ميونيخ زلمسي 2010 اهداء لكم

[ام مهاوش]

يتبع
اليوم اللي وراه قعدنا الساعه 8 الصبح تريقنا بالشقه واتفقنا مع رفيج ريلي ومرته نروح شلالات كريمل
الطريج من زلمسي لي الشلالات تقريبا ساعه وربع بس طبعا من المناظر الحلوه مانحس بالوقت جنهم 5 دقايق
المكان وااااااااااااااايد حلو شلالات كريمل تعتبر اطول شلالات في اوروبا

شوفو الصور



وشربنا من الماي برودته وايد حلوه

شوفوا اشحلات الشلال



بهالمكان يطشر علينا رذاذ الماي تبللنا شوفو اشلون الريال ماسك الشمسيه

 

[ام مهاوش]

سبحان الله





هذي الصوره لما نزلنا من الشلالات



خلصنا من رحلة شلالات كريمل حسيت اني تنفست هوا نقي
بعدها ردينا زلمسي وتغدينا بمطعم انطونيو ورجعنا الشقه صلينا وريحنا اشويه ورحنا البحيره وتعشينا هناك

 

[توتــــه21]

ماشاءالله صورج روعه
عليج بالعافيه

 

[فريولة]

رد : ميونيخ زلمسي 2010 اهداء لكم

واو ماشاءالله وسبحان الله العظيم على ما خلق الله يعطيك العافية على الصور

 

[ام مهاوش]

اليوم اللي بعده قمنا الصبح وتريقنا وقررنا نروح سالزبورغ
الطريج تقريبا ساعتين او اقل اشويه سالزبورغ حلوه تحسفنا ليش مانمنا فيها سوقها حلو مامدانا نروح الا السوق ولهيت بالتسوق وماصورت وايد

الطريج حق سالزبورغ





وصلنا سالزبورغ

هذا النهر يفصل سالزبورغ نصين البلده القديمه والبلده اليديده



هذي الصوره تبين فيها قلعة سالزبورغ فوق الجبل



شوفوا طبيعة سالزبورغ



تسوقنا ومر الوقت بسرعه فجأه قلب الجو غيم قررنا نرد قبل لايطق مطر ويصير بالليل
شوفو الغيم





زاد الغيم



ردينا زلمسي تعبانين من السوق ارتحنا اشويه بعدين طلعنا نتعشى بمطعم علي بابا وكان يومها زحمه مو طبيعيه من الخليجيين بالمطعم

 

[ام مهاوش]

ماشاءالله صورج روعه
عليج بالعافيه

مشكوره
الله يعافيج ونطري التكمله

 

[ام مهاوش]

رد: رد : ميونيخ زلمسي 2010 اهداء لكم

واو ماشاءالله وسبحان الله العظيم على ما خلق الله يعطيك العافية على الصور

الله يعافيج مشكوره على المرور

 

[ام مهاوش]

الزحلاقيه الصيفيه
قعدنا الساعه 8 الصبح مثل كل يوم شوفو اشلون احنا نشيطين هههههههههههههههههههه
تريقنا وطلعنا وكانت وجهتنا الزحلاقيه الصيفيه واااااااااااااااااااااو وناااسه
وصلنا الزحلاقيه ولا ماشاءالله زحمه كانو مسكرينها واحتمال يفتحونها بعد ساعه
واحنا مصممين نصعد نطرنا ساعه لما فتحوها
ويم التلفريك حاطين خرفان واااااااااااااي حدي ينييييييييت عليهم شوفو الصور


خرفانهم نظاف مو مثل خرفانه هههههههههههههههههههههه

شوفو التيس والصخله



بعدها صعدنا التلفريك شوفو الصور من التلفريك



ماشاءالله سبحان الله الطبيعه مووووصج





تزحلقنه من فوق الجبل لي الارض الشعور موطبيعي وناااااااااااااااسه حسيت اني طايره كان ودي ارد اصعد مره ثانيه هههههههههههه
بعدين ردينا زلمسي وتغدينا بالمطعم التركي ورحنا البحيره اجرنا قارب

