--- الحــــموله ,, والنزله لهم برمضان ! ---

[pink velvet]

مرحبا بنات

عيدكم مبارك مقدما
والله يعينكم على تجهيزات العيـــــــــــد
اللي ما تخـــــــــــــــــلص


....


طبعا اللي ساكنه ويا الحموله اكيد حلات رمضان جمعات على الفطور وحزت الاذان نفطر ويا بعض


لكن

اذا وحده مثلي ملتزمه بفطور عشان عيالي يبون ورا التراويح اكل وللسحور همن اظطر اسوي فطور يومي
وانزل لخالتي وللدوانيه
مع اني مو ملزومه البيت فيه طباخه

بس ذوقيا ولاني متربيه جذي ببيت اهلي كلن ينزل طبق

طبعا انا اول رمضان انزل وانزل بالاسبوع مرتين واخر الاسبوع عند اهلي
عليكم الحسبه جم يوم قعد

اصلي فيه واقرا قرآن
واتزهب للقياااااااااااااام
ولا العيال تجهيزاتهم وبلاويهم واغراضهم اللي ما تخللللللللص

اووووف بس
تعبت من الحياه الزوجيه والمواجيب
والله يابنات ودي ارجع لبيت اهلي بعمر ال20 او 22 ياكانت وناسه وانام واقوم بكيفي


المشكله زوجي يبيني اتفطر عند خالتي يوميااااااااااااااا
وهو ماعمره تفطر عند هلي تخيلووووووووووووووو
-----------------------------------



وخالتي لسانها فالت يعني تتشره وايد والمشكله تو راده من عمره ذاكره زوجي بشماغ وسبحه وانا مو ذاكرتني بشي يابنات تخيلووووووووووو


(( ترا انا مو سخيفه اهتم بهدايا ))
بس

كان ممكن تضحي بالسبحه او الشماغ لزوجي وتشتريلي فيهم شيله بدينار من بابو:flower:


خالتي تكرهني لوجه الله
وكل جاراتها لي قالولها وين مرت ولدج المزيونه لاني انا بالشكل احلى حريم عيالها مو غرور فيني بس هذا الصج
حتى ابو خالتي يقول هالشي عن رياجيلهم لدرجه كلهم يبون يشوفوني

تقول اي مزيونه بس شعرها مو يعني انا شعري زين مو قرعه وصحي بالعكس بس انه مع الحمال والزواج خف اشوي بس فيني شعر مو صلعه كلش
مفهمه الناس اني مالي شعر!!!!!!!!!!!!!!!!!!!!!!!!!!
يعني عيوني كبار وسنوني صف ووجهي عريض وابيض يعني ليش تحاول تدقر فيني خالتي مادري ليش وشنو السبب الرئيسي

وبناتها حمواتي متزوجات 6 هم
مايخلوني بحالي لما انزل حزت الفطور يتساسرون مع اني انزل ومنزله اكل ويا من شقتي ماانزل يد ورا ويد قدام
بنات يتطنزون علي يقولون اي حزت الحزه
مع اني حبوبه والناس تشهدلي

انا مانزلت حيل هالرمضان هذالسنه
مقلله بس مااقطعععععععععععععع


تعبت والله تعبت من النغزات
ليش مجتمع الحريم حيييييييييييل خايس وربي


انا من هالاسبوع ما نزلت كلش لخالتي بس زوجي ينزل وياه بنتي الكبيره تفطر وياهم تحت خالتي بناتها يتناوبون فيها
مع انها مو كبيره واذا محد موجود تطلع ماتقعد بالبيت كلششششششششششش دواجه

وتتشره المشكله اي اقعدي عشان الناس تزورج
وكل حريم حمواني نفسي وكلهم قالولي بعدين راح تسوين نفسنا لما كنت اعلق انهم ما يجتمعون بحزت الفطور
وبيني وبينكم قمت ارتاح افطر مع عيالي وخدامتي عندي
حتى خالتي تقول احسن الخدامه لا تفطر تحت احسسسسسسسسسسسن جذي تقولها

