مشكله!!

[ريان]

السلام عليكم

عيدكم مبارك وتقبل الله طاعتكم وعساكم من العايدين الفايزين

بنات ابي اقولكم مشكله وحده اعرفها ونبي حل الي بتفلسف ولا بتقول كلام ماله لزمه من الحين الله يعافيج سوي باك وردي اقري اي موضوع ثاني

وحده تعرف واحد وتبيه وتحبه بس مشكلته لعوب ويكلم مليون الف وحده غيرها وهي تدري بهالشيء وكل ماطاحت عليه راضاها ودلعها!! بس يقولها لي كنتي لي حاسبيني على كل شيء!!! تبيه وماتبي غيره علما بان البنت تشتغل برا الكويت واهو بالكويت قتلها انسيه طاف تقول ما اقدر ابيه وقلبي فزله!!! وماعمره فز حق واحد مثله شتسوي علشان تكسبه!!! الي ماعندها حجوه طيبه لاتقولها مانبي نقرا حجي ماله لزمه نبي نصيحه وشووور غيره مانبي


شكرا جزيلا

 

[بتبوتااا]

الي مثله يا قلبي ما عليه حسوفه كافي تدري انه لعوب شلون بتأمن حياتهاا معاه !
اقصى شي بيقول لها تدرين فيني اني جذي ليش تبيني :/
الريال ما يحب الوحده الي تقط روحهاا عليه فديتج ,,اللي خلقه خلق ملايين غيره ,,
قوليلهاا توخر عنه وتحاول تنشغل بحياتهاا والله يعوضهاا بواحد احسن منه يصونهاا ويسعدهاا ياارب ,,

 

[fulla.81]

هلا فيج
عقلها براسها .. وتعرف مصلحتها
ماراح ينفع نصايح العالم .. وهي حاسه انها مو مرتاحه من ناحيه البنات الي يعرفهم
حبيبتي هذا الشي بدم الريال .. ينوع بالبنات ويخربط
اذا عندها صبر وطولت بال تتزوجه .. وانا من الحين أقولها بتتعب معاه
كل شوي بتشوف صيده جديده ... وحزتها ماراح ينفع الندم هي الخسراااانه

 

[فـرفـر]

دام باولها جذيه ينعاف تاليها
خل تخلي قلبها علي صووب
صدقيني ماراح يفيدها بشي
اذا يحبها بحطها بين عيونه ولايخونها ويتقدم لها
بس مبين عليه لعوب وخل تحط ببالها انه متعود علي هالشي
شوفي شكثر خيانات بالقسم
خليها تستخير وتشوف حياتها

 

[!الجادل الصعب!]

رد : مشكله!!



القطو مآيحب الا خنآقه ..!

هذا مو مآل ارتبآط .. خل تفك روحها بلا فز بلا مز ..!

 

[الرماسيه]

رد : مشكله!!

بصراحه ماعندها سالفه خل تتركه مايبيلها تفكير

 

[ريان]

رد : مشكله!!

مشكووورين بنات على ردووودكم ادعولها ان ربي يشرح صدرها حاولت تلهي نفسها تشغل عمرها بس ماكو فايده علما الي تحسه مانع ذاك يقربلها زود سالفه شغلها برا الكويت واهي ماتبي ترد لان شايفه مستقبلها بنفس الوقت هناك ماتبي يكلم ولا تبي يلعب شتسوي اشلون تكسبه ويقولها انتي تحبين تعذبين نفسج بعنادج!!! واذا ماتايدون تكسبه اشلون تلهي عمرها كل شيء سوت نبي اقتراحات

 

[درة أهل الطولات]

رد : مشكله!!

القطو مآيحب الا خنآقه ..!

هذا مو مآل ارتبآط .. خل تفك روحها بلا فز بلا مز ..!

صــاااجــة :eh_s(15):

 

[العذرااااااااء]

رد : مشكله!!

تتتركه احسن

الله يسترني يارب

 

[كرز حالي.]

رد : مشكله!!

والله اتوقع اذا تحبه وتبيه مافي شي راح يغير فكرتها ووجهة نظرها
بس انتي بتنصحينها بس
ودامها اهي مختاره هالشي خل تروح له علشان تتحمل اهي بنفسها وبروحها النتيجه
والله يوفقها ويهديه

 

[njoom1]

رد : مشكله!!

ماراح تلاقي معاه غير التعب .... اذا اهو مستانس يكلم مليون وحده !!!! بالله قوليلي شنو بتحصل من العيشه معاه ؟؟؟

شتبي فيه خل تخلييييه وانشالله الله بيرزقها ولد الحلال

 

[المـــــها]

السلام عليكم

عيدكم مبارك وتقبل الله طاعتكم وعساكم من العايدين الفايزين

بنات ابي اقولكم مشكله وحده اعرفها ونبي حل الي بتفلسف ولا بتقول كلام ماله لزمه من الحين الله يعافيج سوي باك وردي اقري اي موضوع ثاني

وحده تعرف واحد وتبيه وتحبه بس مشكلته لعوب ويكلم مليون الف وحده غيرها وهي تدري بهالشيء وكل ماطاحت عليه راضاها ودلعها!! بس يقولها لي كنتي لي حاسبيني على كل شيء!!! تبيه وماتبي غيره علما بان البنت تشتغل برا الكويت واهو بالكويت قتلها انسيه طاف تقول ما اقدر ابيه وقلبي فزله!!! وماعمره فز حق واحد مثله شتسوي علشان تكسبه!!! الي ماعندها حجوه طيبه لاتقولها مانبي نقرا حجي ماله لزمه نبي نصيحه وشووور غيره مانبي


شكرا جزيلا

يا قلبي الحل مو بيدج ولا بيد رفيجتج
الحل بيد البوي فريند مال رفيجتج
إذا خطبها تنحل المشكله و يتزوجون و يصير لها و تفتك من المغازل و سوالفه

 

[MoonDiamond]

بوطبيع ما يوز عن طبعه

 

[ريان]

رد : مشكله!!

مشكوووورين انزييين شتسوي عطونا حلول

 

[ريان]

رد : مشكله!!

نبي تفهمه ان هالشيء يزعجها وماتبي يكلم اشلون تقنعه اشلون تفهمه

 

[softlady]

حبيبتي ريان

هالاشياء ماتفهمنيها لأحد

هالاشياء تنحسسسس

بديهيه

الي يحب يسويها بروحه

 

[(m & m)]

وحده تعرف واحد وتبيه وتحبه بس مشكلته لعوب ويكلم مليون الف وحده غيرها وهي تدري بهالشيء

شتبي فيه دام اهو مثل ما تقولين المفروض تنحاش منه اصلا البنات لما بيتزوجون يسالون عن الريال لو نفس طفته البنت تنحاش منه ما تقول ابيه و قلبي يحبه ترا باجر لي يالهم النصيب راح تنساه و تنسى اسمه