تصارحينه ولا لأ ؟

[fofo2020]

عيدكم مباااارك
وتقبل الله طاعتكم

عندي سؤال يخص بنت خالي توها كملت ال19
وتقدم لها واحد وصارحته بالسؤال ( معنى محد يسأل هل السؤال الغريب ) وناطره للحين الرد
واهوا هم سؤاله شوي محرج بالنسبه لها

المهم

تقدم لها اخر رمضان وكانت على كرسي الاعترافات :O_SHH_: ( الاسئلة ) :eh_s(17):

ومن ضمن الاسئلة اللي سألها !
قالها : انتي كنتي على علاقة مع احد قبل , يعني هل سبق وكلمتي صبي ؟
وقالها ابي جواب اكييد مابي لف ودوران ( حشا رايح يحقق معاها مو يخطب ؟؟ )

والبنت اي كانت قبل تلعب يعني سوالف بريئة ماتعدت الحدود
المهم البنت سكتت وقالت له اي
للعلم كانت تكلم بس على قولتها مجرد صداقة بس المهم انه سمعت صوت صبي يعني كلمت صبي بحياتها عرفتوا

والكل اعتقد ردت فعله بتكون استفهااااام شالجرأه ؟؟

بس اهوا سكت وكمل اسأله جنه مايدري لي اخير شي قالوا اذا في نصيب بنكلمكم ......

الحين اهيا تحاااتي اللي سوته صح ولا لأ ؟
يعني عادي انها صارحته وقالت اي ولا المفروض تجذب ؟

واذا ماكو نصيب يعني من هالسسبب و تقدم لها احد ثاني وسألها نفس السؤال , تقوله اي ولا تسكت ؟

وانتوا شرايكم ؟

 

[توليب بنفسجي]

رد : تصارحينه ولا لأ ؟

انا من وجهة نظري زين سوت انها قالت الصج
و لو ان مافي ريال يتقبل هالشي حتى لو قايل لها قولي الصج و عادي عندي
بس لا تحاتي اذا رفضوا يعني مافي نصيب و مو شرط من هالسبب
و المرة الثانية لا تقول انها تكلم لان عقول الشباب مريضه
مع ان الصراحه لازم تنقال بس اذا اهي بتتزوج و تريح بالها لا تعلم

 

[kuwaitya_zoGaa]

اكيد بيقول لا .... بس ممكم انه يحترم صراحتها ويعرف انها تبي تبتدي صفحه يديده مع زوجها
بس بصراحه غلطانه المفروض انها ماتقول اى وخل توخر عن هالدرب اللى ماوراه الا خراب البيوت
وتوها صغيره باحر يقصون عليها ...

 

[مـيـراس]

لا طبعا

لان شباب الكويت حساسيين وعصبيين وبيروووح مخهم بعبد وويشكووون مع مرووور الوقت

 

[So0oKaRa]

واذا بليتم فاستترو
البنت اغلطت وماتعدى الموضوع غير مكالمات يعني ماصار شي اكبر من جذي ودامها تابت عن هالسوالف البطاليه خلاص لا تييب طاري
واهو غلطان شهالسؤال بصراحه مبين عليه شكاك وجريء من اولها
والله يستر عليها وسواء صار نصيب مع هالشخص او لا خل تستغفر ربها وتتوب وتوخر عن هالشي

 

[الصعيريه]

رد : تصارحينه ولا لأ ؟

حلوو انها صارحته
والله يكتبلها اللي فيه الخير

بس هو مآسألها الا لأنه ماشي بهالطريج الغلط

 

[الحسن الرقيق]

رد : تصارحينه ولا لأ ؟

اول مره ادري انه الرياييل يسألون هالسؤال ؟

بسسس انا اشوووف لو قايله لااا احسـن .. لانه الريال الشرقي ما يتقبل هالموضوع كلش .. وحتى لو صار بينهم نصيب راح يشك فيها ولا يمكن بعد يعايرهااا ..

 

[fofo2020]

رد : تصارحينه ولا لأ ؟

مشكورين كلكم
واي نعم اهي الحمدلله تابت على قولتها ايام مراهقة بس
بس اللي بتوصله انها اي كلمت ماجذبت

والله كريم

حلوو انها صارحته
والله يكتبلها اللي فيه الخير

بس هو مآسألها الا لأنه ماشي بهالطريج الغلط

شلون مافهمت ردج ؟

 

[fofo2020]

رد : تصارحينه ولا لأ ؟

الحسن الرقيق


وانا مثلج وكلنا وهي بعد سؤال غريييييب
او انه متعقد من الحريم
هههه
مادري عنه
بس هم يمكن على نياته واهي صارحته ماجذبت هم على نياتها ترا

مشكورة

 

[فوفو22]

رد : تصارحينه ولا لأ ؟

يا حبيباتي

هذه اللعبه تصلح للاجانب

ما تصلح لنا احنا....

