السلام عليكم ورحمة الله وبركااته ..
مبروك اول شي القبووول ..
انا حبايبي طالبة بالتجاري صارلي سنتين وداخلة بالثالثة
وخريجة كورس ثاني ان شاء الله ..
بعلمكم عن كل شي ..
لان كنت مثلكم بالضبط خايفه ما اعرف احد امشي بالكلية اسأل جني يااهل
المهم ..
تخصصات هالكليه حلوة .
1- محاسبة << تخصصي
2- قانون
3- ادارة
4- ادارة مواد
5- بنوك
6- تأمين
7- حاسب آلي << بس للعلمي
المهم .. كل التخصصات سهله ..
وكل تخصص فيه مواد عامة اجبارية ومواد عامة اختيارية ومواد تخصصية اجبارية ومواد تخصصية اختيارية
راح اشرحهم بالتفصيل بعد شوي ..
المهم انكم لازم كلكم تروحون الكلية عشان تسوون امتحان مستوى للانجليزي ..
فايدة هالامتحان انج اذا يبتي 60 من 100 تنجحين بمادة اسمها انجليزي 99 وماتدرسينها بالكورس
اما اذا يبتي اقل من 60 بالامتحان تعتبرين راسبه .. وراح تاخذين هالماده الكورس الثاني مو الكورس الاول
لان جدول الكورس الاول بالنسبة لكم ثابت ما تغيرينه ..
المهم ان مواعيد الامتحان راح يكون يومين بتاريخ (( الاثنين الموافق 20/9/2010 والثلاثاء الموافق 21/9/2010 الساعة التاسعة صباحاً )) بالكلية بالمسرح امشي وسئلي وين المسرح الي فيه الامتحان الانجليزي بيقولولج وين
دخلي وادي الامتحاان وبالتوفيق ..
طبعا انتي راح تمتحنين بيوم واحد بس انا ماني عارفه اذا راح يقسمون هاليومين على حسب التخصص او لا
انا اذكر ان رحت اول يوم وطافني الامتحان لاني وصلت الساعه 10 للكلية وقالوا لي تعالي باجر في امتحاان ..
فانتوا روحوا اول يوم واذا تأخرتوا تعالوا اليوم الثاني عااادي . والي تمتحن اليوم الاول عادي مولازم تيي اليوم الثاني
لانها امتحنت خلاص ..
نيي الحين للخطوة الثانية اشلون تاخذين جدولج ..؟؟
تروحين بتاريخ (( الأربعاء الموافق 22/9/ 2010 والخميس الموافق 23/9/2010. ))
للكليه عشان تاخذين الجدول طبعا الصبح بس جم الساعه مادري بس اتوقع من 9 لي 12
وطبعا هاليومين مقسمينهم على حسب التخصصات .. السؤال : اشلون تعرفين انتي اي يوم انا اقولج ..
روحي الكليه بعد ما تمتحنين ادورين مبنى اسمه مبنى4 تلقين اعلانات على الطوفه معلقينهم مكتووب ان كل تخصص اي يوم
واذا ما عرفتي متى سئلي وحده من بنات القوائم (( بنات القوائم طبعا هذيله قوائم للانتخابات راح يكونون اهناك يساعدونكم
لاي سؤال منكم )) او اذا ماعرفتي انتي اي يووم سئلي اي بنت عادي محد راح يقصر معاج
المهم .. نيي اشلون تستلمين الجدول تروحين مبنى 4 اول ما تدخلين راح تروحين مكتب التسجيل واهناك تعطينهم بطاقتج المدنية واهمه يعطونج الجدول في تقريبا 4 مواد و10 وحدت << الوحدات هذي مثل النقاط كل ماده عليها وحدات
في مواد عليها وحده وحده وفي وحدتين وفي 3 وفي 4 وفي 5 ..
اذا نجحتي بال4 مواد هذي وكل ماده عليها وحدات مثلا الماده الاولى عليها وحدتين والثانية وحدتين والثالثة ثلث وحدات والرابعه ثلث وحدات جذي صاروا عشر
اذا نجحتي فيهم كلهم يعني عديتي 10 وحدات بس مع العلم ان لازم تعدين 68 وحدة للتخرج من الكلية .. طبعا بحدود ال3 سنين ..
طبعا بهالاسبوع مافي دراسة .. راح تبلش الدراسة تاريخ 26 \ 9 ولازم تحضرون لان في تسجيل غياب
والغياب والحضوور مهم بهالكلية وااايد يأثر عليج ممكن ينجحج وممكن يسقطج ..
والحين بتكلم عن المواد ..
1- المواد العامة الاجبارية
الي اهيه مواد كل الكلية تاخذها بكل تخصصاتها واجباريه يعني غصبن عليج تاخذينهم كلهم وتخلصينهم :wqedqw:
2- المواد العامة الاختيارية
الي اهيه المواد الي كل الكلية تاخذهم بكل تخصصاتها ويحطولج 3 او 4 او 5 مواد وتاخذين جم ماده منهم حسب الوحدات المطلوبه
3- المواد التخصصية الاجبارية
الي اهيه المواد الي بس تخصصج الي ياخذها وغصبن عليج تاخذينهم كلهم وتخلصينهم << حلوة غصبن عليج خخخخ
4- المواد التخصصية الاختيارية
الي اهيه المواد الي ياخذها بس تخصصج ويحطولج 3 او 4 او 5 مواد وتاخذين جم ماده منهم حسب الوحدات المطلوبه
وهذا كل شي حبايبي عن هالكلية ..
وحبيت اقولكم ان النجاح بالمواد هو 60 من 100 مو 50 من 100 مثل الثانوية ..
وسلامتكم واي شي انا حااااااضره :wqedqw:
التعديل الأخير:
