لا يوقف التقرير وايد حلو وياليت تحطين الاسعار عشان نعرف ميزانية الرحلة لان انا ودي اروح بس رفيجتي كل سنة تروح بس تقول حارة والسنة راحت وقالت متنا من الحر قلت اروح سويسرا وحر
وسويسرا مورخيصة اغلى دولة اوربية بس من تقريرج شجعتيني وحابة اعرف الميزانية وسويسرا تبي جم يوم ومتى حجزتو تذاكركم ومن اي سفريات ابي تفصيل اكثر عشان الكل يستفيد وابي اسعار الوجبات واسعار الاغراض الي شريتوها من السوبرماركت
وبجم وشنو السيارة الي اجرتوها ومن وين تحجزون تذاكر الرحلات
أختي العزيزة ....
سويسرا غالية بالنسبة للي ما يعرفها ، أوضحلج أكثر:
أنا بالنسبة لي رحت مع ريلي وعيالي الأثنين وقعدنا في سويسرا في منطقة جبلية اسمها بياتنبيرق قريبة على انترلاكن وكان معانا اخوان زوجي الأثنين وعائلاتهم ونسيبهم مع عائلته يعني احنا كلنا أربع عوائل مجموعنا -عسى الله يخلينا- 19 شخص
احنا أقمنا في بيت ريفي في قرية بياتنبيرق 28 ليله أما بالنسبة للباقي فقعدوا 21 ليله
وبسبب خبرة ريلي في السفر وفي سويسرا والانترنت فهو الذي قام بالحجوزات كاملة (سكن - سيارة - تذاكر)
لهذا السبب كانت الرحلة مريحة بالنسبة لنا جميعا حتى ان الأسعار لأنه يعرف أين تقع المحلات والجمعيات الرخيصة فكان يودينا لها فبالنسبة لنا ماكنا نحس بالغلاء ماعدا المطاعم فبشكل عام المطاعم هناك غالية
الزبدة:
اذا كنتي تبين تسافرين عن طريق المكاتب والسفريات راح تكون الرحلة غالية جدا أما اذا رحتي مع أي أحد خبير في سويسرا فراح تكون عليج رخيصة ، لأن على حسب كلام ريلي حجوزات الشقق في سويسرا وايد صعبة ولازم تحجزون قبلها بسنة عشان تحصلون أما الفنادق فغالية تقريبا 75-100 دينار باليوم
واذا ما حصلتي أحد فمالج الا بمكاتب السياحة والسفر ولكن اختاري أيام قليلة عشان لا يكلف عليج وعن خاطرج وانج شفتي سويسرا
وهذي اطلالة من بلكونة شقتنا الي في بياتنبيرق
