استفسار عن الاجازات ارجو الدخول

[Moon_night]

السلام عليكم ورحمه الله وبركاته

بنات مثل ماانتوا عارفين الدوامات مابقى عليها شي تاريخ 14

وانا راح اضطر اني اسافر بتاريخ 13

وراح ارجع بتاريخ 23 يعني راح اغيب 10 ايام

شنو افضل شي اسويه اطلب اجازه خاصه << وشنو شروطها وشلون اجراءتها

او اخذها مرضيات بس منو يقبل مرضيات 10 ايام متصله من مستوصفات او مستشفيات خاصه

مادري شنو الحل؟؟

 

[أبلة كويتية]

:33_1185028183:

حبيبتي الله يسهل أمرج وتروحين وتردين بالسلامة

بس نصيحتي لج يالغالية إنج تقدمين على إجازة خاصة

ما أدري يالغالية لا تزعلين مني بس ما يجوز تاخذين مرضية وإنتي مو مريضة

عشان الله يسهل لج سفرتج وكل أمورج من يتقي الله يجعل له مخرجا ويرزقه من حيث لا يحتسب

روحي للمنطقة اليوم أو باجر وقدمي على الإجازة الخاصة أحسن لج

وراح تكون هالإجازة بنص راتب ..الله يعينج بس إن شاء الله مال الحلال غير

تصدقين مرات الواحد يستكثر الخصم وياخذ طبية عشان محد يخصم عليه

وفجأة سبحان الله يصير لج ظرف يخليج تدفعين فلوس أكثر من الخصم

تحسين إنه مال مو حلال مافيه بركة

خليج يالغالية بالطريج إللي يرضي الرحمن سبحانه وإخذي إجازة خاصة

بس إذا إنتي مريضة فعلا إخذي إجازة طبية ..بس أتوقع الإجازة الطبية في المستشفيات الخاصة ما تكون أكثر من إسبوع


لا تزعلين مني يالغالية بس حبيت أقدم لج هذي النصيحة

الله يوفقج إن شاء الله ويسر لج أمورج

 

[Moon_night]

الله يعطيج العافيه

جزاج الله خير ع النصيحه

يعني اقدر اخذ الاجازه خاصه من المنطقه التعليميه حلووووو

بس الاجازه خاصه بدون راتب صح؟؟

 

[اسمي بين الاسامي]

اختي الاجازة الخاصة موبس يخصمون نص راتبج ويخصمون من معاشات الصيف بعد

كلامج ابله كويتية على العين وعلى الراس

انا من حقي 15 طبيه وموشرط اكون مريضه صج علشان اخذهم

اهم يدرون ان اغلب اللي ياخذون طبيات مومريضات بس هذا اجراء للوحده اللي تغيب

حتى الطبيب لمن تجينه وتقولين طبيه يعطيج على طول وغالبا مايسال شنو السبب

ومره كنت غايبه يوم خميس على اساس اخذه عرضي نسيت ان العرضي مانقدر ناخذه يوم خميس

ولا تقولي الوكيله اذا غبتي نهاية الاسبوع اخذيها طبيه موعرضي

قلت زين شلون اسوي طبيه يوم الخميس اللي طاف ماكو احد يسوي طبيه قديمة

قالت روحي لاي مستشفى خاص يسويها لج

فهذا دليل انه مجرد اجراء روتيني لاي وحده تغيب

الله كريم يارب ويمنعنا من الحرام وان شاءالله فلوسنا كلها حلال

 

[Moon_night]

ما فهمت

شكو معاشات الصيف؟؟؟

بعدين الاجازه الخاصه اللي اعرفها بدون راتب مو نص راتب

بس ابي افهم اقدر اقدمها عن طريق المنطقه التعليميه ويوافقون عليها ولا لا

 

[اسمي بين الاسامي]

ما فهمت

شكو معاشات الصيف؟؟؟

بعدين الاجازه الخاصه اللي اعرفها بدون راتب مو نص راتب

بس ابي افهم اقدر اقدمها عن طريق المنطقه التعليميه ويوافقون عليها ولا لا

ليش بدون راتب؟؟؟؟؟؟

الاجازة الخاصة اسبوعين بس

واللي اعرفه يخصمون نص راتبج + يخصمون من معاشات الصيف

قبل يومين انا واختي نسولف بهالموضوع وكانت تقول وحده من رفيجاتها تزوجت الكورس اللي طاف واخذت اجازة خاصة وكانت هذي اجراءاتهم

 

[Moon_night]

زين كم يخصمون من معاشات الصيف؟؟؟

 

[اسمي بين الاسامي]

والله مادري

انا اقول اذا عندج رصيد طبيات اخذيهم احسن بس كلام ابله كويتيه يخرع

بس مشكله لازم تدوامين اول يوم علشان يكتبولج مباشرة عمل

الله يعينج ويسهل عليج