صور البحيره من القارب





اشحلات البطه

 

[غديران]

رد : ميونيخ زلمسي 2010 اهداء لكم

روووووووووووووووعة


كملي وحطي لنا من الصور الحلوة

 

[ام مهاوش]

نكمل
اليوم اللي وراه قمنا الصبح ومثل كل يوم تريقنا بالشقه وطلعنا مبجر رحلتنا اليوم حق البحيرات
هالمكان وايد استانست فيه ولو رادتلي ما اطلع منه البحيرات اطول بحيرات في العالم فوق الجبال نصعد بالسياره لي مكان نحجز التاكر وبعدين نصعد بااص والباص يوصلنا لي تلفريك جماعي وبعد التلفريك نركب باص ثاني يوصلنا لي القمه والبحيرات طبعا الطريج بالباص يخررررررررررررررررع يمشي على حافة الجبل بس الرحله تستاهل اخليكم مع الصور

هني واحنا بالباص بنوصل القمه



صوره ثانيه واحنا صاعدين



وصلنا يالله يا بنات نزلو وحده وحده واللي تضيع توقف هني مكان الباصات ههههههههههه

 

[أوكسجين]

ام مهااااااااااااااوش:eh_s(9)::eh_s(9):
أوكسجين ياتلج ركض:RoadRunner:

ماشاله شنو هالصور الي تبرد القلب

متابعتج لنهاية التقرير
:s142:

 

[ام مهاوش]

عيدكم مبارك وتقبل الله طاعتكم
اوكسجين ههههههههههههههههههه اي تعالي عشان لاتضيعين
عذروني امس ماقدرت اكمل التقرير بحاول اليوم بالليل وانشالله اقدر اكمل واذا ماقدرت اليوم اوعدكم باجر انشالله

 

[ام مهاوش]

نكمل
هالمكان وايد استانست فيه وتنحت اطالع عيوني صارت شكبرها سبحان الله فوق الجبل الثلج وتحت بحيره المكان صج حلو

شوفو الثلج بقمة الجبل سبحان الله



بينت البحيره



واااااااااااااااااو الثلج




وهذي البحيره









اهم شي الكوخ ودي انام فيه




في هالمطعم تغدينا طلبنا باستا وبيبسي


يالله يا بنات خلصنا رحلتنا ننطر الباص عشان ننزل


وصل الباص وركبنا وكنا اخر ناس بالمكان هههههههههههه
صور من الباص واحنا نازلين


الغيم يعذبني





خلصنا رحلة البحيرات وردينا شقتنا صلينا وارتحنا اشويه سويت حق ريلي شاي وقهوه


وانا سويتلي شاي حليب وحطيت بسكوت وقعدت بالبلكونه استانس بالجو الحلو والمطر

حياكم لا تستحون

 

[ام مهاوش]

كان هذا اخر يوم لنا في زلمسي وصج كان ضايق خلقنا مانبي ميونيخ ماعجبتنا بس شنسوي ردتنا من ميونيخ
نطروني مع تكملة اخر يوم بزلمسي وردتنا حق ميونيخ

 

[ام مهاوش]

مشكوووووووووووووووووووووووره مشرفتنا الغاليه على التثبيت

 

[*الزينه*]

ام مهااوش عجيييبه الصور

كلش ولا الجاي حليب بهالجو اللي يرد الروووح

 

[أوكسجين]

تستاهلين التثبيت ام مهاوش

ومتابعه

 

[روح عاشقها]

ماشاءالله اش هالجو وهالطبيعة؟؟
الله يهنيج ويكتبلي سفرة لزلمسي الصيف الجاي

 

[ذكرى الفراق]

رد : ميونيخ زلمسي 2010 اهداء لكم

روووووووعه صور الجبال والثلوج والبحيرة ...سبحان الله اللي ابدعها ...وتسلم ايدج على هالصور ...متابعين ان شالله للاخر

 

[النـجـلآ]

روووووووووعه انا بعد كنت هناك السنه تجنن ماشفتج خخخ