خلاااااص الماضي راح وانسيه........ يا بنت ويا ولد

دام الله ستر عليكم الماضي لا تفضحوا نفسكم بالحاضر


واذا قام اي طرف يحاول يسحب اعترافات من الطرف الثاني

الانكار هو اللي بيحفظ حياتكم لفترة طويله

والاعتراف هو اللي بدخل الشك والغيرة والمشاكل بينكم

فوفو

 

[الجــادل]

رد : تصارحينه ولا لأ ؟

واذا بليتم فاستتروا

 

[Čut!e Quèéи]

غلطاااااانه شكو تقول اي؟؟؟؟؟؟؟؟

اكيد راح يرفضها

الرياييل اذا عرفو ان البنت كان لها علاقه حب شريفه ما الله كتب لها نصيب فيها

يعوفون البنت يقولون اي هذي راعيه خرابيط تكلم واحد ما يندرى طالعه معاه ولا شمسويه وياه

غلط غلط انها تصارحه مو كل سؤال له جواب ولا كل شي ينقال

خليها تحط في راسها ان اي واحد يتقدم لها ويسألها هالسؤال جوابها على طول يكوون لااااااااا

لان حتى لو رضى باجر على اي هوشه يقول لها انتي كنتي وكنتي ولو فيج خير وما خير حجي سخييييف معروف اسلوب الرياييل

 

[fofo2020]

رد : تصارحينه ولا لأ ؟

عدل كلامكم
واذا ما انكتب لها نصيب بهذا وهذا السبب

لازم انها تنكر هالشي

الله يوفقكم

 

[fofo2020]

رد : رد: تصارحينه ولا لأ ؟

غلطاااااانه شكو تقول اي؟؟؟؟؟؟؟؟

اكيد راح يرفضها

الرياييل اذا عرفو ان البنت كان لها علاقه حب شريفه ما الله كتب لها نصيب فيها

يعوفون البنت يقولون اي هذي راعيه خرابيط تكلم واحد ما يندرى طالعه معاه ولا شمسويه وياه

غلط غلط انها تصارحه مو كل سؤال له جواب ولا كل شي ينقال

خليها تحط في راسها ان اي واحد يتقدم لها ويسألها هالسؤال جوابها على طول يكوون لااااااااا

لان حتى لو رضى باجر على اي هوشه يقول لها انتي كنتي وكنتي ولو فيج خير وما خير حجي سخييييف معروف اسلوب الرياييل

فقيييرة على نياااتها
واول واحد تقعد معاه تدودهت وبعدها تشكتي !

بس لو بنت فيها جرأه ترد السؤال عليه

مشكورة خيتووو

 

[اميرة-الاحجار]

هاذا من اولها يسال هالاسئله اصلا عيب قطيعه
المفروض مايسال هل السؤال من اول مره وتحمد ربها انها قالت اي وتدعي بها مايصير نصيب شكله معقد وشكاك ومايعرف الذوق
انا مره واحد خاطبني سالني هالسؤال وشرشحته وقلت مابيه مع انه اعتذر وامه اعتذرت بس قلت لو يموت ماخذ واحد مو محترم جذي
عيل ليش الناس تسال قبل الزواج ..؟؟
المفروض اهو يسال وينبش قبل لايخطب ..
واهي غلطت بعد اصلا المفروض تستر على روحها ماتقول اي حق واحد ماتدري شنو نمونته اقص ايدي اذا ماقعد بالديوانيه وتكلم عنها وشهر فيها جدام الرياييل بيقول خطبت وحده من البيت الفلاني وقالت اكلم ..الخ
ا

 

[fofo2020]

رد : رد: تصارحينه ولا لأ ؟

هاذا من اولها يسال هالاسئله اصلا عيب قطيعه
المفروض مايسال هل السؤال من اول مره وتحمد ربها انها قالت اي وتدعي بها مايصير نصيب شكله معقد وشكاك ومايعرف الذوق
انا مره واحد خاطبني سالني هالسؤال وشرشحته وقلت مابيه مع انه اعتذر وامه اعتذرت بس قلت لو يموت ماخذ واحد مو محترم جذي
عيل ليش الناس تسال قبل الزواج ..؟؟
المفروض اهو يسال وينبش قبل لايخطب ..
واهي غلطت بعد اصلا المفروض تستر على روحها ماتقول اي حق واحد ماتدري شنو نمونته اقص ايدي اذا ماقعد بالديوانيه وتكلم عنها وشهر فيها جدام الرياييل بيقول خطبت وحده من البيت الفلاني وقالت اكلم ..الخ
ا

اي والله صاجة
قلت الاسئلة الظاهر عنده !

الله يستر عليها وهذا درس لها

مشكورة خيتي

 

[اميره1980]

يا حظي؟؟؟؟؟؟؟
انا لو سالت خطيبي هالسؤال و قالي اي احاجي كنت خليته يقلب ويهه على جرئته معاي مو علشان كان يحاجي
عموما هم خطيبها غلطان على هالسؤال عيييييييييييب العاده بعد الزواج يسألون مو بالخطبة
خلتسكت و لا تقول احسن

 

[الأميرة الحزينة]

اكيييد غلطاانه .. لأن بالحالتين سواء خذته او لأ خربت على روحها .. شلوون ؟؟

اذا خذاها بيظل يشك فيها والشرقي ما ينسى هالشي مستحييل وبيعايرها فيه ويفقد ثقته فيها
واذا ما خذته احتمال يمشي ويسولف فيها .. غلطانه حطت روحها بموقف جذي :flower:

 

[شقرديـه عالطل]

يمكن يوافق ويحب صراحتها
بس اللي سوته مو سها وباجر اي حركه بيمسكه عليها مو لهدرجه هذا زواج مو لعب ورفييييج
يعني غلط الي سوته كثثثير بنات خربطو ويوم تزوجوا عقلوا ولاقالوا لرياييلهم حتى لو سالوهم مو لهدرجه
شالسذاجه

 

[fofo2020]

رد : تصارحينه ولا لأ ؟

كل كلامكم عدل

سؤاله وراه نيه ! واهي نتدمت وماتدري

بس هم ماتدرون اهيا صغيرة يمكن راح يفكر انها صج كانت بس جذي
وامه اكيد سامعه عنها خوش بنت

وعااد الله وكلامها ترى لعب يهالوا بس الاخت مادري شفيها صارت صريحه جذي معاه
يمكن حبته معنها قالت ماطلت بويها بس عطته الرد خخخ

الله يستر