السلام عليكم .. بنات حدي مستعيله! بس قلت مالي غيركم بعد رب العباد هالحزة
قبل شوي قررت انظف المنطقه الحساسه وانتوا بكرامة طريقتي موس للاسف لان الشيره عذبتني واااااااايد وايد تمسخرت معاها.. واللي خلاني استمر عالموس حديث الرسول اللهم صلي وسلم عليه ..
المهم بنات كنت مستعيله كالعاده لووووووول عاد قلت هالمره بدال السنفره احط قطنه فيها ديتول اللخضر واخففه بماي وامسح المنطقه قبل لا اشيل.. والطامه الكبرى اني نسيت نفسي لان بسرعه بسرعه ونزلت شوي -سوري - بس عشان تفهموني يعني الديتول حاش الشسمونه لان القطنه كانت متروسه...
طبعا شعوري لاتعليق.. تالي شطفت بالماي وبديت اشيل احس بحرقه.. شسوي؟
قمت وغسلت بمااااااي عدل عدل عقبها يبت غسول كيرفري وغسلت قلت يمكن تخف الحرقه..
بنات قولوا لي شسوي؟ مع العلم اني بنت مو متزوجه والسواد اللهم ياكافي صج يلوع الجبد...
شنو الطريقه الصح اللي احلق فيها؟
ابي خطوات؟؟
وموس ابي ماركه معينه؟ انا استخدم الوردي ماركتين واحد جيليت والثاني نسيت بعشوي اقولكم ان شا الله..
والسواد ممكن يخف وايد مع استمرار الموس ولا لازم شيره؟
ناس تقول الموس يسود.. وناس تقول الشيره تسود
اللي اعرفه الشيره تنظف عدل والشعر يطول على مايطلع بس عيبها مع الوقت تترهل المنطقه.
والموس عيبه الشعر يسير يبر وايد خشن
انا اجرح نفسي ساعات لان بشرتي حساسه..
وتطلع لي دمامل بعيد عنكم
مادري شسوي بعمري (((((