انتو شرايكم بتصرفي
انا كشيت وماعاد لي خلق انزل لخالتي
رجولي ترجف لي فتحت باب شقتي بنزلها يابنات
الله يعين
مع اني اجتماعيه

 

[pink velvet]

على فكره بنات للتوضيح


ترا انا احب انزل واعاون برمضان قبل الفطور

بس لاني منقبه وزوجي يقولي مع امه بشكل مو مباشر عيالهم حمواني الصغار اثنين ما يبونهم يشوفوني
ودايم يقولونلي غطي وجهج

وحمواني الكبار لي دخلو وشافوني يلزقون بالباب يعني اشكررررررررره طلعي بره بنسولف مع امنا
الله مواحد منهم حبوب ويسلم علي دايم

والكبير نفيسه ومغرور حسباله انام احلم فيه وبجماله مسكين والله مع انه اكبر مني ب18 سنه مثل بنته اعتبر بس حسباله شباب الاخ توه

 

[Do I Care]

رد : رد: --- الحــــموله ,, والنزله لهم برمضان ! ---

عشان خاطر زوجج كل شي يهون .. وهالسوالف تصير بكل بيت على قولتج كل مجتمع حريم فيه جذي
لا تصيرين حساسه حبتين ونزلي عشان زوجج وعشان ما تطلعين بالشينه جدامهم وصعدي بعد الفطور
او اذا ينزلون بعدها لا تطولين خلج جذي رسميه كافه خيرج شرج ..

واذا على النغزات طوفي تكفين الحين اهلج اللي منج وفيج يقطون نغزات ما تبين الغرب يقطونها ؟!

ما لج شغل الا بزوجج وهذيل جامليهم وبس

 

[فري كويت]

عداك العيب حبيبتي ..... خليييييج رسمية

ونصيحة لا تخلينهم يمسكون عليج الزلة

تحملي لين يطلعلج بيت وترتاحين

والله ييعيينج ويصبرج

 

[*سحآبة*]

رد : رد: --- الحــــموله ,, والنزله لهم برمضان ! ---



يااااااي .. خليتني اعيش معاااااااااج بموضوعج


ربي يعينج ..

 

[Gourges]

والله انتي مو ملزومه تنزلين ​

مثل ماله حق انج توجبين اهله وتنزلين لهم وتفطرين عندهم ..​

هم اهوا ملزوم يزور اهلج ويتفطر عندهم ... ​

غلطتج ماعودتيه على زوارتكم وزوارت اهلج من البدايه ... ​

عموما .. والله اذا كانت الحموله زينه وطيبين لا والله شيليهم على راسج ..​

اما ان كانوا عووب وماينبغون والكلمه عندهم سم ... لا والله سم اللي يسمهم منتي ملزومه اتحملين ...​

انا اقول خلج عزيزه ولاتنزلين الا كل فتره وفتره حددي لج وقت ... زوريهم وبيدج حلوو تقهوي وشربي جاي وحلي معاهم بو ساعه وصعدي شقتج .. لاتسمعين كلمه منهم ولا يسمعون كلمه منج .. وخلج رسميه ولاطيحين الكلفه ... مالج غير هلحل ...
ما اقولج قاطعي بس خففي يعني لاتعطينهم الوقت الكافي الي يقطون عليج شي ​

واذا ريلج كلمج قولي والله اهلك على راسي من فوق واهما مو اهلك هذولا اهلي صاروا من دخلت البيت بس والله يا فلان الواحد يتضايق لي سمع كلمه مو طيبه حتى لو من اهله يكش .. بس والله انا احبهم ومابي اخسرهم علشان جذي قلت بخفف شوي وبتقرب منهم من بعيد لي بعيد << طبعا بس جذي قاعده ترقعين له علشان لا يحقد ويسوي سالفه تسكتينه لان طبيعي ماكو احد يرضا على اهله وما انصحج تشيشينه لان لي رد المرد اهله ولو انه يشتكيلج عن اهلج ماراح ترضين ودورين لهم مليون عذر و عذر فا شي طبيعي​

