شوفي حبيبتي
انا اعرف وحده سووت حادث الله يكفينا الشر وصار معاها شلل بالجزء السفلي وشدت رجولها حيل المهم راحت تعالج بامريكا وحطولها هالبطارية وكل سنة تروح امريكا يعبون لها او شي جذي المهم لازم تراجع كل سنة اذا ماراحت ترجع رجولها تشد .. بس ممنوع عليها الاشعة كلها بانواعها يعني ممنوع تسوي اشعة لانه جسمها فيه بطارية
لعام قدمت علاج بالخارج مثل كل سنة لانه كانت البطارية بس بامريكا وجنه بتركيا بس هالديرتين فيهم .. المهم قالوا لها لا العلاج متوفر وهذا الدكتور حسن يسويها ب اهي رفضت لانه الروح مو لعبة تدرين قبل دخلت عليه وقالت له دكتور يقولون انت مسوي هالعملية لمرضى قبلي عطني اسم مريض او مريضه ابي اكلمهم عشان اتطمن ارتبك الدكتور قال لا انا اعرف واخذت دورات فيها .. المهم مابي اطول عليج قبل سنة كتبوا بالجرايد عن وحده مريضة سووت هالعلمية بالكويت ودشت بغيبوبة لانه عطوها جرعة زايدة ترا اهي هذي العملية والدكتور اللي مسويها نفسه وعلى فكرة ليما الحين المره بغيبوبه ماوعت
الله يعلم ماظلمته بكلمه بس انا نصحتج .. اذا بايعه ولدج سويها بالكويت
قدمي علاج بالخارج وانشبي بحلوجهم واذا عندج واسطه حني على راسهم ليما يودونكم امريكا اذا ما حصل لا تغامرين باطبتنا
وانا نصحتج وانتي بكيفج
حبيبتى انت قبل كنت اقول نفس كلااامج بالضبط
ولما اختى بغيت اتسوى عمليه قلناا مستحيل انسويها بالكويت وحطينى واسيط الدنياا
علشان اتسافر براا لانه اهيا كان فيه غرغرينه بصبع ريلها الصغير والعلاج متوفر الكويت
دكاتره الكويت كانوا خايفين عليها وايد وقالووا احنا نبي ننطر لان اهيا فيها تضخم بالقلب
فنخااف من البنج فيه خطوره عليهاا المهم خلصت اوراقهاا وراحت الماانياا وهالديره غنيه عن التعريف
قالووا تقارير مو سليمه ومافيها تضخم بالقلب ولما سالنهم عن البنج قالوا احنا خبره وانعرف شنو انسووى
المهم دشيت اختى وماتحملت البنج ودشت بغيبوبه ولماا صحت من الغيبوبه اكتشفناا انه حااشه تلف خطير بالمخ
واهم كانوا يدرون ويحاولون يرقعوون الموضوع لمده شهر احنا مانعرف حالتهاا وليومج هذا اختى اهناك
صارلها 7 اشهر وحاله خطيره للغاايه وطوول هالفتره شفنا حالاتى تعور القلب لاعبين بحسبه النااس
والسالفه سالفه تجاره وسمسره والله طووول مااناا اهناك اقوول الله يعز الكويت ومستشفيات الكويت
الا كاانوا مو عاجبين بس احناا فينى عقده اى شىء بر زين والا بديره ماينفع حتى لوكاان هالدكتور كفاءته
احسن بمراحل من الدكتور الاجنبي لنااا ربيناا وفينى عقده الغرب
