يروحون عند امها بعدين أختها بعدين يدتها بعدين ام طليقها بعدين طليقها

ثالث شي الياهل اللي اختج بتحرم روحها من الحب والاستقرار والحنان عشانه مرده يتزوج ويخليها
ساعتها منو بفيدها ؟؟

رابعا أنا أشوف وطبعا مو الكل بس اغلب المطلقات ما تتحمل تعيش بدون زوج لعدة اسباب فإذا الله كتب لها زواجه ثانية أحسن من الاولى خل تتوكل وهالشي فيه منفعة لها ولضناها

 

[جنون انثى*]

رد : اللي تطلقت وعندها عيال ... وتزوجت واحد ثاني ... شاركينا

الطلاق مو نهايه العالم وماوقفت الحياه ع رجل انا تطلقت وعندي بنوته ولدين بنتي الكبيره بربع ابتدئي ولي سنتين متطلقه بس ماتزوجت اخذ بنته عقب ماطلقني والله ماقلت ولا كلمه خليته ياخذها لان الرجل مثل البزراذا عاندتيه يعاندك والسنه هذي جابها وقال خليها عندك لحد ماتتزوجين حتى لو تزوجت اتوقع مايبي ياخذهم لان زوجته ملت من المبزره اتوقع بخليهم عند امي

 

[عنزروته]

رد : رد: رد : اللي تطلقت وعندها عيال ... وتزوجت واحد ثاني ... شاركينا

اصعب سؤال لان دايما اسمع ان الوحدة تكون غبية اذا ضحت بحياتها علشان اليهال وتصبر وتصبر علي زوج ماذي .......وبعد الوحدة ماتضمن يجيها نصيب ويوافق عليها وعلي اعيالها ....او ابو العيال يطب ويطالب بعيالة وقت الزواج .......اللهم يسر علي امة محمد

 

[دنيا رديه]

بصراحه مووضوع حده حلوو ومهم بالنسبه للبنات واايد
انا اشوف الطلاق مو اخر الدنيا بس المشكله العيال
بس عن نفسي انا مافكر كلش اني اتزوج احس مافيني حيل حق الزواج مره ثاانيه لاعت جبدي
يمكن بعد سنين يتغير تفكيري وتزوج لوووول

 

[ام هزاع]

فديييييييييييييييييييييييييييييييييييييييتكم

وفديت مشاركاتكم


وماقول الا :

ربي هب لنا من الصالحين

 

[مهمة]

فديتج ياام هزاع الموضوع يا بوقته والله
الحين انا صح قاعده احاتي منو ياخذني مع اليهال يارب عوضني خير انشالله
بنات بسالكم شنو نظره الناس المطلقه مرتين وعنده يهال اخاف ماتزوج ينظروني نظره ثانيه والله مظلومه حسبي الله ونعم الوكيل