مسكي الامور من النص عطي واخذي ... زوري وخفي ... خدمي وانخدمي ...خدمي نفسج وخليهم يخدمونج لي ييتي ... لاتصيرين ثقيله عليهم وهم لاتصيرين خفيفه الي القطه عليج ابيزه ​

والله يوفقج ​

ملاحظه : انا هاذي وجهة نظري ولو منج بسويها بس انا ما ادري شنو زوجج وشنو بيئتكم وطريقة تعاملكم مع بعض فا انتي قيسي رايي بعقلج واخذي الشي اليي يعجبج والي تحسينه بيسويلج مشاكل تجاهليله ​

عسى الله يوفقج ​

 

[ستروبريه]

اخذيها قاعده يالغاليه طول ما انتي زينه ومحترمه وتوجبين وتطبخين وتنفخين

فانتي ولاشي بالنسبه لاهل الزوج لكن لو كان العكس وكنتي ماتدرين عنهم ومعطيتهم طاااااااف تصيرين العزيزه الغاليه هذا اللي قاعده اشوفه بمجتمعنا
تقبلي:33_1185028183:

 

[أسم والسلام]

آآآآآآآآآه شقولج ياوخيتي هيجتي حزني :eh_s(20):
أنا موساكنه معاهم


رحت فطرت عندهم وندمت حيل ......جلست بأطراف السفره لا لي حشيمه ولاكرامه

وماكو أكل صوبي ولاصبو لي فيمتو ألا آخر وحده بعد كل عيالهم وبناتهم من القهر ماعرفت أكل حتى ريلي فديته
أنحرج مره وقال ذولي جليلين حيا جناتهم القديمات دلعوهم وطلعو مو كفو وطاحت على راسي لادلع ولا ترحيب زين

الشكوى لله نصبر عشان الغالي ولا هم مايستاهلون من يتعنى لهم بصراحه

عكس هلي الله لايحرمني منهم يحطوني بعيونهم ويتسابقون من يجيب لي أكل وعصير

 

[احلى ـآ وحده]

الله يعينج قلب .. :eh_s(12):

 

[sunshine22]

رد : --- الحــــموله ,, والنزله لهم برمضان ! ---

Gourges

:eh_s(15):
:eh_s(15):

اوافقها الراي
اذا انتي ريولج ترجف قبل تنزليلهم:eh_s(11):

ترا مو ملزومه تنزلين
وزوجك ماشالله فطور عند اهلج ما يفطر شنو عذره بيتكم بواشنطن ؟؟
الكويت صغيره

 

[كوكيتي]

عداك العيب حبيبتي ..... خليييييج رسمية

ونصيحة لا تخلينهم يمسكون عليج الزلة

تحملي لين يطلعلج بيت وترتاحين

والله ييعيينج ويصبرج

.... معاها..

خليج على طبعج... راح تكبرين بعين زوجج...واهما مردهم بيملوون وبيطخون..

عالأقل انتي أبرك من حريم اخواني ,,, ثلااااااااث وكل وحدة تنزل إيد ورا وإيد جدام..

اللهم ثنتين منهم يعاونونا بالمطبخ لما نبي نحط الفطور...


وماعليج من حجي خالتج للناس عنج..
. الناس تدري عن كل شي... يعني لو من الحين لي سنة جدام خالتج تتحجى فيج ماراح تضرج
لأن الناس تدري انج سنعة..


حياتي الله يوفقج ويسر امووورج​

 

[كسرة عود]

رد : --- الحــــموله ,, والنزله لهم برمضان ! ---

الله يعييييييييينج

حبيبتي :0bee2e8d89:

احتسبي الأجر ولاتضغطين على نفسج منتي ملزوووووووووومة

 

[q8tyah]

تحملى شتسوين هذى ضريبه اللى ترضي تسكن مع اهل الزوج عبالج بيعاملونج ويدلعونج نفس اهلج لاحبيبتى غلطانه

والا عبالج تربيتهم نفس تربيه بيت اهلج هم غلطانه

اذا شفتى لج خلق نزلى وقعدى عند العيوز لان هذى اللى انتى ملزومه فيها وملزومه تطوفيلها عشانها ام ريلج

وليه التموا بناتها خففى نزلتج او خلى زوارتج بيت اهلج يوم يمعتهم عشان ماتشوفين موقف اوتسمعين كلمه من احد

واذا صارلتهم مناسبه حمواتج صيري اول وحده توجبهم وبس

وديري بالج تحلطمين عند ريلج على اهله ترى الريال مايحب المره اللى تسولف وتحلطم على اهله ترى يكرهج ويكره قعدتج

بالعكس على طول امدحيهم وبينيله انج تحبينه عشان يصير يحبج ويصير بصفج لو يوم من الايام صارلتج مشكله مع احد فيهم

طبعا هذا لايمنع انج تقطين قطات اذا فيج سالفه تحوس بقلبج وتبين توصليله انهم مومتقبلينج

يعنى بالعربي تحملى امه وابوه حتى لوشنو سمعتى كلام منهم احتراما لكبر سنهم واحتراما لريلج بس

اما خواته اللى حليليه ضحكى وسولفى معاها والعوبه خليج رسميه معاها

 

[cat^q8]

وااي سوالف الحمولة ما تخلص


حبيبتي انتي ماشيه صح خلج على طبعج

لا تكثرين الدوووس

 

[(m & m)]

مرحبا بنات

عيدكم مبارك مقدما
والله يعينكم على تجهيزات العيـــــــــــد
اللي ما تخـــــــــــــــــلص

علينا و عليج اي والله هئ هئ :eh_s(4):

....


طبعا اللي ساكنه ويا الحموله اكيد حلات رمضان جمعات على الفطور وحزت الاذان نفطر ويا بعض

اهو حلو بس مو كل يوم يعني الشي ان زاد عن حده ينقلب ضده

لكن

اذا وحده مثلي ملتزمه بفطور عشان عيالي يبون ورا التراويح اكل وللسحور همن اظطر اسوي فطور يومي
وانزل لخالتي وللدوانيه
مع اني مو ملزومه البيت فيه طباخه

بس ذوقيا ولاني متربيه جذي ببيت اهلي كلن ينزل طبق

كفو والله بنت حموله

طبعا انا اول رمضان انزل وانزل بالاسبوع مرتين واخر الاسبوع عند اهلي
عليكم الحسبه جم يوم قعد

اصلي فيه واقرا قرآن
واتزهب للقياااااااااااااام
ولا العيال تجهيزاتهم وبلاويهم واغراضهم اللي ما تخللللللللص

اووووف بس
تعبت من الحياه الزوجيه والمواجيب
والله يابنات ودي ارجع لبيت اهلي بعمر ال20 او 22 ياكانت وناسه وانام واقوم بكيفي

هئ هئ اي صاجه يا حلوها من ايام خلاص راحت عليج ,,<< مجرمه

المشكله زوجي يبيني اتفطر عند خالتي يوميااااااااااااااا
وهو ماعمره تفطر عند هلي تخيلووووووووووووووو

لا عاد مو من صجه :eh_s(4):

-----------------------------------



وخالتي لسانها فالت يعني تتشره وايد والمشكله تو راده من عمره ذاكره زوجي بشماغ وسبحه وانا مو ذاكرتني بشي يابنات تخيلووووووووووو


(( ترا انا مو سخيفه اهتم بهدايا ))
بس

كان ممكن تضحي بالسبحه او الشماغ لزوجي وتشتريلي فيهم شيله بدينار من بابو:flower:

انا اقول لو ما تييب شي احسن من انها تييبلج من بابو


خالتي تكرهني لوجه الله
وكل جاراتها لي قالولها وين مرت ولدج المزيونه لاني انا بالشكل احلى حريم عيالها مو غرور فيني بس هذا الصج
حتى ابو خالتي يقول هالشي عن رياجيلهم لدرجه كلهم يبون يشوفوني

تقول اي مزيونه بس شعرها مو يعني انا شعري زين مو قرعه وصحي بالعكس بس انه مع الحمال والزواج خف اشوي بس فيني شعر مو صلعه كلش
مفهمه الناس اني مالي شعر!!!!!!!!!!!!!!!!!!!!!!!!!!
يعني عيوني كبار وسنوني صف ووجهي عريض وابيض يعني ليش تحاول تدقر فيني خالتي مادري ليش وشنو السبب الرئيسي

وبناتها حمواتي متزوجات 6 هم
مايخلوني بحالي لما انزل حزت الفطور يتساسرون مع اني انزل ومنزله اكل ويا من شقتي ماانزل يد ورا ويد قدام
بنات يتطنزون علي يقولون اي حزت الحزه
مع اني حبوبه والناس تشهدلي

طااااااااااااااااااااف ولا تعبرينهم يهالو عقلهم صغير

انا مانزلت حيل هالرمضان هذالسنه
مقلله بس مااقطعععععععععععععع

اي زين تسوين

تعبت والله تعبت من النغزات
ليش مجتمع الحريم حيييييييييييل خايس وربي

:denya: بس شنسوي لما البيت ينترس حريم يعني المشاكل ما تخلص


انا من هالاسبوع ما نزلت كلش لخالتي بس زوجي ينزل وياه بنتي الكبيره تفطر وياهم تحت خالتي بناتها يتناوبون فيها
مع انها مو كبيره واذا محد موجود تطلع ماتقعد بالبيت كلششششششششششش دواجه

وتتشره المشكله اي اقعدي عشان الناس تزورج
وكل حريم حمواني نفسي وكلهم قالولي بعدين راح تسوين نفسنا لما كنت اعلق انهم ما يجتمعون بحزت الفطور
وبيني وبينكم قمت ارتاح افطر مع عيالي وخدامتي عندي

دام انتي مرتاحه و مو قاطعتهم و موجبتهم ومومقصره مع عيالج لازم يكون ضميرج مرتاح لا يانبج والي تسوينه عين العقل

حتى خالتي تقول احسن الخدامه لا تفطر تحت احسسسسسسسسسسسن جذي تقولها

انتو شرايكم بتصرفي
انا كشيت وماعاد لي خلق انزل لخالتي
رجولي ترجف لي فتحت باب شقتي بنزلها يابنات
الله يعين
مع اني اجتماعيه

الله يوفقج يا رب اشرايج بسوالفنا على جاي الضحا

,,<< الاخت صدقت انها قام تسولف معاج وسوت حوار :krkrkr:

 

[نشيج الروح]

حبيبتي أنتي الي مسويته كله لله مو لهم ... تبين الأجر من الله ... وأكيد محتسبة فيه أجر إفطار صائم ومو محتسبة فيه أبي الكلام من الناس الحلو ...
وإذا حصلتي طشار منهم ابتسمي وظلي مبتسمة ولا تكثرين كلام معاهم ... يعني خليج متزنة ..وصاحبة واجب ... وهم كيفهم ... وبالاسبوع مرة أو مرتين تنزلين كافي ... يعني مو لازم كل يوم

 

[روعه الأحساس]

رد : رد: --- الحــــموله ,, والنزله لهم برمضان ! ---

الله يعينك حاسه فيك موووت

 

[سيدة الذوق]

رد: رد : رد: --- الحــــموله ,, والنزله لهم برمضان ! ---

خدمة ام زوج مو واااااااااجب

فهميه